06-11-2012, 10:42 AM
|
#27
|
شخصيات هامه
|
اقتباس :
المشاركة الأصلية كتبت بواسطة حنطبه
[ مشاهدة المشاركة ]
|
استراحة (على سفح جبل )
قال عبدالله الحامدي =
ياسالم البدوي معد شي يعترف = في ذا الزمن كلن بمكياله يكيل
وأنته ذهن لايارفيقي يحترف = عقلك ومن حيته تحذر لايميل
قال سالم البدوي =
العقل زينه والمخبل ينجرف =خلف المظاهر والحداثه والطبيل
وصاحب الخبره وذيهو محترف = يمشي بخطوه ثابته سعف الدليل
قال عبدالله احمد الحامدي =
العقل زينه صدق كن ما يصترف = مادام ضاعت عالمعلم والقبيل
دمعي ذرف لي مابغيته ينذرف = لاذكرت لي كانوا على الشرع الطويل
قال سالم البدوي بلحمر =
كانوا ولازالوا علم عاكل رف = وبالذهب باينكتب أسم الاصيل
والفسل يتلاشى وكل من يقترف = عيفه يخل باهل المروه والجميل
قال عبدالله الحامدي =
الفسل ياسالم بغيته ينكرف = من بيننا لاتقول هذا مستحيل
والجيد اأبن الجيد حتى عالظرف = بيعيش متهني ولا ذل الوكيل
قال سالم البدوي =
ذي عامد الخرسه بغيته ليشرف = لما بلغ بالحمل لى حيد الجزيل
وبعد يخرف أو عسى له ليخرف = النخل ذي مابين غورب والسفيل
قال عبدالله الحامدي =
إن كان قصدك باتعرفني عرف = حاضر ومستقبل وفي الزام الدويل
إلا الزمن لي كلف اعيوني ترف = وانسيت طعم البن هو والزنجبيل
قال سالم البدوي =
عشنا وشفنا التبر بيدك ينغرف = من أرض ملها شي في الدنيا مثيل
أما الكلام العيف مابايهترف = والثرثره مفتاحها قال ن وقيل
|
تأمل من أعلى سفح الجبل؛؛؛؛؛
|
|
|
|
|