[عمر الذيب]

مهما تغذيها وتسقيها بماء=ماظن شي نخله تصل لما السماء
لا النخل بايوصل ولا حنا واصلين=امتى لنا ياباه قلبك بايلين
من بعد ما توفت ودفنت امنا= وانته وخالتنا هدفكم ذلنا
وعيال خالتنا علينا مفضلين=امتى لنا ياباه قلبك بايلين
اباه لا ياباه شي مخرج وحل=كيف البصيره كيف ياباه العمل
لما متى ياباه واحنا تابعين=امتى لنا ياباه قلبك با يلين
في سوق متقلب خسرنا كل شي=ماحد كسب الا السرق والمرتشي
شي للحراميه وشي للفاسدين=امتى لنا ياباه قلبك بايلين
ميراث امي ضاع مابين السرق=اللحم للفاسد وللشيخ المرق
حد ينكر المنكور ذا يامسلمين=امتى لنا ياباه قلبك بايلين
حتى الخوات الست ما وحده حكت=عشرين موته متت ما وحده بكت
لاجاملنا احيا ولابكن ميتين=امتى لنا ياباه قلبك بايلين
يكفي من الباطل كفى يكفي كفى=من قبرها امي تقول اين الوفاء
اين الوفا للام يا صحاب الزفين=امتى لنا ياباه قلبك بايلين
لبيه يا امي ميه والفين لك=لباك لي دائم ابد ما يخذلك
لي تعرفينه والجماعه عارفين=امتى لنا ياباه قلبك بايلين
من بعد ما شفت الدياك امقارعه=هل عادشي منك امل ومراجعه
والا قنع وانغق بصوت الغا فلين=امتى لنا ياباه قلبك بايلين
حقي بغيته يارجال الزوكره=مابا نفرط في الذهب والجوهره
يشهد علينا الله رب العالمين=امتى لنا ياباه قلبك بايلين
العد ثم العدل هو ساس البنا=وان ضاع ساس العدل ضعنا كلنا
بايضيع مولا الدار والمستاجرين=امتى لنا ياباه قلبك بايلين
بايضع مولا الدار والمستاجرين=بايضيع مولا الدار والمستاجرين
=عمر الذيب