مجراي ثاني وأنتم إن لكم مجرى = تسعه وتسعين مايدروا ولي يدرى
واحد بطل للروايه الثور هو والزير = وين الكرامه ووين العز والتقدير
في الشحر لي أهل والخيصه بها أهلي = وحضرموت الكبيره معضدي وحجلي
وتاج راسي ذهب ماهو رشد وعشير = وين الكرامه ووين العز والتقدير
سامحت كل من لقى لي فخ في دربي = لاجيت شرقي قواره يسلك الغربي
عقبته كأداء ويبغى عيون فيها تسير = وين الكرامه ووين العز والتقدير
وبالتفاهم وبالتصويب بانوصل = والحل عند الذيهم يعرفون الحل
وفي قرار انسحابي ماطرأ تغيير = وين الكرامه ووين العز والتقدير
ياسقيفة الخير من فارقش في غصه = فيش الروايه وفيش الشعر والقصه
متعدده الفكر في التقديم والتنوير = وين الكرامه ووين العز والتقدير
قريب سقف السقيفه بايقع ثاني = مادام عاد المعلم يدفع الباني
بالعزم والصبر تدرج عجلة التطوير = وين الكرامه ووين العز والتقدير