(( الـقــدس ))
الحمد لله عالِم خافي النيّات = ومسيّر الكون والتكوين بسهاله
نطلبك يارب يامحقق لنا الغايات = تشفي عقول اصبحت عمياء ومحتاله
سلام لرض السلام اللي لها الهامات = تُرفع برغم الأسى ودموع سياّله
ارض السلام الذّي دايم بها الأناّت = جيل ٍ ورا جيل سبة ناس دجاّله
( القدس ) ابطت تعاني الحزن والحسرات = ونار الفتن والمصائب دوم شعاّله
من خمسة آلاف عام إتعيش في ازمات= لليوم يا عزة الرحمن في حاله
كل ما استراحت ونالت بعض لنجازات = عوّد عليها النكد والظلم وافعاله
واليوم شي مختلف اسواء من اللي فات = صارت بقبظة نجوس/اوغاد وحثاله
من وعد بلفور هل الضيم والآهات = الله يقبّح مفاهيمه مع اعماله
والمسلمين اصبحو في معظم الحالات = يتنافسو في عطايا صلح مياله
للضعف والذل والإذعان وإيهانات = كل فرد ما همّه إلا مركز ٍ ناله
الله يغمر صلاح الدين بالرحمات = لي باع لجل الكرامه حاله وماله
ولا حسب للعواقب أية إحسابات = تثني عزومه وروح النصر بآماله
حط الهدف نصب عينه دون تلميحات = وصرح الفساد الصليبي حطم اقفاله
حارب ولا فضّل الروحات والجياّت = ولا عطى للعماله دور تسعى له
سطرّ ملاحم بطوله خالده بالذات = يا ريت بين العرب عشره من امثاله
ان كان صار اليهودي يلعن اللحظات = لي جابته لأرض ترفض كل ما قاله
واليوم واجب علينا نرفع الدعوات = للحق نرجو كرم عزته وإجلاله
لا فائده من رموز المكر والفتنات= لي دائم إهدائهم للشارع إشغاله
بهروج متفبركه وكذوب وخرافات = وكل واحد المصلحه مستعمرة باله
روحات جياّت إعلانات وخطابات = واللي نتج منّها للشعب إذلاله
ذا لي حصل والعفو ان كان به قصرات = ويهناله اللي ينال الفوز يهناله
وعقبا لفوز ٍ كبير يحقق إطموحات = شعب الصمود الأبي ويزدهر فاله
وختامها عالحبيب الهاشمي صلوات = وسلام مرسل اليه وصحبه وآله