هذا الزوامل للوالد حسن باقديم
الحمد نعمه والطماعه باس = والستر متجر عند بعض الناس
والعافيه عنده تجاره=
يطمع بنادم في ملاذ الكاس = وفي الختام الزين والمجلاس
يبني في الجنه دياره =
وخلاف هذا لوملك مدراس = وملك سويسر هي ويامكناس
دار الندم دار الخساره =
ياالمعتصم بعدك بني العباس = فروا طير هدموا البناء والساس
والعرش روح والاماره =
عاورث شيباني رفعت الراس = كرهه ولا فرحه بذل وافلاس
لوماملك حبه سجاره =
والتمر في الدنيا عين واجناس = عفت الصداره والسبب باداس
وحلفت ماعود الصداره =
زامل اخر
عصر الفضاء والهاتف الجوال = والتفزه والعولمه والمال
خيم بظره عاحلل وصروم=
كانت خضيره والمطر همال = واليوم غبراء من عمل لاجيال
فيها المزمن حاسد المرحوم =
وام المرادم حاكمت لاقفال = فرت شحف من دلهم واوصال
ياويلهم يوم القضاء المعلوم =
باس الحضاره والمدن قتال = مافي الحضاره شي يسر الحال
فيها مشاكل واجده وهموم =
زامل اخر
نحمد الله ذي بالعقل خص البنادم = لجل يعرف طريق الصائبه والخطيه
رغم قسمته مالقاها سوى في الجماجم=شي ملانه وشي بحلف عليها خليه
ذا كلامي وبه كلين عارف وفاهم = والغبي مالقي له مدرسه داخليه
غير يقنع بقسمه لا يظلي يزاحم = صاحب المرتبه والقمه الطالعيه
زامل اخر
اليوم حان الوقت ياالهاجس ظهر = قدامك الزامل وهواكه يهوك
انتم ضمار الجيب وفلوس الكمر = مالي ولفلوس المصارف والبنوك
قدها لكم والصيت معكم والخبر = والصدق ذيهوا ماتطاوله الشكوك
ياحال روبه لا يساورك الكدر = رزح ورنح عاحجج جدك وابوك
وان عده حاشي في القطيره مانقطر = ماالعذر مايعرف مساره والسلوك
وان طار بجناحه يحط من حيث فر = قولوا لمن عاده في الحسبه يعوك
زامل اخر
بوحمد قال ترحيبي مكرر وشامل = للمحبين ذولا ينقسم باالسويه
وسط راسي ملف مخطوط باالخير حافل = محتفظ به لكم من طيب خاطر ونيه
طول عمري وباقبضه ذي بايواصل = بعد موتي وكل من يحتفظ باالوصيه
فخري الا بكم بين القبل والجحافل = جيش حربي وقوه ضاربه عسكريه
غير باقول للخصم الذي بايطاول = ماخطيت الثرى وحنا بلغنا الثريه
زامل اخر
ياالحصون الزبينه رحبي باالقبائل = ذي تعنوا وجوا من راس وادي حويره
ذه فصيله في الحسبان ام الفصايل = تاج لا حقاف وكواكب نجوم الجزيره
ان رضي منها الحنقان ولا يقابل = يشرب البحر ذي يلطم مواجه غزيره
والتواريخ عااثارها والدلايل = ماهو لا هرج نداوله في كل ديره
زامل اخر
لا نميمه ولا غوبه ولاحسد يلشع = باالرجال الذي يخشون يوم القيامه
يوم تتقلب الابصار والناس تفزع = عينهم باالنبي ذي ضللته الغمامه
ذلك اليوم لادرهم ولا ابن ينفع = كل حد سلك نفسي نرتجيه السلامه
تغمض العين وقت النوم والقلب يرتع = من محاسنه يومه ماتجيه الندامه
زامل اخر
راح عيديد ياالصومال وسياد بري = واجتمعتوا بعرتاء وانبثق عهد ثاني
جاء لها من نقاب الجول صلاد يجري = يايزف المنيه يايزف التهاني
والعداوه مرض والحسد سرطان يسري = لا متلك ارض طير شعبها والمباني
ماتلافيت خصمي في زمان التغري = غير بلقي حصاتي ذه السنه في ثباني
زامل اخر
من تحمل حنق عاخوه باطل وسكره = من سمينان يشرب وان بغا قلت ثاني
والمساجد رياضه عند حلان بدره = والحسد عندهم والبغض اسس مباني
ذي تعالجه بعد العصر يصطاع بكره = والمداوي كما المبخوص يرجع يعاني
ياالديار المدر والطين ماعليش حسره = بن يماني رحل وترك رسب بن يماني
زامل اخر
ماتركنا الشوابي والحصون الزبينه = من طمع للرفاهيه ولا للتجاره
عفتها يوم قد عقالها في الدفينه = والبقيه بها عاالحسد راحوا مداره
ذي يجيهم يرف رحمه لهم باغظينه = يحسبونه طلع من ويل قطعه شراره
فاح شي عاالجزيره والدقل والسفينه = واصبح البوم مع مبتاس مابه بخاره
لاغبط من يون زينه ولا من كنينه = والعنب ياالحصيني طاب لك في شجاره
هذه المحاوره الشعريه بين الاخوان الشاعر احمد محمد باقديم – واخيه الشاعر حسن محمد باقديم
ذافصل شتنه عكيه وعقابها ملتويه = وفي المحله مالقوا مرقعيه شيبان غابوا في الدفون
ياريت حلوا المكلا والضفه الساحليه = ان كان فاس الخصم صبح مفدر لابو حمد في باعيون
احمد باقديم
مافي المكلا تراحم ولا محبه قويه = ما الريف في العادات له طبع ثاني حبوه ذي يتراحمون
حسن باقديم
كل من رمى الشيب راسه والحذق جاب الخطيه = لوعاش في جاوه ولا صاد جاوي ذم اهل جاوه والدخون
احمد باقديم
تؤمر صحابك وربعك باالخير يابن عطيه = وانته بخمس ايدات تبهش وتؤكل من طست غيرك والصحون
حسن باقديم
شهدوا على مايقوله فيه ونفسي بريه = تناقدوا ردوه شو اللطم كثره لا زاد يعور باالعيون
احمد باقديم
عورت عيون المدور في وسط خطمه خليه = يترقب الدهمان ريته لحقهم وظفر بمنصوب القرون
حسن باقديم
قل للمدور دوارك والجهد من غير نيه = وذي بغوا هذا وهذا وهذا حرام مابا يظفرون
لو رضت عاراس وادي بيكون ديمه سقيه = قل البصر بهذل وشتت بعسكر ورماه مايستاهلون
احمد باقديم
عهدك ووجهك حجاني في الصرم مسري سريه = ولا السريه ورث اهلي وجدي ماخذتها من حد زبون
بارد طرفي وعيني للخيمه الطالعيه = ينظر لمولى الصبر من كل جانب ويغيث ارضه باالمزون
حسن باقديم
من خان في الصبح عهدك فلا تخونه عشيه = تركه عاحده وشل ورث جدك ياحصن وقتل في حصون
وان المعايين تذلح في ايدمه او سويه = قل رب زدها لاهلها لانت ضامي والخير لك في كاف نون
احمد باقديم
مابعد عهد المخوه شي صيح ولا شكيه = لا غير ياالباني على يدك قطبها تحت الصوامر والركون
والصدق نجى محمد يومه دخل به مطيه = نقف خيام الكذب من جود صبره يابخت ذي هم يصبرون
حسن باقديم
يااهل المسيل الرهيفه واهل العطور القويه = دركوا علي حب الطهف قد تعبني من ضحك وبكي شنون
العفو منكم تعبتنا الكتابه لنا وقت اخر نكمل ماتبقي الجويد حسن باقديم