[بنت شبامية]

ماشالله تبارك الله .

.

وصلتوا الين رمضان ..
في رمضان العام كنت قد نزلت موضوع اسمه ( دفع رمضان والعادات الرمضانية في شبام ) ..
طبعا كان جهد المقل والاخوان ماقصروا وتفاعلو مع الموضوع واثروه بردودهم وتفاعلهم وهذا بيكون مشاركتي معكم في نفس السياق ..

( دفع رمضان ) والعادات الرمضانية في شبام

اما عن حديث عن عادات جديدة سادت ثم بادت او ربما بقي البعض يمارسها ..
فانا متعودة كل يوم في الاسبوع تقريبا .. اتصل واسأل عن عجايزنا العقال ربي يعطيهم طولة العمر ..
ولما اتصلت على احداهن ذاك اليوم .. قالت : مين انتي ماعرفت صوتك .. وكنت مزكمة شوي ..
قلت لها : اني فلانة نسيتي ياحبابة .. كل يوم اكلمك ..
قالت : ياحيا ببنيتي .. ايوا بس صوتك متغير قلت لها : مبحوح صوتي من اثر الزكام .. ادعي لي ..
قالت : كل ما اكلمك تقولين مزكومة .. من قبل ما يدخل الشتاء يابنتي وانتي تعبانة ( بش عين ) !! >> ههه عين من صوتي >> فيروز على غفلة .
لو انتي على ايامنا كان ( دخناش ) بخرناكي ب هباب شعر ..
وهنا لمعت الفكرة وفتحت اذوني وفرقزت عيوني .. وقلت لها هاه وش تسوو زمان كيف يعني تبخريني بالشعر ..
قالت : ايه نقرض قليل من ( عقدنا ) ظفايرهن .. ومن رأس الرجال او من لحيته ( الي بالبيت ) .. و( نطرب ) ننادي حتى على الجيران ونقولهم بغينا قليل شعر لفلانة ..
قلت لها : طيب مايزعلو منكم ..؟؟ ! قالت : لا عادي يابنتي متعودين .. تجي الا من محب .. >> ما يحسد المال الا اصحابه ..
هذا والباقي عليكم ..