والله إنــي ضايعـــن بينـك وبينـــك
بين رقة همســك .. وبين الغيـــاب
روعة أسلوبــك تفسر لــي حنينـك
وظلم صدك ما عرفنـا له جـــــواب
أسمعك وأقول لك يا زين زينــــــك
والمسك وألقاك لاشي .. كالسـراب
جيت كلي صرت كلي في يدينـــــك
ورحت كلك ما حسبت لنـا حســاب
المح الأصحاب حولي بس وينـــك
أنت وحدك غير عن كـل الصحـاب
ما فهمتك .. مدري أهلك فاهمينك ؟
وإلا مثلي .. كل وقتي في عـذاب
يا حبيبي يرحم الله والدينــــــــــك
لا يكون تصير لــي أنت العقــــاب
حطني ياسيدي فـي مــوق عينــك
وأنا أحطك حرف وضلوعي كتاب
عطني ورودك قبل تقفي سنينـــك
ولك عليه إن أرفعك فوق السحاب
زيح يا قلبــــي غبـــار معذبينــــك
يمكن انه .. ينفتح لك ألـف بــاب