[العسيلاني]

اقتباس : المشاركة الأصلية كتبت بواسطة ابوفضل سالم [ مشاهدة المشاركة ]

سمرة في دار بن أحمد العامرة ــ الجزء الأوّل مساء الأحد مضوى الإثنين 24 ــ 25 شعبان 1435 هــ لتهنئة شيخ شعراء السقيفة محمد بن مخاشن بمناسبة تعيينه نائب مشرف عام قسم الأدب والفن ملك اليمن وجب يا ولْد باسنبل تهني المخشني اللّيله=تهاني صادقه من عند شاعر يعرف الماجوب بن أحمد وهو قد المهمّه يا عساه ألاّ يشد حيله=ونا عارفه ... شو قرص العسل ما يجيه شي تعتوب أبو فضل سالم عليه الله كَبَر أبليس لي حاوي لنا ذيله=معه مَلْك اليمن وأعوانه إللّي حبلهم مقطوب بن مخاشن تهانيكم كما شاهي لبن ذي زاد به هيله=ولكن قول باسنبل أتاني دُعْر بالشّقلوب بن أحمد أنا لجل الحمومي جيت با وفّي له الكيله=ولكن شايفه يظهر لي الأوضاع بالمقلوب عيونه عا شبام العاليه والقلب له ميله=وميلات القلوب القاسيه هي موّتت لِقْلوب بن مخاشن عسى الله ما ورثنا رزق من بقشان في خيله=معانا الشّعر بس وحده ... مثيل القوت والمشروب أبو فضل سالم ولي نيّته يتقلّب على الأصحاب ياويله=ولا ظنّي بعنتر يا الحمومي با يَخُن شيبوب كرونا يالوزيري في السّقيفه ما لها حيله=بلاها منتشر خايف تصل لشمالها وِجْنوب بن مخاشن نته نيّتْك سوداء ... با تطب شوفك بسحليله=وبا توقع على وجهك ... مشي لك عدل يا كركوب أنا ما خنتكم وإنته ملقّي اليوم هُلّيله=ظهر شل الجمل كلّه وشل الحمل يا المقهوب بن أحمد أنا عندي علاج الصّوب ذي يشفيه ويزيله=بغيّه من عسل جردان صافي من جبوح النّوب ملك اليمن وفكّوا لي وسع بالله يهل القرن والسّيله=عسى الله بس يقدّرنا نفك الحبل ذي معصوب أبو فضل سالم فحصنا الدّم بالمجهر ولي قد بان تحليله=فصيله واحده تلعب بنا معروفة المكروب وشهد المملكة قد جابت الموجز وتفصيله=وثايقها معي يا بن حمد ... شف كل شي مكتوب لقوا لي في طريق العشق يا بو شيخ تحويله=محمد بن مخاشن جاب قومه غيّروا التّركوب بن مخاشن رهنت النّخل يا سالم وبعت الجرب والحيله=وبعت الدّار والأوصار لا قاسم ولَد مهيوب ( وقومي؟ ) قد أتوكم عا الطّلب ميتين تشكيله=وما ذا اليوم با يسقونكم بالحفن والثّعبوب وخلّي شهد تنفعكم عملها دوب سحبيله=وكل من هو تبعها ينسحل في الباطنه مسحوب ملك اليمن لحق له دعم بو مخشن وبعد التّان شد خيله=ولكن ما معه يا السّنبلي معنى ولا أسلوب أبو قضل سالم كما لي شد له عا ثور خايف ترقل إرجيله=وبا يسقط من القمّه ... سبق قد طاح من شنطوب بن مخاشن سقاني السّنبلي حاثر وخَلْطه ماي نرجيله=ونا نسقيه شهد أحمر بصيني يا حمد مسكوب أنا با ارزح براس الحيد رجلي ما هي إثقيله=وعرقي قد وصل لــ ( اللّول ) ... عظم المخشني مصلوب هي النيّه مطيّه قل لباسنبل وبن قبيله=ولا تظنونني نسعى نقع مشرف وقع مندوب يَخُذْها من بغاها يحطّها مثناة زنبيله=ولا تقعون لي يا أثنين مثل الضّال والمغضوب &&&&&&&&&&&&&&&&&&&&&&&

سمره رائعه يا بو فضل منتظرين الجزء الثاني .