[شهد الملكه]

الشاعر/ سعيد فرج با حريز .

من مواليد عام 1908م في مديرية حجر بحافظة حضرموت .
عاش رحمه الله ظروف معيشيه قاسيه إمتهن عمل السقايه (توصيل الماء للبيوت ) وعمل مراسل بمكتب إدارة الجوازات بالمكلا .
أطلق عليه لقب شاعر المداره لقوه أداؤه في شعر الشبواني .
توفي نسال الله له الرحمه يوم الاحد 19 /7 / 1987م

أخترت لكم من أشعاره الآتي : -

وذاك الدلو لي قلته سقط في البير با يطلع = ولا طلع با تشل وحده ووحده با تخليها
ووحده قال بو سالم خير من عشر ما تنفع = وزنها يا بن الصوري وفُكّر في معانيها
ونا ما بخرج الزّامل بلا سكين نتبرّع = وكل رقبه طويلة راس لها آفه توطيها
ويا طارق طُرق وأسرع وشل السيف والمخلع = وصُبّح راسها خُلّه وخل كُل عين تبكيها
إذا سرحك با نافع بشر يا هاجسي وإقطع = طبينك فاتح الخزنه ملانه ويش يخليها
ومن غرّاك لا تغتر ومن طمّعك لا تطمع = لا شُفت السماء سوداء تعوّذ من مناشيها
ولا عزمت السفر خاير إذا ما بان لك مطلع = وإذا طرحت سفينة نوح حمّل ما معك فيها
وللأيام سكرتها تبت وتقول لك برجع =كما لي يخرج الكلمه ويرجع ما يوفّيها
فرشنا الطاقه الحمره وخل كُل من ذرع يقطع = ودار السعد ما ترقل وتسقط فوق كاريها
بغيت الصدق والواقع سبوله خير من مقلع = ونخله ما تعشّي الضيف قعرها لا تخلّيه

ملاحظه : -
قيّلة الأبيات أعلاه ردا على قول طارق العطاس التالي : -

دلوك لي سقط في البير سقط ولعاد با يطلع = ونحن زهرة الدنيا أولها وتاليها