[باغوزه]

يابو محروووووووووووووس انا موجود .. سجل حضوري .

العفو منكم انا كنت في جده . وتغديت امس عند ابو صالح وقلت له بعد الغداء : شوي ترانا ابغاء اكسره .. بانام لى شوي حتى ولو 9 ساعات . قال لى مايخالف .
عادنا الا غمضت عينى الا وشي يدبدب فى خورتي .سويت روحى نايم وشوى الا وبوصالح يتسحب شوى شوي شوى . واسمع قربعة عدة معه . ورجع يدبدب فى خورتى . بغاء مكان يحط فيه المحجم على غفله . عطيت قفزه . قمت بسرعه . قلت لك خير ؟؟ تدور على قمل ؟ ماشي قمل في . قال لا بس اشوف الحلاقه زينه ماشاء الله . قلت له الحلاقه ؟؟؟ الحلاقه ياخويا؟؟؟ الحلاقه يادالعااااااادي . العب غيرها ياخويا.. تبغاء تحجم لي بالقوه ؟ قال لا والله وقام يحلف . قلت له والعده هذه ؟؟ قال لا هذه العده من البارح محطوطه هنا بعد ما حجمت للخنبشي نسيناها .

وتخبرته عن الخنبشي وينه ؟ قال راح .. بس الحمد لله الحين يقولون بخير وهو فاق من الغيبوبة لكن تعرف الحجامه الظاهر ما زبطط . قلت له ايش صار له ؟ قال : المهم تحت الله . العين الشمال راحت يمين . والمسامع واحد ماندري وين راح . والاسنان عاد 2 اللى فوق . والنخره حصلناها فوق صره . والشعر كله انتقل الى ركبته اليسرى . واصابع رجله اليمنى بدل ماهن خمس قد 18 ماندري من وين زادو . واللسان قدها الا معلقه زي الكرفته فى رقبته . والحاصل 52 طبيب قاعدين يعدلون فيه والحمد لله اللى بايتعدل بايعدلوه واللى يبغو له نقل اعضاء بانحاول نسوي جمعيه وربك يسهل ياباغوزه . قلت له وذالحين هذا كله من الحجامه . قال المشكله ياباغوزه انه طلعت صورتي فى الاشعة . ولو كان ماطلعت صورتي كان قلنا من شي ثانى . لكن اعترفت وامري لله .
وقلت له بالله لو الا حجمت لى وانا غافل يابو صالح . يعنى بايقع لى مثل ماوقع لصاحبي ؟؟؟ قال لا مش بالضرورة بس يمكن يمكن والله اعلم التأثير يكون اقل . قلت له كيف يعنى ؟؟ قال اقول لك بصراحه ممكن وهذا وارد بنسبه 99% فى بعض الحالات ممكن تروح فى غيبوبة ربع ساعه فقط لكن لما تفيق من الغيبوبة ماتحس نفسك الا صلوحه باغوزه . افا يابو صالح ؟؟؟؟ صلوحه ؟؟؟ يعنى ايش قصدك ؟؟ قال هذا اللى قلته لك . يعنى ايش ؟ انقلب ...... قال نعم .. كنت برمحه رمحه توصله مستشفى السلامه . قسم الجلديه . لكن تعوذت من الشيطان الرجال مضيفنى عنده . قال لا وبعد حامل فى الشهر الرابع . ساعتها شليت نفسي ومسكت الباب . وياروح مابعدك روح .وانتبهو احد منكم حتى يروح عنده فى العيد للعواد لعاد يقلبكم ومانشوفكم الا فى الكندره فى سوق سيئون.