[مبارك بوشندل]

صنعــــــاء بلاد العز والنـــاموس
متربعــه فوق المــــــدن معـــتنّه

من حسنها تختـال كالطـــاووس
سبحان خالقـــها وســــــيع المنّه

كـــم في رباها من زهر مغـــروس
تحسبه لا فتــّـــح بأرض الجـــنّه

لا مالت اغـصـانه كما القمـــبوس
كل غصن يتراقــص ويلـــقي رنّه

فيها ظباء ترعـى (بلاد الـــروس)
لا صوّبن عالقــــــلب مايخـــطنّه

امســــى بهن عقلي وهو محيوس
والقلب وسط اجـفانهن خطــفنّه

مسكين بين اغلالـــــهن محبوس
لاهــــــن عفـــــن عنه ولا قتـلنّه

محتار مابين الرجــــــاء واليوس
هل مــا خذنه عادهـــن يعطـــنّه

يالله عسى بسطه تقع وجلـــوس
معهن على شرع الوفا والســـــنّه

ولا قــــــناعه دق يالــــــنّاقــوس
منهن وترّك عشقـــــهن والـــحنّه

#غازي_بن_حويل