11-21-2009, 03:30 AM
|
#24
|
شاعرة السقيفه
|
لك تحيه وسلام
((لك تحيه وسلام))
********************************
********************************
ياشبام الجميله=حبي لك يالأصيله
وسط قلبي وشام=لك تحيه وسلام
تحت ظل الخميله=كل خل وخليله
في محبه ووئام=لك تحيه وسلام
صافي من سلسبيله=فوق ارضك وخيله
تستقي بالغمام= لك تحيه وسلام
يامناشي جليله= من زمان ودليله
في التواريخ تام=لك تحيه وسلام
انتي عِز الذليله = والدواء للعليله
وانتي ام اليتام=لك تحيه وسلام
مايحب الرذيله = من سكنها وكيله
مايجيه الحرام=لك تحيه وسلام
والحياه السهيله=فاخره او قليله
شامخه بالكرام= لك تحيه وسلام
يارعى الله ليله= فيك من الف ليله
ذكرها في الانام=لك تحيه وسلام
شمسها والظليله=حب وش بايزيله؟
وعشقها والغرام؟=لك تحيه وسلام
حبْ بقلبي اشيله= وبعيوني الكحيله
والصلاه والصيام=لك تحيه وسلام
يلتهب كالفتيله= جوفي يشعل شعيله
يصطلي بالهيام=لك تحيه وسلام
قلبي ماحد رثي له=يكتوي في رحيله
عالصفاء كل زام=لك تحيه وسلام
هاجسي والحليله=فيك حل وصليله
في منام وقيام=لك تحيه وسلام
كيف يشفي غليله=من بغى له حصيله؟
والمنى والمرام ؟= لك تحيه وسلام
لو نحصل فضيله=من ثمرها وسيله
مره في كل عام= لك تحيه وسلام
من عذابي قتيله= بالحمول الثقيله
كم احبك شبام=لك تحيه وسلام
|
|
التعديل الأخير تم بواسطة الماسه* ; 11-21-2009 الساعة 04:06 AM
|
|
|