12-03-2002, 03:23 PM
|
#1 |
|
حال نشيط
 
|
عيد بالهده
على ذكر العيد .. تذكرت اليرسه اللي وقعت لي في العيد اللي فاتت مع صاحبي بو عامر ـ مغترب في الإمارات وجا قبل العيد بشهرين ـ يوم خرجنا نتبضع مع عياله
قبل العيد بيومين بتّل عياله من يا فتاح وصرقع قربع عالضيقه واحد يدق بالقرقعه والثاني بقصعه والثالث بحَيْرَه ـ battery ـ قمت من النوم كما المسوكن حاسب ان الكوكب اللي قالوا بايصطدم بالارض صقط في الماد حقنا واشرف من الخلفه ين ذا عامر واخوانه * اه .. عامر كنك ابوي من غبشه ؟ ـــ عامر واخوانه : يقولك ابوي شفه بايعدي لك بعد شوي من شان نجيب حق العيد * طيب .. ( بو عامر صاحبي ما اقدر قوله لا ) وجا بو عامر مع السقل حقه ويالله على السوق .. دخلنا المعرض الاول حق واحد معرفي ـ معرض الحظ السعيد ـ بس المره ذي وقع حظه مع بو عامر بو عامر : يالطيب ياراعي الدكان خارج نحن يالله راعي المعرض : اهلا .. تفضل بو عامر: نبغى بدلا ت للأولاد شي عندك راعي المعرض : إنشاء الله فيه بو عامر : نبغى بدلات ثلاث قطع .. القماش يكون كريب على مخمل .. البنطلون بني فاتح وخمسه اكياس والخصر مطاط ـ من شان نوفر حق الحزام ـ والشميز وصلتين الفوقيه رمادي وتحتها بني فاتح والأزرار كبس مخفي والكم طويل .. والقطعه الثالثه القرمه نص كم ورقبتها لازقه ولونها أخضرعشبي ومكتوب عليهاbasket ball و... بس خلاص ,, شي عندك ؟! صاحب المعرض يبحلق بعيونه قداي وانا مستحي من الحاله ذي ( آه اللي جازانا على الخروج مع بو عامر ) ولا خننا ما شوفه راعي المعرض : ياخي انت مشتري ولا مصمم أزيا ؟ البدل اللي عندنا شفها قدامك شي عجبك منها ولا تفضل بوعامرـ جاته العمسه ـ : يعني تطردنا , يا شيخ قم انت والمحل حقك ذا ,, وكاتب عليه معرض وهو في الإمارات هناك ما ينفع حتى محل للكشره (تايبلا نتانثقا ههاقغلثقاثغ ههغ) * يا بو عامر : عوذ من الشيطان الله يصلحك لا تحر وبلا مشاكل .. والعفو يا ـ صاحب الدكان ـ العفو مسحها في وجهي < كذه الا رجع كما المنشفه من كثر العثرات حق بو عامر> العفو العفو العفو ×999999 ويالله افتكينا من النشبه اللي وقعت بين بو عامر وصاحب الدكان بعد ما احرجنا وياه .. وخرجنا وضبح على السقل وقالهم : خلاص عيّدوا في الكسا اللي جبته من السفر .. كساكم ذا بايلقي لنا مشاكل !!!!! ولا با نحصل العينه اللي بغتها أمكم * وطيب ذلحين بغيت نحن نروح وين ؟ ولا خلاص نرجع ؟ بو عامر : لا انا بغيت با شوف الصوارين ودخلنا عند واحد ما اعرفه من شان ما يحرجنا بو عامر : وين الصوارين BHS وارد بن دحدح الأصلي راعي الدكان : شف اللي يعجبك منهن .. خذ بو عامر : ماهو زين .. غيره .. مربعاته صغار .. غيره .. الحمّه حقه مغدّره .. غيره .. لونه أحمر واه حد قالك با نصارع ثيران .. غيره ......... لمان قدها زفه صوارين فوق الميزه ولا شي وافق بوعامر راعي الدكان : يا خي حوشت فينا بوعامر : طيب من كم راعي الدكان : بعناهن من سبعه الف وخمس ميه بو عامر : يعني ميه وستين درهم ـ< هي ذي عادته يحب يدرهم الريلات ويشنق الدراهم > ـ غالي .. يبتاع من ميه وخمسين درهم في سوق ( الباتان ) !! يالله قم خرجنا معاد بغينا شي * بو عامر كيه معاد بغيت شي ذلا قاعد تعفس حق الرجال لهواه ؟ بوعامر : ما هو وصفك .. انا معي صارون جبته من أبوظبي .. وقلت با شوف حد معه شي كماه ولا,لا .. والظاهر ان ماحد معه كماه راعي الدكان : يا حبيبي من قبيل وانت جالس تقلب الصوارين ومليت الدكان انت وعيالك وآخرتها تقول ذلا باشوف حد معه كما الصارون حقي ولا لا ؟؟؟؟؟؟؟؟؟؟ وقامت حنبه بين بو عامر وصاحب الدكان صاحب الدكان يقول لازم تشتري ولا ما با تخرج من المحل بو عامر يقول ما باشتري لازم تشتري ما باشتري لازم تشتري ما باشتري لازم ما لا مـ صاحب المحل طلع غوره وشل قصبه حق ستاره من عنده من المحل .. وبعدين هو ما شاء الله طوله كماي ثلاث مرات .. ووزنه ما يحتاج كلام .. ثلاثين كيلو الا في كرعانه با تشتري ولااااااااااااااااااااااااااااااااا * خلاص يا جماعه راعي الدكان : سكت انت ولا با يقع لك ملى القصبه * ياراعي الدكان سمعنا بااتكلم أنا باشتري قدر الله وتكبدت صارون بسبعه ألف وخمس ميه لمان اليوم وانا احلم العدي اللي راحت فيه  ومن العايدين يا حلان وتقبل الله منا ومنكم وشوكم مدعيين للعواد عندي عشية ثانية العيد .. ويالله بالعياده 
|
|
التعديل الأخير تم بواسطة المدودي ; 12-03-2002 الساعة 03:47 PM |
|
|
|
12-03-2002, 03:48 PM
|
#2 |
|
حال نشيط
|
حلوة جدا..
أضحكتنا أضحك الله سنّك..  ثلاثين كيلو في كرعانه... عيدك وعيد جميع حلان السقيفة مبارك..وكل عام والجميع بخير |
|
|
|
12-03-2002, 04:09 PM
|
#3 |
|
حال نشيط
|
أبو محمد
الصوره فيها شبه للسوق اللي تيرست فيه |
|
|
|
12-03-2002, 05:57 PM
|
#4 | ||||
|
المشرف العام
 
|
بصراحه لاتعليق لدي ويعطيك العافيه اخي المدودي وكل عام وانت بخير وبوعامر بصحه وعياله كاسين مكسيين لكن هناك سؤال مامعنى هذا (تايبلا نتانثقا ههاقغلثقاثغ ههغ) ؟؟؟ لايكون ذا هذيف بوعامر لما تجيه العمسه؟؟
|
||||
|
|
|
12-04-2002, 12:20 PM
|
#5 |
|
حال نشيط
|
وانت بالف خير يا مشرفنا العام
وسؤالك عن : (تايبلا نتانثقا ههاقغلثقاثغ ههغ) ؟؟؟ ذا هذيف الجماعه لما يدخلون في بو عامر 
|
|
|
|
12-13-2002, 02:33 PM
|
#6 |
|
مشرف
|
هههههههههههههههه والله كلام يالمدودي يوزن ذهب وهذا حال من يندر من هنا يسير على اطراف اصابعه ويشنّق ويدرهم من شان يعرفونه الخلق انه من هناك وينفش ريشه وهو ريشه منتّف!!!!!!!!
ويالله موضه با توخذ وقتها وللاسف انها مرّة بناء الكل بصوره او بأخرى ومشكور ويا حيا وسهلا بك وبسواليفك خفيفة الدم ***** |
|
|
|
07-26-2006, 04:14 PM
|
#7 |
|
حال متالّق
|
يعطيك ربي الف الف عافيه وكل عام وانت وحلان السقيفة بخير
والصارون عساه لبس العافيه لك |
|
|
|
07-26-2006, 05:46 PM
|
#8 |
|
حال متالّق
|
هههههههههههههههههههه
الصراحة حلوة |
|
|
|
07-26-2006, 09:19 PM
|
#9 |
|
غير مُفعّل
|
ماشاء الله عليك يالمدودي ابداع...ابداع
قدر الله باقعد با قلـّـِب في دفاترك ...أكيد ملانه ابداع. يالنحوي كيف جيت على هذا الموضوع الدويل ؟...أشكرك جزيل الشكر. |
|
|
|
07-26-2006, 11:30 PM
|
#10 |
|
حال قيادي
|
ما اشد اشتياقنا لك ياباشمهندس
|
|
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مكتبه الشبامي الإلكترونية الشاملة ,اكثر من 1000كتاب في شتى صنوف العلم والمعرفه ؛؛؛؛؛ | الخليفي الهلالي | مكتبة السقيفه | 37 | 04-19-2017 09:11 AM |
| الخاتمة : لروحانيات رمضان معايدة ( محضارية عطاسية ) | حسن البار | سقيفة عذب القوافي | 2 | 09-08-2011 12:12 AM |
| الجنوب العربي"كشف بالأماكن التي يتواجد بها لنازحين من محافظة أبين الى عدن ولحج مع احت | حد من الوادي | سقيفة الأخبار السياسيه | 0 | 06-07-2011 02:05 AM |
| صنعاء صالح وحصاد وهم الشعور الزائف بالقوة | حد من الوادي | سقيفة الأخبار السياسيه | 0 | 03-30-2011 02:08 AM |
| افضل 10 صفقات في النصف الاول من الدوري الاسباني | ابن سيؤن | السقيفه الرياضيه | 2 | 01-24-2011 09:27 PM |
|
|
العرض العادي
