05-01-2011, 04:55 AM | #1 | |||||
مشرف سقيفة عذب القوافي
|
بدع وجواب بيني وبين الحبيب الشاعر عمر بن محمد بن جندان (بومحسن)عبر رسايل الجوال
بدع بومحسن= يالهاجس الساعه نفذ وتوكل=وبلغ أبياتي كلم مرسومه إلى عند بو طالب ولا تتكسل=قله عسى وديانكم مرحومه رحمه من المولى بها تتكمل=كلن يقع له منها مقسومه رد بوطالب= حيا وسهلا بالذي هو يسأل=دايم يقدر وافيات علومه شيبه ولكن ما اعتذر واتكسل=حشيم قل لي كيف انا با لومه ماهو من اهل المصلحه يتسجل=وقت المصالح باديات رسومه سلام عد من كبر وربه هلل=وعد ما رمضان ننوي صومه با انشده من حره كريمه تهمل=في مهرها الاميات ذي مرقومه وليها الغدار ذي يتحيل=وقت العرس سبر يطرد قومه جاه الموسط قال لا تتبهلل=غشيم يحسب كل طاير بومه ما يدري عاد الارض تحته ترقل=ورجالها هذي السنه مزمومه قل له تجنب ايش لك تتدخل=من ساعة الغدار هذا يومه واختم صلاتي بالذي تتكمل=به الرسالات بارض العرب مختومه رد بو محسن= حيا بذي رحب بنا وسهل=وأرسل قوافي شافيه مزمومه يشرح لنا فيها كلام مفصل=مثل الدرر في عقدها المنظومه وأفتح لنا ابواب ما تتقفل=في بنت من خلقت وهي مفطومه قصه بها كل العرب تتزمل=مابينهم عاشت وهي محرومه لكن ربك ذي خلق يتكفل=وينصف المظلوم والمظلومه جواب بو طالب= جاها معرس شل ثوبه اقبل=فزعان لا يركب المغروم ع المغرومه تبغى مداوي قبل لا هي تحبل=بالفحش هي عند الخبل موصومه دايم تجرد كاشفه تتجول=كلين يوكلها وهي مذمومه تتبع وهذا اليوم قدها لول=سرحت تهاوي لا بلد مجذومه الزوج ينصحها وساعة يسأل=مانا موقع ع ورق مختومه بايظهر الصبح ذا قده ليلي طول=وتشرق لنا شمس الضحى المعلومه تفلح وتتعافا وزرعي يبقل=وتصبح عوامل تتختلف ع سومه آمل ان تنال رضاكم ابو طالب |
|||||
التعديل الأخير تم بواسطة علي بن طالب الحامد ; 05-01-2011 الساعة 05:10 AM |
||||||
05-01-2011, 09:17 PM | #2 | |||||
مشرف سقيفة عذب القوافي
|
باقي ردود البدع والجواب مع الحبيب بن جندان
بومحسن= ضاع الخبر والرأي عا المستعجل=وتخالفت لشوار في الصمصومة ندعي ولا نبغى لها تتبهذل=ولا تقرب المزكوم والمزكومه يالله عسى لحوال ذي تتعدل =ويزول هم الناس لي مهمومه نفرح ونتمشى ولا نتعطل=ونشوف لودي كلها مرحومه بوطالب= لا خار سيله بالمسيله صول=تبقى السواقي جاريه وعتومه ياذي تبشرنا علي ما حول=ما طاع يعدل جار بالتقسومه مكسر على محرا وقع وتحول=وش با يحره والعدد معدومه شفنا المعلم في سموعه مول=ضني يصاحب ما خطب فلهومه وسوف نوافيكم بباقي الردود= |
|||||
التعديل الأخير تم بواسطة علي بن طالب الحامد ; 05-01-2011 الساعة 09:20 PM |
||||||
05-01-2011, 09:24 PM | #3 | ||||||||
ابوراضي
|
كلااااااااام كلاااااااااااام يصم الراس صم
بدع وجواب رائع واكثر من رائع |
||||||||
05-01-2011, 09:33 PM | #4 | |||||||
حال نشيط
|
ياخير كلام بس المقتبس يبغاله مراجعه |
|||||||
05-01-2011, 09:47 PM | #5 | |||||
حال جديد
|
موفق بإذن الله ... لك مني أجمل تحية .
|
|||||
05-02-2011, 08:49 PM | #6 | |||||||
مشرف سقيفة عذب القوافي
|
حياك الله يابوراضي الرائع مرورك وتعليقك دمت بخير |
|||||||
مواقع النشر (المفضلة) |
|
|
|