كشف الحساب

[عمر الذيب]

البيبان

الباب الاول با ب وحدتنا وقائد مجدنا=الوحده الكبرى يخون الله كل من خانها
الوحده الكبرى في الدنيا ابونا وامنا=واحنا سندها بعد ما نشعر بدفئ احضانها
ونحس بانا بالتساوي في نظرها كلنا=ونشوف رطل العدل واحد في كفف ميزانها
لا قد حصل هذا يقول الذيب ماهو مننا=من عاتب امه او تسبب في دموع احزانها
خائن ومتخا ذل ولا له قصد الا ذلنا=اوشق ذات البين بين ايسارها وايمانها
لكن لن نسمح بثغره او خلل في صفنا=منه عداء الوحده بشي باطل تهز اركانها
كلا وكلا والف كلا للعماله يا اهلنا=ورموزها والكذب واللي اسوو عنوانها
ذا باب والثاني لقائدنا ومصدر عزنا=حق الولاء يا مؤسس الوحده ومعلي شانها
حق الولاء والسمع والطاعه لمن قاد البنا=واسس طرق بين المدن واسهولها ووديانها
وقال لا سلطه ولا فوضه ولا تميز هنا=ما دمت قبطان السفينه ورمزها وربانها
العدل بين الناس ثم العدل مصدر همنا=والعنصريه واهلها القائد قلد بيبانها
والجهل واصحابه ابو احمد رماهم خلفنا=وايضا عصابات التخلف والمرض واعوانها
وشاد باهل العقل والحكمه وصرح واعتنا=عا شاشة التلفاز اعلنها وعاد اعلانها
لا تفرقه لا عنصريه في التعامل عندنا=الام وحده لي تعامل بنتها واخوانها
من بعد ما قاله علينا اليوم نحمد ربنا=على هكذا قائد حقوق الشعب كله صانها
ذا باب والثاني وثالث باب في من حولنا=لما متى واحنا وهم في مد وجزر احسانها
هل منهم بنكون او هم في الحقيقه مننا=الليه مبغونا مع انا بني قحطانها
اهل الحسب واهل النسب بالله من هو غيرنا=لا تكذبو لا تجا ملو لاني معي برهانها
برهان قاطع مادخله الشك يابن عمنا=وانته تعا ملنا كما الهندي وزي افغانها
ماهو سوى هذا ولا هذا قدي يا ربعنا=على الصقور اتفضلو بعد الخطف غربانها
على شان في مجلسه بو حمزه مقرر رفضنا=وايده بعض الناس والغشمان في خيطانها
اهل الحسد والبغض معروفين دائم ضدنا=والديس والبقرين تتضامن مع عميانها
واهل الخريبه ما بدا شي يوم صدقو وعدنا=موعد قفا موعد ولا شي بان من شيبانها
والعاصمه قيدون لي من سمح قد لعبتبنا=تلعب على الحبلين وتزحف على اوثانها
والحل اقرب حل مادام الكروت ابيدنا=نلعب سوى اللعبه كما مايلعبو بنيانها
نجمع بنات ادم ونعرف مين لي ما تودنا=ليهي بلاء خرصه او اللي علقة باذانها
لاقد عرفنا مين يبغضنا ومن لي حبنا=يمكن بهذا نستدل على النار من دخانها
وانه خراب الارض شي منهم وشي من شقنا=ما با نعاتب لا خراب الدار من جرذانها

[مبروك بن ماضي]

الاخ الكريم الشاعر/ عمر الذيب
حضور شعري فاخر كالعاده
حضرت هنا لأنال شرف التوقيع تحت هذه الباسقه
التي توشحت بالصدق والشفافية
وطرحت النقاط فوق الحروف
صح لسانك وسلمت يمينك يالذيب
دمت رمزاً للإبداع والتألق
تقبل تحياتي واحترامي
أخوك / بن ماضي

[صقرعلاو]

استاذي القدير الشاعر الكبير


عمر الذيب

ابداع فريد وكلام من ذهب يحمل كل الصدق والشفافيه

صح لسان

واستاذنك استاذي ان تسمح لي بمجارات القصيده

لما لها من معاني ترفع الراس

ان تكرمت انتظر الاذن منكم ولكم

خالص الشكر مع مروري

[سبع الليل]

سلمت ياعمر كلام جميل مابعده كلام
الله يبارك فيك يالنشمي تقبل مروري

[أحمد العمودي أبوفيصل]

الاخ ابوطارق
قصيده جميله جدا
لاتحرمنا من الجديد تقبل تحياتي ودمت بود

[عبدالقادر صالح فدعق]

شاعرنا الرائع عمر الذيب

قصيدة من الوزن الثقيل من لدن شاعر كبير لديه العشرات والعشرات من القصايد الرائعة القيّمه ..

تقبل مروري وشديد إعجابي ..


.

[عمر الذيب]

لا عليك يا صقر علاو
خذ راحتك واهلا وسهلا بمداخلتك
عمر الذيب

[وليد حمود]

صح لسانك وعلا شانك

قصيدة جزلة من راس جزال

بوس لي قلبك

و
ر
و
د
ي

[ملك اليمن]

إبداع لامس قمم نقُم وشمشان .

تسلم يا بوطارق على هذا الأبداع .

تقبل مروري وجُل تقديري يالغالي.

[محمد عبدالرحمن العمودي]

اسمح لي بنقلها الى اكثر من منتدى .هنا الشعر هنا العقل هنا الحكمه هنا الرزانه هنا الطيبه هنا الاصاله .واقسم بالله انها شعر من الوزن الثقيل وتكتب بماء الذهب .صح لسانك يااجودي .