محاورة شعرية بين بن قاسم وبن قطمان

[بن قطمان]

بدع وجواب بين بن قاسم وبن قطمان

بن قاسم=
من يخدم الناس في هذا الزمن مجان=بايتهمونه بسرقه اخر المشوار
ويبدلون الكرم والجود والاحسان =بالكدب والنهب والسرقه وكشف البار
حتى وهدا رجل واعي وفيه ايمان=وله معزه وله حشمه وله مقدار
يهونونه وهو رجال مايهتان=ياللاسف ف الزمن هذا وياللعار
جواب بن قطمان=
من يخدم الناس يتصبر على ماكان=لازم يصله الشرر ذيهو يشب النار
ومن غطس بايجيب اللول والمرجان=واللول عاده يبا تنقيب فالمحار
شوقي لوادي وهو من خيرت الوديان=لاسال سيله يصل للنسر والمعشار
في بعدهم قد برا لحمي من العظمان=ومردنا عندهم لاطالت الاعمار
رد بن قاسم=
ياحيدره لا تذكرنا قديم ازمان=يوم المحبين مرتعهم على لصبار
ولاظوا الليل غنينا بصوت الدان=والظاو ماشي سوا ظاو الحطب والنار
وشاهي ملبن في البراد والفنجان=والهيل هو والجفل والزنجبيل الحار
صوت الفناجين لاقد حن في ليذان=يشبه رنين الوتر لاتزرزرت لوتار
جواب بن قطمان=
البير يابس معدشي ماءفي الخزان=والناس يابوجهاد الا على الامطار
والناس ماتكتفي لوهم على معيان=واهل المدن في تعب داخل فلك دوار
يالله ياربنا يارازق الانسان=تفرج الهم فالدنيا على المحتار
وتفرق الضيق والكربات والاشجان=وتسقي الطير والحيوان والاشجار
رد بن قاسم=
يامرحبا القول ذي موزون بالميران=من عند شاعر وله مطلع مع الشعار
ياحيدره جهز التقروب والعيدان=والعود لاهو قوي شقوه بالمنشار
وان شي قصر بالجهز مقصع العمدان=وبالتكاتف وبالطلع رباع الدار
حتى وكثر الزلازل هزت البنيان=هذا مقدر وحكم الواحد القهار
لاكن بالصبر والخبره وبالاحسان=مولا البنا فالبنا والعود له نجار
وان طالت المرحله والظلم والعدوان=باسن سيفي وبيقع من صقط لاثار
جواب بن قطمان=
خايف على مصر ياخالد من الطغيان=ثوب الصعيدي معد يركب بدون ازرار
خايف على مصر لاترجع كما لبنان=ويجف نبع الوفاء لتخالطت لنهار
وسايق الشاحنة ذي قابض السكان=ياوحلته بالمساء لا طفو الانوار
يمسي يلاطم ويلقي قمسة العميان=كثر الحيّل باطلة لو يكثر الاعذار
عيد الضحية قرب والكبش في البستان=مايدري انه هدف للحد والجزار

[علي فدعق الهاشمي]

الله الله عليكم شعراء لهم باااع طويل في تقريض الشعر تشرفت بمروري واستمتعت جدآ جدآ ... ارتوت ذائقتي واكتفيت بهذا النص .. أعطر التحايا وأصدقها ..

[مجمل]

كلااااااااااااااااااام من العيار الثقيل
شعاااااااااااااار كبار
مساجله شعريه قيمه
شكرا على النقل اخي بن قطمان
تحياتي

[حنطبه]

اقتباس : المشاركة الأصلية كتبت بواسطة بن قطمان [ مشاهدة المشاركة ]

بدع وجواب بين بن قاسم وبن قطمان بن قاسم= من يخدم الناس في هذا الزمن مجان=بايتهمونه بسرقه اخر المشوار ويبدلون الكرم والجود والاحسان =بالكدب والنهب والسرقه وكشف البار حتى وهدا رجل واعي وفيه ايمان=وله معزه وله حشمه وله مقدار يهونونه وهو رجال مايهتان=ياللاسف ف الزمن هذا وياللعار جواب بن قطمان= من يخدم الناس يتصبر على ماكان=لازم يصله الشرر ذيهو يشب النار ومن غطس بايجيب اللول والمرجان=واللول عاده يبا تنقيب فالمحار شوقي لوادي وهو من خيرت الوديان=لاسال سيله يصل للنسر والمعشار في بعدهم قد برا لحمي من العظمان=ومردنا عندهم لاطالت الاعمار رد بن قاسم= ياحيدره لا تذكرنا قديم ازمان=يوم المحبين مرتعهم على لصبار ولاظوا الليل غنينا بصوت الدان=والظاو ماشي سوا ظاو الحطب والنار وشاهي ملبن في البراد والفنجان=والهيل هو والجفل والزنجبيل الحار صوت الفناجين لاقد حن في ليذان=يشبه رنين الوتر لاتزرزرت لوتار جواب بن قطمان= البير يابس معدشي ماءفي الخزان=والناس يابوجهاد الا على الامطار والناس ماتكتفي لوهم على معيان=واهل المدن في تعب داخل فلك دوار يالله ياربنا يارازق الانسان=تفرج الهم فالدنيا على المحتار وتفرق الضيق والكربات والاشجان=وتسقي الطير والحيوان والاشجار رد بن قاسم= يامرحبا القول ذي موزون بالميران=من عند شاعر وله مطلع مع الشعار ياحيدره جهز التقروب والعيدان=والعود لاهو قوي شقوه بالمنشار وان شي قصر بالجهز مقصع العمدان=وبالتكاتف وبالطلع رباع الدار حتى وكثر الزلازل هزت البنيان=هذا مقدر وحكم الواحد القهار لاكن بالصبر والخبره وبالاحسان=مولا البنا فالبنا والعود له نجار وان طالت المرحله والظلم والعدوان=باسن سيفي وبيقع من صقط لاثار جواب بن قطمان= خايف على مصر ياخالد من الطغيان=ثوب الصعيدي معد يركب بدون ازرار خايف على مصر لاترجع كما لبنان=ويجف نبع الوفاء لتخالطت لنهار وسايق الشاحنة ذي قابض السكان=ياوحلته بالمساء لا طفو الانوار يمسي يلاطم ويلقي قمسة العميان=كثر الحيّل باطلة لو يكثر الاعذار عيد الضحية قرب والكبش في البستان=مايدري انه هدف للحد والجزار

بجانب الجمال جمال .. تحتاج بعض من الكلمات مراجعة الحروف كما هو ضروري ومهم قراءة المساجلة كما هي !.
تسعد عيني وأنا أشاهد حرفك وحرف الشاعر الكبير بن قاسم وقد سمعت من صديقي وصديقه عنه مايشنف الأذن .تحيتي ومحبتي لكما وسلامي .

[رامي مبارك النعماني]

كلام جميل ومحاوره شعريه متميزه
من شعاركبار
تحيه خاصه الا بن قطمان الشاعرالمميز

[بن بريك]

لك مني تحيه بحجم روعتك وابداعك
يـعـجز لساني عن الشكروأناملي عن خط عـبارات الثناء الممزوجه بالاحترام

,,
أخيك / بن بريك

[بن قطمان]

هلا باخواني الشعراء الي شرفوني بالحضور هنا شكرا لكم وراجع لكم فردفرد

[طالب النعماني]

كلاااااااااااااااااام والله كلااااااااااااااااام
بدع وجواب راااائع
وابداع جميل وغريب
شكرا لكم شاعرينا الكبار بن قطمان وبن قاسم

[علي بن ماضي]

عذوبه واضحه في شعركما اخوانى الشعراء
بن قطمان وبن قاسم الحقيقه ابدعتم ايما ابداع
وكبار دايما الله لايحرمكم من اوطانكم ولا يحرم الاوطان منكما
تحيه وتقدير يصل حيث انتم
اخوكم علي بن ماضي

[بحرالعرب]

صح لسانك بن قطمان
صح لسانك بن قاسم
بدع وجواب راااائع