"°™¤¦¤][ الوافي][¤¦¤™°"اِهـداء للشاعر الوافي/مبروك بن ماضي

[علي فدعق الهاشمي]

بسم الله الرحمن الرحيم
مساكم الله بالخيراات
ِاهـداء للشاعر القدير الوافي
مبروك بن سالم بن ماضي الهلالي
بوفيصل
أتمنى ان تحوز على رضاكم ورضاه

"°™¤¦¤][ الوافـي][¤¦¤™°"

اللـيل طال وحاصــرتني الـتفاكير = مـحد(ن) درابي غير رب الـخوافي
وصارت حروفي في خيالي طوابير = كني على نهر الأحاسيس طـافي
يالشاعر اللي لك مـعزه وتـقدير = لامن ذكرتك تـستفيض الـقوافي
((مبروك بن ماضي)) بكـل المعاييـر=شاعر ومتميـز وحريف قافي
ميزان قدره عندنا يا عرب غير= عالي مقامه فوق روس الفـيافي
اســلوب شعرك خدر القلب تخدير = اهلا هلا يا صاحـبي يالسـنافي
اكتــب وابدع واستفز العصافير = وحرك غصون الشوق باسلوب صافي
حييت يا نـسل الرجال المناعير = وقـبل تحـياتي عسى لك عــوافي
لو امدحك بالحبر ولا الـطباشير =مـا ظنني اصـل لقدرك واكـافي
من عاشرك ما قد حسـب للمخاسير = ومن كنت عونه ما عليه الخلافي
دام الوفـا في شرعنا نبذل الخير = ابـشر بـخير(ن) لو قسى الوقت وافي
يا شاعري ما للغلا معنى وتفسير = غير الوله والشوق والجفن غافي
واقبل كلامي ولو بدا فيه تقصير = باجيك لو امشي على الشوك حافي

محبكم
علي فدعق الهاشمي
بوهاشم