<<<< ؛؛؛ شـجـون ؛؛؛ >>>>

[ابوهاني1]

>>>> شجون <<<<

يالله إتحيي وليفٍ(ن) له في الخاطر (شجون)=كل مانادا علي ارتاح بالي وإنبهر
إفرح إبشوفه وغذي الروح من سحر العيون=وتنشحن كل العواطف فـُل من لمحة بصر
هو قمر! لا ياحبيبي هو ينابيع وغصون =في جماله في دلاله جد يتحدى القمر
ما ابالغ لو اقول إنه خليط ارقى الفنون =وان رسمه سر حسنه مثل ما نقش الحجر
صدقوني من ينادي صوته العذب الحنون =نبرته توحي بأنه شي نادر في البشر
لا سمعته اتدوده كن بي حالة جنون =تنخبص كل المسائل واحسب الخمسه صفر
آآآه ياليت الأماني كل مانبغي يكون =كان اشيله في عيوني وابعده عن كل خطر
عقبها ماهمني لوهانت الدنيا تهون =كافي ان اللي بغيته كان مجهول وحضر
سهم من رامي خيالي احتوا لون الدخون=وانسجم ويّا عبير الورد نفحات العطر
صار مصدر للأناقه واللباقه والسكون =وصارو العشاق حوله يرتجو جلسة سمر
كل من شافه نطق لله في خلقه شئون=والذي به ماتأثر صدق ماعنده نظر
يحفظه ربي من الحساد واشرار الفتون=وكيف ما وجّه حياته ياعسى دربه خضر

تقبلـــوا اطيب تحياتي