ركن تأبطخيرا للنقد النزيه. فضلا ادخلو وشاركو

[تأبطخيرا]

ركن تابطخيرا للنقد النزيه. فضلا ادخلو وشاركو

يسرني فتح هذا المتصفح للنقد النزيه والهادي ولا يجب ترك النقد لهوامير السقيفه فقط. نحنا الذين على قد حالنا لازم نشارك ونقدنا سوفاء يكون اصدق من نقد الهوامير لان نقدنا على السليقه وصادق وبدون فلسفه ومن اراد يدخل يتفضل.

خلونا نبدا نقد هادي بدون عصبيه وتخوين وانما على سبيل طرح اسأله فقط واهل السقيفه اذا هم يحترمون عقولنا مفروض يدخلون ويجوبون على كل سوال كل واحد يجوب على ما يخصه وهذا المتصفح ليس سقيفة شكاوي اي نعم ولكن عندنا استفسارات وليس شكاوي.

ارجو من جميع الاخوه دعمي والدخول هنا والتفاعل والتشجيع والمسئولين لما يشوفوا فيه اقبال على هذا الركن بايضطرون يعطون اهميه لكل سوال مطروح والمسئول اللي ما يجاوب على الاسأله الموجهه له معنى ذلك ما عنده شفافيه وفي نفس الوقت عنده ما يخفيه علينا وهذا لا يجوز له.

اول مجموعه اسأله نوجهها للمول

1/ نرجو معرفة عدد وليس اسما اعضاء اللجنه السريين 2/من هو ريس اللجنه الجديده ام تقرر يكون حتى الريس سري 3/هل اختيار القصايد الفايزه بالتصويت ام تزكية الريس
4/
في حالت ريس اللجنه يصوت مثل اي عضوهل له صوت واحد او اكثر 5/الاعضا السريين يرسلون تصويتهم لريس اللجنه وريس اللجنه يبلغ الممول ام يرسلون تصويتهم راسا للمول

نرجا من الممول الكريم لا يضرب بكلامنا عرض الحايط وهذا ما نتوقعه من الكرام والممول كريم وشهم وان كان مشغول فعلى الاقل يدخل ويقول انه مشغول ويفوض غيره يجاوب


وفي حال انه مشغول ولا يقدر يدخل خير شر فما له فكه ارجو من اي اخ كريم يرسل هذا الكلام له برساله خاصه ويقول له ان هذه الاسأله في الركن الفلاني. انا ما عندي خصوصيه الرسايل لان السقيفه تطلب 100 مشاركه وهذا تعجيز.

الاسأله الثانيه لريس اللجنه

1/قصيده محب المحضارعباره عن 35 بيت وشروط المسابقه تقول القصيده ما تزيد عن 25 بيت فهذا الشاعر توسع في 10 بيوت ازيد من غيره واتى بافكار وصور اضافيه اي كانكم اعطيتوه فرصه او مجال اكثر من غيره فلماذا وهل يجوز نرجو توضيح الاسباب بشفافيه دون لف ودوران او تخلق له اعذار 2/قصيده بن مهنا ما هو التي فيها احسن من غيرهانريد قايمه بما فيها من اشياء طيبه وقايمه اخرى بالاشياء الطيبه اللي في القصيده اللي بعدها مباشره اي القصيدة اللي حازت على المركز الرابع اللي ماله جايزه ماليه عشان نقارن ونستفيد. لابد تعرف ان الناس يقولون ان بن مهنا مافاز الا يومه صديق لباشراحيل وثنينهم مشرفين في السقيفه وفي نفس الوقت مقرومي اي من جماعه الممول وسمن حمران العيون في دقيقهم. هذا ما يقوله الناس ومش انا وان كنتو تحترمون عقولنا لازم تجوبون جواب معقول ومقبول ومنطقي ومدعوم بحقايق لان وقت الكروته انتهى.

هنا عندي اقتراح او استفسار موجه للمشرف العام//
اقتراحي هو بعد فوز القصايد نحنا ما نفكر اصلا في تغيير النتيجه لكن اللجنه اذا هي ماليه يدها من اختياراتها المفروض انها تطالب الحلان رسميا بان من عنده ملاحظات على القصايد الفايزه يتفضل يذكرها ثم تقوم اللجنه بالاجابه على الملاحظات فيكون في ذلك فايده للشعارفنريد الان من المشرف العام يصدر اعلان يقول فيه من لديه ملاحظات جاده ومدعومه بشان القصايد الفايزه في فبراير يتفضل يقولها لزيادة الفايده وانصاف الشعار لي ما فازت قصايدهم. والشعار لي فازت قصايدهم لو حتى حصل لهم بعض النقد والمضايقه فالجوايز تعوضهم عن ذلك ما حد با يسترجعها منهم بس لا بد من النقد والشفافيه واللجنه نفسها لما تعرف ان وراها نقد وتدقيق باتهتم اكثر بعملها. باتكون السقيفة ما لها مثال ابدا في المنتديات الاخرى.
واقتراح اخر وهو عدم ما يسمى تشذيب اي مشاركه لان التشذيب يسيوون استخدامه المشرفين ويحولونه الى تشويه وبدل التشذيب لو فبه حرف واحد ما هو ريض وفيه قلت ادب فاحذفوا المشاركه بالكليه لانها عندما تكون محذوفه يمكن لصاحبها التظلم وترجعون اليها وتشوفون المشرف عنده حق في حذفها ام لا هذا اذا تبغون الشي الصح وان تبغون الا لاصوت يعلو فوق صوت المشرفين فقد ضاعت بلد بحالها بسبب لا صوت يعلو فوق صوت الحزب فما بالكم بضياع سقيفه.

هذي نصيحه صادقه لكن الظاهر الصدق ماله سوق هذه الايام.