مكتوب لابن احمد ونعم الجليس

[مبارك بوشندل]

يا واسع الجود والرحمات واحد أحد=أغفر ذنوبي إذا جيتك ومالي ونيس
وبعد يا هاجسي قل ما حصل في البلد=وارسله مكتوب لابن احمد ونعم الجليس
الشعب قط ما تعوض دوب حاله نكد=من فوق خمسين قد مرت وحاله تعيس
الاول اعور وماالثاني مغمض عمد=يوكل بيدين وبرجلين يعفس عفيس
والجوهرة هي لمن خذها ولقََّّى سدد=والشاه هي شاة من كلها وبطنه نفيس
لما متى يا رفيقي يأكلون الثمد=واحنا لنا العيد والشروي وما هو خسيس
والله ماهي طماعه لا ولا هو حسد=اهل العروسه لهم صبْخه ولهل العريس
وانا خرجته من المولد بحمبص سوْد=وين المحمس مع المضبي ووين الهريس
وان عاد شي عقل قوموا واصلحوا ما فسد=وراجعوا ولد لحمر لي ظلم بادبيس
واحنا نباها نعم ثوره ووحدة بلد=اساسها العدل ومساواة شعب ورئيس

تم التنسيق يابن عمرو وابشر بسعدك