شلنا وباشلك

[سبع الليل]

شلنا وباشلك

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

يامن خلقت الشمس وخلقت الكواكب والقمر=وخلقت في الدنيا سماها والصحاري والبحور
سالك بجودك يامهيمن ياعظيماً مقتدر=العفو والغفران في يوم القيامه والنشور
الحال متعسر وعبدك طول عمره ما أستقر=فرج علينا ياعظيم الشأن يا الرب الغفور
دار بن عيمور حذّف بالقواسم والستر=وانت يادار الحكومه عاد لك خمسه شهور
ان صفت وتعدلت قلنا عبر لي هو عبر = وان تعكت يستر الله عالأرامل والبكور
أيش من ثوره وخلق الله في زره وحر=في الشموس القايله مطلع ومندر عالحدور
من تغدى ماتعشى ومن تعشى مافطر=وأهل الشبع ملقين منكر في التباسي والقدور
وأنت يالمسكين دوبك بالمغذي والأبر=من فعال الظلم والظلمه تبيت في الحرور
وين العداله وين وين العبقريه والفكر=وين الضماير شكلها ماتت ودُفنت في الصدور
جابوا لنا مخلوق يكشف عالحقائق والصور=أظاهر ألا مثل لخضر لي شهد بطره وزور
جاب الجنوب الحر مثنات الغلايل والحفر=لمّع وشيّد في تقاريره وكبّر في السطور
والتاليه خذها علي بابا بسرقه وأنتصر =جنن علي سالم وسيطر عالمنافذ والعبور
أما الخضيري بغاء لبوها الموت شيكه قد صدر=خلّص مهامه حسب مارسلوه صُنّاع الخمور
واليوم عند الله وثم عند المناوب بن عمر=أنه يخاف الله باتمسي الخريبه في سرور
وأن كان ذريه في وسط مسيال ما منه ثمر =مايثمر المسيال لأن الذري تلقطه الطيور
لكننا باقول كلمه عاد شرعي ماقصر=بالصدق بانحكي ومابعد الصراحه شي نكور
شوها اتفاقيه جرت مابين حراس المقر=لاحد يصدق بن عميّر لي وقف ضد بن عمور
الرأي واحد والمشوره بينهم تعطي خبر =هذه سياسة شلنا واحنا نشلك يالغيور
ولي يدعون القبوله والضرب من خلف الجدر=شوها رصاصة غدر لي هي عالجماجم والظهور
والشعدليه تشترح عالصوت مثنات السمر=بالنقش والحناء وريح المسك ينفح والبخور
والمشترك يبني ويخرب ساس مبناه المدر= ياخس مباني لي لقاها جُحر من خس الجحور
ياريته الا مالبس ثوب الحراوه وانتشر=فرصه لقاها المشترك داوا جروحه والكسور
وزهم على الاصلاح واتفقوا يزرون العصر =عميتها طفله عماء يعميك يالوجه الدبور
زمان لا برقة ورعدت باشرت وديان سر=وقني مع يبهوض شرب النخل يكفي والذبور
ماليوم تأتينا الصواعق تلتهب من كل بر=وسيولها عوراء عواقبها الجنائز والقبور
كله سبب الاعمال عيفه والنوايا والضرر= كم من يتيمه وأرمله تمسي غنيمه للصقور
لا حول لا قوه من الباطل تفرقن الديّر= ومن فعال الثور لي بيّت على الأمه يخور
ولعاد باطوّل عليكم لن ماعندي بصر = للمشكله غير الدعاء لله يصلح كل لمور[/poem

]