قصيدتين لمبروك العوش في بعد مقتل صدام

[ابو عامر راعي الابل]

هذه القصيددتان نقلتهما من مجالس نهد
وهي للشاعر الفذ مروك بن صالح العوش بن بدر النهدي حفظه الله


ألقيت هذه القصيدتين في مهرجان العواد بمديرية حوره ووادي العين تاريخ 15/12/1427هجري
الموافق 4/1/2007م

يا الله اني طلبت العافية والستـيره = والبنود الحميدة حــق شــرعـــي ودستــــور
قال بن بدر في عيني تقول الذخيره = قلها هاجسي شيء عاده في الكيس مذخور
يا أهل بغداد يوم العيد حجة نكيـره = شنق صــــدام يوم السبـــت باطـــل ومنــكور
ياعــرب ذا نهار الشـؤم يوم الكسيره = ويش يجبره من ســـاقه ملـجـلـج ومكــــسور
ياجـمـل كنت عام أول تقود القطيـره = والقعادين كلا بك مــــقـــيد ومــــقـــطـــــور
يشهد الفاو والبـــصره نهــار المغيره = يوم الاهـواز بالقوات والزحف مغرور
والقت أم المعارك دهن جيد عصيره = والمعاصر لها جلجل تخرجه معصور
يوم لقوا قتب ضيق وغرضه قصيره= شفت بعض المجوره عندهم كل تقصور
ويش باقول قولي خيرة الله خيره = حنبت الساعية ولعاد طلعت من الخور
فعل من لا يشاور ما نشد من شويره= عاش صابر على ماجاه من قلت الشور
يالشهيد المناضل يازعيم المسيره = طاب مثواك في الجنة مكرم ومسرور
ظلت الشمس في كبد السماء مستديره = كل واحد وله قسمه لا جاله الدور
كان حراث لحليه يشق النصيره = فرق الذري كله بين ناصر ومنصور
لعنة الله على كل من يخلي خبيره = عثرت الخيل في حافورها كان خابور
والف صلوا على المختار مولى البصيره = لي زيارته عندي خير من لاك مصرور

والقصيده الثانيه

ياسليمان شف ماشي معي قلب سالي= وقتنا عاب وأنته ماتجلي عيوبه
يوم جاني خبر صدام سمسر بحالي= ما معي شيء دواء راسي تناقح ضروبه
زلزلت الارض وأزتاعت جميع الجبالي= وينكم يارجال الدين وين العروبه
يا الله أدعيك يا والي على كل والي= عز الاسلام لي بعض العرب مادروبه
يا أهل بغداد راح العز لا هان غالي= ما تفكون حبل المشنقة من عصوبه
هب لزيب وهب النود نود الشمالي= عاد شيء غيث والراعد يحن في طهوبه
روس دوعن ووادي عمد خلة الخيالي= كل حراث قسمه بايجي لا جروبه
يوم شليت شالك باترداء بشالي= ما تشوف الخضر مخلوس ما شل ثوبه
قالوا أبطال في العوجاء رجال القتالي= والرمادي وفي بغداد صامد جنوبه
حطتوا أثقالها والعلو فوق الجمالي= عاد شيء بايقع تحديد يوم العقوبه

[عبدالله الجعيدي]

كلام في الصميم لله درك يالعوش على قصائد وشكر للاخ ابو عامر على هذا النقل المتميز . تحياتي

[علي فدعق الهاشمي]

بوعامر

اسعدتي كثير بما قدمت

صح الله لسانك وعلاشانك

ورحم الله بوعـدي رحمة الابرار

سلم قائلهـــــــــا

وبارك الله في ناقلهــــــــا

تميزت بمانقلت هناااااااااا

دمت في حفظ الباري ورعايته

[قمران]

اقتباس :

يالشهيد المناضل يازعيم المسيره طاب مثواك في الجنة مكرم ومسرور

شكرا للشاعر مبروك العوش بن بدر النهدي

وشكرا لك يابو عامر

[محمد عبدالرحمن العمودي]

هاذا الشعر والا بلاش كلام منقح حق حمران عيون

[ابو يوسف بن شحبل]

تسلم تسلم يا بو عامر على النقل المميز

لشاعرنا الكبير شاعر الثورة / مبروك العوش تحية كبيره موقره له

قصيدتين حق لمن يتذوق الشعر إن يقف عندها مذهول

كثر من قصائد العوش قصائد لها صدى خاص


أخيكم أبويوسف بن شحبل

[بحر2005]

والنعم والله كلام وقر في حجر صح لسا ن قألها وسلمت ايادي كتبتها والعـوش شــــاعر غني عن التعريف
لا تحرمونا من كل جــــديد

[ابو عامر راعي الابل]

مشكورين ياشباب على المرور

وسلمت يابو صالح وصح لسانك على ابيات تقولها