الى خالد سالم بن مهنا المري (الشكر والعرفان)

[عمر الذيب]

الاخوه الاعزاء حلان السقيفه السلام عليكم ورحمة الله وبركاته اقر واعترف انني ما اعرف في الكميتر الا يا الله اكتب القصيده وانزلها واحيانا كثير قصائد ضاعن
وكنت اتمنى بيني وبين نفسي ان اجمع كل قصائدي في ملف واحد او ديوان كما يقولون وكل ماجيت باكلم واحد من اللي يعرفون فكرت ان العمليه ماهي بسيطه
وتحتاج تعب وسهر وكل مره كنت اصرف النظر ولكن اليوم فاجاني الاخ العزيز خالد بن مهنا وقدم لي على طبق من ذهب ان صح التعبير ماكنت احلم به فكتبت ما ستقراؤن
على عجل هذه القصيده المتواضعه واهديها الى اخي العزيز خالد سالم بن مهنا المري عمر الذيب

الشكر والعرفان

تعداد موج البحر واوراق الشجر=واعداد اس ام اس ومتكلم يقول
الوه والا مرحبا فيمن حضر=واعداد حبات الذره لي في السبول
واعداد من هلل وكبر واعتمر=واعداد من صلى وسلم عا لرسول
ومليون وتريليون وان عدشي كثر=ارقام ما عرفها على الخاطر تجول
عد كل ما تقدم على القاري ومر=الشكر والعرفان لك يابن الاصول
لهلك ولك ولا الشوامخ والقور=وللارض لي قد سرت فيها بالرجول
ممعي خلاف الشكر يا وعل النتر=عنوان مخراجي ومفتاح الدخول
ندخل به البحرين والدوحه قطر=ومتاكد انه با يحصله قبول
عند المهنا نون عيني والبصر=خالد وليهم في البلد عرضا وطول
كمن وكم من وعل في قرونه عجر=يوم القشاع التاج عا روس الوعول
وانك بغيت الصدق وابغيت الخبر=من عند بو طارق حكم لك با يقول
ما كل غيمه تنتظر منها مطر=ولا كل بارق تحتري منه سيول
ولا كل شجره منها تجني ثمر=ولا كل غوصه منها تطلع بلول
ولا الطبع واحد يارفيق في البشر=قدام كل جيد ميه واكثر فسول
وانا يقول الذيب بو طارق عمر=اختار في السعفه رزينين العقول
امثال خالد بن مهنا وافتخر=ان المخوه والصداقه والميول
بيني وبينه عتمها الساهر سبر=واسقى البذور اللي غرسنا في الحقول
واثمارها من كل حالي في الثمر=الجود والناموس واخيار الدلول

[عبدالقادر صالح فدعق]

والله يستحق مشرفنا خالد بن مهناء هذا الإطراء والثناء على هذا المجهود الجبار والرائع ..! نحييه جميعنا من القلب .

وأنت تستحق ياشاعرنا الجميل الرائع كل هذا الجهد ..


تحياتي لكم جميعآ .
.

[عبدالقادر صالح فدعق]

تم التسيق ..


.

[عمر الذيب]

الاخ ابو حمزه والله انت مايقدر الواحد يجازيك ابدا انت الرجل المناسب في المكان المناسب
انت هنا يابو حمزه تخدم الجميع لك كل شكري وتحياتي وسلامي
عمر الذيب

[خالد بن مهنا]

الله يعطيك الف الف الف عافيه..ياابو طارق..ورب الكعبه ان كلامك..اثر علي..وزاد من قدرك وقدرك عندي لايمكن اوصفه..وانت من صفوة الاصدقاء والاصحاب اللي عرفتهم..قبل ماالتقي بهم..اسأل الله رب العرش الكريم ان يجمعنا بك ..في القريب..وانتظر جوابي..على القصيده..اما بخصوص الديوان فاانا مملوك للطيب وللناس الطيبين امثالك..والله لايحرمنا من سعفة الرجال اللي نعتز ويعتز بهم كل من عرفهم..وعرف معادنهم..ولا انسى ان اشكر اخي واستاذي عبد القادر فدعق.على مروره وكلامه الطيب..ولالكم الا اللي يرضيكم..والله يجملنا معاكم
اخيكم ومحبكم/خالد بن مهنا

[خالد بن مهنا]

يامرحبا ووالله تراحيب المطر=بعداد ماسالت في الدنياء سيول
واعداد ذر الرمل واعداد الحجر=واعداد ماغصن ارتوى بعد الذبول
واعداد من يقراء في احروف السور=والبدر لي يسري في انصاف الليول
واعداد خلق الله في بحرأ وبر=وملائكته اللي في العليا تجول
يامرحبا بكلام من شاعر صدر=شاعر وكلماته تغرم باالعقول
مثل الجواهر واللألي والدرر=عنده لباب الشعر والحكمه قفول
ومعزته عندي على طول النظر=ودوام تتجدد ولايمكن تدول
عزه وله تقدير في القلب استقر=من بعد رب العرش واهلي والرسول
رائع وكلماته تسر القلب سر=ورزين ماهو شخص متهور جهول
والجود في الاجواد له يلقي اثر=اما قلال الأصل منهم ماتحول
الا المشقه والمتاعب والضرر=والمشكله لي مال ابوها شي حلول
وانته البغيه في قروفه ياعمر=لو بامدحك المدح في شخصك يطول
ياليت حد مثلك هنا عشره نفر=ان كانها تمطر عسل ياابن الاصول
لجلك ومن شانك على طول السهر=بصبر عسى عندك نلاقي شي قبول
واشر بيدك..وانته القائد لأغر=وعلى خزاء من قال شي خله يقول

والعفوء ان قصرنا ياابو طارق.فنحن تلاميذك نسال الله ان يديم الموده..وابشر باالخير ..خالد بن مهنا..رهن الاشاره..وعذب القوافي,.,بااذن الله ستكون بخير..بمجهوداتكم انتم وماتقدمونه وتطرحونه هنا من ابداع..يستحق الشكر والتقدير..واكثر من ذلك..واللي يقدرنا ربنا عليه بنسويه..وعسى الجماله..من رب العباد..
وتفضل بقبول ارق التحايا القلبيه من تلميذك/خالد بن مهنا

[الماسه*]

قصيده رائعه من الشاعر الكبير عمر الذيب وجواب رائع من الشاعر المبدع خالد بن مهنا المري

ومابين البدع والجواب نحن في استمتاع لذيذ

يستاهل مشرفنا القدير خالد سالم بن مهنا القصيده المهداه

ويستاهل شاعرنا عمر الذيب الرد الجميل,,

لكما خالص التحيات والأماني الطيبه.

[عاشق الوادي]

السلام عليكم ورحمة الله وبركاته عندما يلتقي المبدعين تجد التميز واضح قصيده غايه في الجمال من شاعرنا الكبير عمر الذيب ابو طارق وجواب مميز من شاعرنا ومشرفنا خالد بن مهنا اسجل اعجابي وتقبلوا مروري

[سالم السقاف]

الشاعر الجميل عمر الذيب

انت تستاهل هذا الكرم من خالد

وهو يستاهل هذا النص الراقي

ولسان حال الواقع يقول (اذ انت اكرمت الكريم ملكته)

دمت بحفظ الرحمن ورعايته

[صالح باعمران ابو زايد]

كلام جميل يابو طارق ويستاهل الاخ خالد بن مهناء
هذه الكمات الجزلة
وكفيت ووفيت يابن مهناء على الجواب الراقي
واسأل الله ان يديم الود والمحبة بينكم وبين كافة
ابناء سقيفتنا الغالية
وتقبلوا تحياتي اخيكم صالح باعمران المشجري ابو زايد