البارحه ما نمت بقعاء قربعه

[عمر الذيب]

القربعه

البارحه مانمت بقعاء قربعه=منها اهتز القلب مابين الجنوب
والقتل مدري ياثلاثه ياا ربعه=واثنعشر الجرحى وستعشر بطوب
مدريت من ناوي لمن في المعمعه=ولا دريت من يقتل ومن ليه الذنوب
اسالت قالو خلاف بين المطبعه= وحروفها والكاتب اللي به عيوب
يضرب بقوه مابغا شي صعصعه=وان حد سال عالضرب قالو له كذوب
والضرب واضح والوراق امقطعه=والزرق تتعاكس غبش بين الدروب
وش لي حصل شي علم يهل المصنعه=يهل الضليعه والسحم واهل الزروب
ولا المصانع كل ابوها مهيعه=من بعد باصبرين لي شيد غلوب
المال دامر والخلل في المظلعه=لي شلها سيل المصبح من لصوب
صبح وخلق الله كلن يسمعه=والناس ترقص والزوامل والضروب
من كل جهه امن الجهات الاربعه=لاكن غزره جاء معا وقت الغروب
والصبح ما واحد استداء مقلعه=لان السوام اللي تقع بين التبوب
شل مهن خمسه ولي مسترجه=سته من افيين الزياده جا ستوب
عا كيف ذي الحسبات يهل المجمعه=والا انا الغطان في حق الشعوب
كلن يراجع في حسابه مرجعه=والا بصمو مادام ما معكم قلوب
خلو سيول الخرفه تجرف ميفعه=وتشل بالمره سمرها والعلوب
عمر الذيب

[المفرقز]

نعم نعم ترجع ميفعه وتشل اللي على بالك وبالي ,لاجل نسكن من اذيته وصح لسانك وعشت شاعرا حضرميا اصيلا رغم انف اكبرها شنب .

[سالم علي الجرو]

اقتباس :

كلّـن يراجـع فــي حسابـه مرجعــه = والا بصمو مادام مـا معكـم قلـوب خلو سيول الخرفه تجـرف ميفعـــه = وتشـل بالمــرّه سمـرهـا والعلـوب

الحسابات مبعدة وأهل الفوائد مبعدين واللي تشوف يا بوطارق وقود او حطب لاهل الحسابات البعيدة.

كانت مكاسر المعادي من أول بسبب الطّفح وأحيانا بفعل الجرذان ، أما اليوم بالرّيموت من بعيد يحرك الجرذان الإليكترونيّة.

[سالم علي الجرو]

اقتباس :

مدريت من ناوي لمن في المعمعـه = ولا دريت من يقتل ومن ليه الذنـوب اسْاْلت قــالو خـلاف بيـن المطبعــه = وحروفهــا والكاتب اللي بـه عيــوب

لا يوجد خلاف بيني وبينك ولا بينا وبين عموم الأهل الصابرين وكأنهم جرذان في حقل التجارب . بعد كل فترة تنزل علينا نوازل يسببها الذين لا يرحمون أمّتهم ولا ينظرون إلا إلى أنفسهم وإلى خدمة الآخر.
ويا ليت الجميع يرحل ويترك لنا البلاد وسوف يضبطها العرف والعادات والتقاليد عبر مقادمه وإن كانوا أمّيين ، فلقد والله مللنا أشكال هذه الرسوم التي تلعب بنا.
دمت يا أخ عمر.

[عفاف]

صباح الخير;
قصيدة رائعة أستاذ عمر الذيب ,,, تقبّل اعجابي بما تكتب دومًا ,
((لي شلّها له شلّه)) !
دمت شاعر شعبي كبير ,,,
لك مني خالص التحية والتقدير والإحترام .......

[الحضرمي 2003]

صح لسان الشاعر عمر الذيب ، الشاعر بالفعل يستطيع التعبير والتشبيه بطريقة جميلة ويؤثر في المتلقي ، و ردت فعل العم سالم الجرو حول هذه القصيدة ما هو إلا تعبير صادق عن ما تحمله هذه الكلمات منمن معاني وعمر الذيب شاعر متمكن وضف حروف قصيدته في تسليط الضوء على ما يجري حالياً في الساحة اليمنية وما ينتظرها في الأيام القادمة.

شكراً للشاعر عمر الذيب.

[علي فدعق الهاشمي]

الشاعر الفــــــــذ عمر الذيب صبحك الله بالخير والرضى والنعيم صح الله لسانك وجاد بنانك قصيدة عصماء تدل على شاعرية لشاعر جزل متمكن يجيد تطويع الحروف زادك الله من خيرة دمت بود

[ملك اليمن]

خلو سيول الخرفـه تجـرف ميفعـه = وتشـل بالمـره سمرهـا والعلـوب

متوحده أرض اليمن والهرج ذلا زوبعه = وحده قويه شا مخه مترسخه وسط القلوب

تقبل مروري ولك فائق الشكر والتقدير.

[عيون المكلا]

تسلم ويعطيك العافيه
لاهنت ودمت بكل ود
اعذرني لاني مشغوله وتقبل مداخلتي المتواضعه وبرجاء تصحح اذا فيها اي خلل !

بعض العرب ماشي وراهم منفعه = ولامعاهم في التخاطب شي سلوب
نشن برشاشه وشاحن مدفعه = حول الحمى يمسي بأرتاله يجوب
هميت بالطيبه تقدم واقنعه = منع الاذيه والتمادي في الحروب
على فتيل الشر خوفي تنزعه = يده وبعد النزع بتضيع الجنوب
على جميله عمرنا بانجزعه = رغم المآ سي والمتاعب والكروب
في الظلم يتمادي وعقله يخدعه = ناسي الاشاوس ذي يركبون الخطوب
ماعذر مانصده ومنا نمنعه = وبالسلامه ترجع الشاه الحلوب
عند انسحابه لو بغينا نودعه = مايعيبنا امثال ماعنده عيوب
وعلى خروجه سد عينه نوزعه = مشروب من صافي عسل خرفي طنوب
وان شل حماره ماهتم بالبردعه = نذكره عاشان لاهب الهبوب
يرجع ويثبت للامم ان منبعه = من عندنا وجذور له وسط ........

[مسرور]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

خلو سيول الخرفـه تجـرف ميفعـه = وتشـل بالمـره سمرهـا والعلـوب متوحده أرض اليمن والهرج ذلا زوبعه = وحده قويه شا مخه مترسخه وسط القلوب تقبل مروري ولك فائق الشكر والتقدير.

ملك اليمن

يبدو لي أنك تغالط نفسك فقط ويصعب عليك مغالطة غيرك !!!

ما قولك في المرجل الجنوبي الذي يغلي غليانا غير عاديا ؟

لا نرغب في وحدة محكومة بالقبضة الحديدية لعلي عبد الله صالح ومرهونة ببقاءه على الكرسي .

لن تجرفنا سيولهم ولن يغيروا معالم هويتنا بوحدتهم العرجاء .

التباشير بدأت تلوح في الأفق ، والبوادر الأولية تفيد أن النضال السلمي قد يتحول في قادم الأيام إلى نضال مسلح .

سأحيلك إلى البيت التالي للشاعرة عيون المكلا :

ماعذر ما نصده ومنا نمنعه = وبالسلامه ترجع الشاه الحلوب

سلام .