11-08-2012, 07:35 PM
|
#391 |
|
عميد شعراء سقيفة الشبامي
|
ويقول الشاعر سالم بانبوع رحمه الله من ضمن ابيات له
يامافي الراس لاكن مقدر اتكلم = لما تصيح الستر تحكي بما فيها
انك بن حلال باتسعد وباتغنم=وباتلقي حجج ماحد يلقيها وانك بن حرام بيروح الشوي والجم=وباتروح السفينه هي ومافيها البنت مرضت وتعبت يافريد ارحم=ياخير من بنت كم من عين تبكيها جابوا المداوي يداويها من البلغم=فلخ وجاب المكاوي بايكويها |
|
|
11-08-2012, 07:51 PM
|
#392 |
|
عميد شعراء سقيفة الشبامي
|
في قديم الزمان فيه ولد باسندوه عمره 8 سنوات يتيم توفت امه ووالده ورباه بازرعه في الرشيد وبازرعه عنده بنت 8 سنين عمرها وربيت في الشارع هي وباسندوه اليتيم يلعبون وهم صغار وحبوا بعض وكبروا والمحبه مغروسه في القلوب وباسندوه كافله بازرعه عنده في البيت رباه وكبر باسندوه شاب وخطب البنت من بازرعه وبازرعه مايبغى البنت لباسندوه والبنت تبغى الولد فقام بازرعه وحمل باسندوه مهر كبير لكي يعجزه فاالتزم باسندوه في خلال سنه يوفر المهر وسافر باسندوه لكي يضم المهر وبعد سفره بثلاثه شهور جوا الخطاب للبنت واهلها يحتموها عاالزواج وهي ترفض حاولوا وحاولوا وهي ترفض وبعد 10 شهور او9شهور قام بازرعه واهل بيته وعملوا جواب انه فيه خبر في الجواب ان باسندوه متوفي لكي يقنعون البنت ليزوجوها غيره وردت البنت امرها لله بعد اعلان وفاة باسندوه زور وبهتان وفي الشهر 11 الحادي عشر قبل انتهاء السنه عصبوا الزواج للبنت لواحد اخر ونهار الشرح يحن والزوامل وصل باسندوه من السفر وحطت حموله الجمال تحت الرشيد وسمع الوله وقال هذه في دار بازرعه قالوا له نعم قال زواج من قالوا له بنت بازرعه خطيبته فساب وترك عفشه وهو جاء موفي الوعد ترك العفش وطلع يجري للوصر والمدروف يحن وهو شاعر وكانت العروس في غرفه فوق الوصر هكذا وصف الشيبان ويقول باسندوه من ضمن ابيات له وللاسف هذا الموجود يقول باسندوه
يالله عسى ريح يسري به عسى لا يصل= يصبح في السيف قسم الضعف كلين شل= راثي لمولاه ولا نا سقيلي جبل= يسقيلي اجبال ذي يصبح عليها طلل= ذي قوتها عاالكبد طيب وماها عسل= يقولون والله اعلم سمعت صوته البنت وعرفته وهو خلص الابيات وخرج من الوصر وطلع عقبة الحبل يجري وافتقع في نصف العقبه سقط ميت والبنت بعد سماع صوته طقت ميته هكذا الوصف والله اعلم وابشر بسعدك ياخليفي انت والضيوف الكرام انت والشعراء والمحبين والمشاهدين اذا مدانا عاد ذا الا طشوش ساريين عن جارنا عبدالعزيز الجابري بوالفاروق جاء من السفر قلنا له شي سنبره ومسمع حمار هدية الاولين قال معاد شي يابوقديم قدها الا بلاوي ثانيه طبتم والعفو من اي هفوه ان قدرنا نسامركم بنلاحقكم ( ويقول الشاعر الكبير احمد باعجره المشجري )
جمـع وفــرق وكــل أمــر انقـضـى وحتـسـب = مـحـمـود يـعـصـر وعـبــدالله يـشــل الـعـصيــر= كلام ياباعجره المشجري كلام
|
|
التعديل الأخير تم بواسطة حسن محمد سالم باقديم ; 11-08-2012 الساعة 08:21 PM |
|
|
|
|
11-08-2012, 08:05 PM
|
#393 |
|
عميد شعراء سقيفة الشبامي
|
يقول الشاعر محمد صالح باحفي رحمه الله من ضمن ابيات له
خرج ذا فصل والثاني دوائر دورت = ماحد بها داري نشدنا لي دري = من قصة الدره يقول الاوله والثانيه لما الخبر يندار=
يقول القيل بوسالم قوايمي ابترت = من قدرة الباري لحومي تبتري= عاحبة البره دفنها فيصل العطاس والسيد حسين البار=
نعالج مشكله معنا صحيفه ماقترت=صعبه على القاري
متى باتنقري=حالي وماقره عديمين البصر لا قلت با الحالي سقونا القار= |
|
التعديل الأخير تم بواسطة حسن محمد سالم باقديم ; 11-09-2012 الساعة 10:19 AM |
|
|
|
|
11-08-2012, 09:33 PM
|
#394 |
|
عميد شعراء سقيفة الشبامي
|
هذه القصيده للشاعر الكبير عبدالعزيز بن مبخوت بن شريشر النهدي نقلت حسب طلب الحضور لتكون الصفحه عقيق يماني مثل ماقال الشاعر الكبير احمد باعجره المشجري
لا الولايات با ترحم ولا الروس يرحم=والفرنسي من السابق علومه رديه قد لهم وقت متفقين كل شي مقسم=نفط كركوك يتوزّع عليهم سويه مجلس الامن ما صوّت على شان شلقم=حين صبّت في الجلسه دموعه هميه يوم شافوا في الخطبه معمر تهنجم=خوفهم كان عالجرذان قبل الرعيه للسياسه مية مطبخ وستين مخدم=غير بعض العرب يخرج وعيشته نيه من (عكن) ملح وسط الصُبغ بيبات يكزم=والمصيبه اذا ودّع منيحه مريه يترك النوم لي خيفان ليبات يحلم= وان تعوّذ من الشيطان يرقد عشيه ( وهذا الجواب من حسن باقديم على قصيدة الواقعي حررت بتاريخ 4/10/2012م )
مرحبا باالكلم ذي حرمتني تكلم = سادني صمت من غزر البيوت القويه جاتني من قدى مهجوس يدرى ويعلم = باالصراع السياسي والحدث والقضيه ياجبل نهد هجسي من كلامك تلعثم = رحت لكده وشن يابس وقربه خليه شيل ثوبي كما اّم الكتاب المكرم = ( عابده الشمس ) ذي رسلت اليه الهديه واّرث الملك من داؤود ذيهوا تبسم = ذي سمع لهجة النمله مكارم علييه فلقت البحر وتفجر بها بئر زمزم = بانرجم بها كم من ( ولايه ) عتيه ذي بكت عن رسول الله والدمع دلهم = باركه تحت باب الله رب البريه من رجمها سونه صاب عيسى ومريم = والحرم والحجر والقبه الهاشميه عهد وصدق ان المناجم مهضومه ياباعجره والمشاهدين انت منجم
وبن شريشر منجم وفيه من امثالكم ولاكن ثقوا ان فيه متذوقين هما متابعينكم بدقه يحيا الشعر واهله وتحيا الجزاله وقالي احد رجال نهد لو ماقلتوا لي ولا شاهدت قصيدة بن شريشر باقول هذا كلام وشعر يشبه كلام باحفي فحق وثبت ان الواقعي خليفة باحفي نقولها باايمان وقال باسومح يوم سمعناه اياها قال السومحي هذا كلام جزل شاعر من الاولين وقد قالها من سمح بن شريشر عهد الله شاعر جزل الصدق ينقال القصيده وماقبلها هزتنا هز وهزت غيرنا والشي الزين مايخفي نفسه طبتم |
|
التعديل الأخير تم بواسطة حسن محمد سالم باقديم ; 11-08-2012 الساعة 10:25 PM |
|
|
|
|
11-08-2012, 10:05 PM
|
#395 |
|
عميد شعراء سقيفة الشبامي
|
يقول الشاعر علي باسومح في زامل
من عناني بخط باجيه لوني بمسقط =بانحط النقط فوق الحروف العكيه صاحبي لا شرط مكلوف مثله تشرط=وان توسط وسط قاديه عاالطالعيه في حمول المحط لاتقول نا باتلقط=شل وحده فقط حظك ملانه خليه والذي مخطتني يوم ماعرف تمخط=كل من قال شي فيها حرقني بكيه من كساها من المصبون دون المبشط=باخطي عاالفوط باعطيه شيذر هديه عيدنا زين في المضباه دسم وشوط =عاالكبد ماسقط خاف الدحاسه غثيه الدحاسه غثيه نسئل الله السلامه
|
|
|
|
11-08-2012, 11:09 PM
|
#396 | ||
|
شخصيات هامه
|
سلمت يا أبا الجويد قصص من التراث والله أنني أحاول تنشيط الذاكره بقصص كنا نسمعها من الشيبان وهي قصص متعدده في العشق والوله والشجاعه وفي كل مناحي الحياة عند لولين ,ولكننا عيال الدانو معد نحفظ طبتم؛؛؛؛؛ |
||
|
|
|
11-09-2012, 03:49 PM
|
#397 | ||
|
عميد شعراء سقيفة الشبامي
|
نغلب وتغلب رواسي الارض في مشرق وقبله ماانت من اهل الدانو نشهد شهاده
من اي مطرح يتنبغ هذا القبيلي سطرت ذكر زين في شعرك وتعقيباتك ازادك الله وحفظك نقولها بصراحه وصدق في هذا اليوم الفضيل يوم جمعه وجمعه مباركه عليك وعلى الضيوف |
||
|
التعديل الأخير تم بواسطة حسن محمد سالم باقديم ; 11-09-2012 الساعة 04:58 PM |
|||
|
|
|
11-09-2012, 03:51 PM
|
#398 |
|
عميد شعراء سقيفة الشبامي
|
اللين ساس الملك في هذه وذك=والتربيه في الدين كن رحمه ولين
لاتملك الزوجه ولا تملك بنك= ولا تسيطر عاقلوب الاخرين لاجيتهم بااللين ساروا ملك لك=الملك في الرحمه وفي القول الحسين تملك بنك وعيال عمك واخوتك=واللين به وصى امام المرسلين هذا المناء وخلاف ذلك ماسلك=وبواب ربك فاتحه للمذنبين |
|
التعديل الأخير تم بواسطة حسن محمد سالم باقديم ; 11-09-2012 الساعة 05:17 PM |
|
|
|
|
11-09-2012, 05:22 PM
|
#399 |
|
المشرف العام
 
|
مرور وتسجيل حضور في مجلس العميد !!
جمعه مباركه اخي ابوالجويد !! |
|
|
|
11-09-2012, 07:28 PM
|
#400 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 9/11/2012م مهداه للمدير العام بتسجيل حضوره نتمنى له الخير والصحه والعافيه ( قصيدة بعنوان )
نفسي لمحياكم فداء ياالمصطفى بدر البدور= هذا شعاره والشعار الزين معيانه سبور= وعذب صافي حلو يتذلح على يابس قفور= هذا الملاذ الزين ذي راحته تكمن في الصدور= يلحق بها المخلوق مخرج من عكلها والعسور= طبته وطاب الخلق والثمرات طابت والزهور= 
حيا بقائد ركبنا حيا بتسجيل الحضور=
نورت مجلسنا بنورك زادك الرحمن نور= في الدين والدنيا ويوم البعث من وسط القبور= ندعي لكم غبشه ومغرب باالعوافي والخيور= وانتم دعوا لي والدعاء فيه الفضيله واّلاجور= باب التراحم له في القران والسنه سطور= من قام فيها واستعد حصل تجاره ماتبور= يحصد ثمرها في نهار البعث ونهار النشور= نفسي لمحياكم فداء ياالمصطفى بدر البدور= هذا شعاره والشعار الزين معيانه سبور= وعذب صافي حلو يتذلح على يابس قفور= هذا الملاذ الزين ذي راحته تكمن في الصدور= يلحق بها المخلوق مخرج من عكلها والعسور= طبته وطاب الخلق والثمرات طابت والزهور= يجني ثمرها من غرسها في عشاء ولا بكور= يامرحبا باالغائب الحاضر وتسجيل الحضور= غائب وحاضر في قلوب الناس ياصقر الصقور= شرفتنا يابن ربيعه بعد غيبات الشهور= حيا بدار العدل والميزان والفهد الجسور= ذيهوا حظي باالصيت والشهره وزينات الامور= وباالخصال الطيبه نعم السلاله والذبور= لا الذبر طيب طابت الزرعه وبركه في البذور= وحلت البركه من الله في الشيابه والزقور= وانته ذبورك والمحاسن طيبه هي والجذور= الله يحرسها ويغمرك الفرح هو والسرور= ماتشوف شر في العظم والصحه وفي العذب الطهور= ويطول عمرك والرضاء عند القضاء رحمه ونور= والذكر حسنه والمرض رحمه من الرب الغفور= ورحمة المولى على الشاكر قريبه والصبور= وذكر بعده عافيه من مجزي العبد الشكور= ابشر برحمة عاجله من عند جبار الكسور= شرف على ايوب وتباخر من اّفات الضرور= رده قمر بازغ في الجلبوب من بعد الثبور= هذا وثم قال الذي يمسي يكالفها كدور= كلن غفت عينه وهو ماينام وعيونه قشور= هموم ومشقات ومشاكل تديف عاالفقور= وظروف تتخطفه في الديره تخطاف السعور= على خريف الباسقات النخل زينات النحور= والعفو من نقصان في قولي بدر ولا قصور= الفتها والعكس والغثران يعصف باالفكور= |
||
|
التعديل الأخير تم بواسطة حسن محمد سالم باقديم ; 11-10-2012 الساعة 08:06 AM |
|||
|
|
 |
| مواقع النشر (المفضلة) |
|
|
|
|
العرض العادي
