خواطر شعريه

[سالم علي الجرو]

[QUOTE=الواقعي;774927]

خاطره رقم 4

المراجل كما نهرن يسقّي العتوم=والفساله تشابه بحر يذبحك ماه
والمراجل كما غيثن همته الغيوم=والفساله كما (صحصح) يموّت ضماه

انطباع وحس مكتوب ـ كما عوّدنا الواقعي ـ في بيتين .
يذكرك ببيت المتنبي:

إذا كانت النفوس كبارا=تعبت في مرادها الأجسام

صاحب النفس الكبيرة هو صاحب المرجلة والنفس الكبيرة . تصوير رائع: ( ماء المطر يروي العطشان وماء البحر يميته ) .

[سالم علي الجرو]

اقتباس : المشاركة الأصلية كتبت بواسطة الواقعي [ مشاهدة المشاركة ]

الخاطره رقم 6 الشرف لو مسكنه صحرى الظماء وسط الخبوت=والله انا قوم ما نسكن فلل والّا قصور قيض رمله والشرف تغني عن اظلال البيوت=لعن ابو سكّان قصرن بينهم والعز سور

الشرف ليست كلمة تقال من على أريكة الترف والرفاه . إنه العز ولو عاش صاحبه في الفلاة والقفار .
لا زلنا في خواطر الحس والإنطباع مكتوبة في بيتين من روائع الشاعر الواقعي .

[سالم علي الجرو]

العتوم: جمع عتم . العتم: قناة تصريف مياه ترابية لا يتجاوز عرضه نصف متر .
المرجلة: إشارة إلى كل فعل وموقف يدل على شهامة ونخوة يصدر عن رجل . قد يصدر عن امرأة رجل شهم .

قال الشاعر:

لو كان النساء كمثل هذي= لفضلت النساء على الرجال

الفعل والموقف الدال على الرجولة والشهامة هو الشغل الشاغل للخواطر مما يدل على فيض المشاعر الآدميــّة ورؤيته لمعنى قوة الرجولة والشهامة فصورها وشبهها بقوة الحبل:
• (الرمث) ما تنقاد به شـي مغاتيـر
• ومحدن يزم (بالرمث) صهوة حصانه
لم يقل يزم بالرمث سيارة أو نحوها بل اختار الحصان إشارة إلى الرجولة والفروسية .
• تشبيهه: المراجل كما نهرن يسقّـي العتـوم
• تشبيهه: والمراجل كما غيثن همتـه الغيـوم

[الخليفي الهلالي]

اقتباس : المشاركة الأصلية كتبت بواسطة سالم علي الجرو [ مشاهدة المشاركة ]

[SIZE="5"] العتوم: جمع عتم . العتم: قناة تصريف مياه ترابية لا يتجاوز عرضه نصف متر . • تشبيهه: المراجل كما نهرن يسقّـي العتـوم • تشبيهه: والمراجل كما غيثن همتـه الغيـوم

يا اليرو العتم يطلق على كل شئ متجه نحومكان محدد ...مثال ...

سرحوا آل اليرو معتمين قداء شبام أي طابور أي في أتجاه معلوم وحتى المطر عندما ينزل على مكان ثم ينساق في عتم إلى مكان آخر يقال المطر عتم قدى حدرى

تعبت كم با علمك عربي ولكن العقدة في عقلك عقل كنفره وفي لسانك عقدة الأعاجم فبالله عليك قلي كيف تباني سوي لك ياذاء المخلووووق..؟!

أنهل أنهل من نهر اللغة العربيه وبعد أن تجد في نفسك القدره تداخل وشارك ولو أنك شيبه ثرم ولا عد فيك حاك وصعب عليك أن تتعلّم عربي في هذه السن المتقدمه ولكن قدر الله علينا با نسعى في تعليمك اللغة العربيه؛؛؛؛؛

[حسن محمد سالم باقديم]

اقتباس : المشاركة الأصلية كتبت بواسطة سالم علي الجرو [ مشاهدة المشاركة ]

نهار با تروح البسطة حق المقدم باروح معك بغيت حبل وذه بسطه تخوف: سواطير ومواسي حلاقة وباروت ، ونا مقصدي حبل فقط لي غرض فيه .

يارايح البسطه وقف لي واستقل = عازم معك باشوف بسطة باقديم
مشتاق لابسطه بها كل الخصل = الموس والساطور فيها والشريم
ماقصدي الا حبل سبلي ياالعول = لي به غرض وعلى الغرض سري كتيم
قصد الغرض شانك ونا ردي سهل = ظاهر مثيل القطر والسيل الهميم
من يخفي الرحمات وشراب الحجل = والفال والدعوات للرب العظيم
دعوة لقاء يالله عساها تقتبل = قولوا معي امين ياالحق العليم
يامن بوابك فاتحه ماتنقفل = تجيب سالم للوطن غانم سليم
شوقي لكم شوق المدين للسجل = ولهفة العوران للعود الصميم
لاقالوا العربان بولطفي وصل= وبن مخاشن صاحب القلب الرحيم
باخلي الاوتاد تمسي تشتعل = وكل مسبت خشر والرازق كريم
مابايقع لك حبل لو البسطه تكل = بيقع لك الناموس والقدر الحشيم
وان لك غرض ثاني على خيطك غزل=نيتك فانوسك في الليل الظليم

والعفو مشغول

[سالم علي الجرو]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

يارايح البسطه وقف لي واستقل = عازم معك باشوف بسطة باقديم مشتاق لابسطه بها كل الخصل = الموس والساطور فيها والشريم ماقصدي الا حبل سبلي ياالعول = لي به غرض وعلى الغرض سري كتيم قصد الغرض شانك ونا ردي سهل = ظاهر مثيل القطر والسيل الهميم من يخفي الرحمات وشراب الحجل = والفال والدعوات للرب العظيم دعوة لقاء يالله عساها تقتبل = قولوا معي امين ياالحق العليم يامن بوابك فاتحه ماتنقفل = تجيب سالم للوطن غانم سليم شوقي لكم شوق المدين للسجل = ولهفة العوران للعود الصميم لاقالوا العربان بولطفي وصل= وبن مخاشن صاحب القلب الرحيم باخلي الاوتاد تمسي تشتعل = وكل مسبت خشر والرازق كريم مابايقع لك حبل لو البسطه تكل = بيقع لك الناموس والقدر الحشيم وان لك غرض ثاني على خيطك غزل=نيتك فانوسك في الليل الظليم والعفو مشغول

ابن مخاشن لا على البال ولا على الخاطر مع الزاخي والعكران ، لكنه في الربع الساعة الأخيرة ما أدري وش جابه وابتلانا الله لا يبليه . دخل ياالمقدم وحاله مليان والسند ماشي ولا يدري إن الحال مليان واليد على المقص ( هذا بندقي اعتبروه قدوم لكن عندي له قروح واسمع ردوده )
ساعد بعض الشيء منه لا يحتمل والقصد ان نحن واقعين . الرجل هذا أكن له تقدير وهو يعلمه وكم حاولته من هنا ومن هنا ابغاه يحوص وذا متربس
الأوله: انه درس نفس منهجي ( جامعة بخت الرضا )
الثانية: رجل يحافظ على الصداقة
لكنها الربع الساعة الأخيرة وسوء التصرف منه البادئ ومني المجاوب وهي كلها باتصل إلى نهاية والندم وارد لا محالة ، لكن وين خرجت من المعنقة .

[الواقعي]

رقم - 7

شف وش يسوي الخيل فالمطي الطري=كُثر الثمر لي فيه من ثُقله حناه
تمره هوى به تحت لجل ان يلتفي=ويناله الجيعان لا امتدت يداه
صوره تذكّر صاحب الطبع القسي=بن لانحناء محمود حتى فالصلاه

[حسن محمد سالم باقديم]

اقتباس : المشاركة الأصلية كتبت بواسطة الواقعي [ مشاهدة المشاركة ]

رقم - 7 شف وش يسوي الخيل فالمطي الطري=كُثر الثمر لي فيه من ثُقله حناه تمره هوى به تحت لجل ان يلتفي=ويناله الجيعان لا امتدت يداه صوره تذكّر صاحب الطبع القسي=بن لانحناء محمود حتى فالصلاه

وين يضرب هذا القبيلي الغزير وانا دوبي وصلت تحياتي لك
وعاد شي دركه لخوك يتناتفونه من كل حدب وصوب دراك منك
ولا بغا من خلافك دراك تحياتي للجميع

[حسن محمد سالم باقديم]

اقتباس : المشاركة الأصلية كتبت بواسطة الواقعي [ مشاهدة المشاركة ]

رقم - 7 شف وش يسوي الخيل فالمطي الطري=كُثر الثمر لي فيه من ثُقله حناه تمره هوى به تحت لجل ان يلتفي=ويناله الجيعان لا امتدت يداه صوره تذكّر صاحب الطبع القسي=بن لانحناء محمود حتى فالصلاه

( وهذا جواب حسن باقديم )

حيا بذي حبه ودور له بطي=دوار لاعمى حين مايفقد عصاه
جزل المعاني والخواطر ذي تجي=كل خاطره فيها الغزاره والعكاه
يابن شريشر في مقد ضيعتني=ضياع من دور وضم زاده وماه
حاجيت ياالنهدي السليل الخامعي=غزر الهدف فرر قلوسه من كساه
ياالواقعي للكون والكائن قوي=جزل العطاء جلت صفاته في علاه
حكمته حكمه صاحب السر الخفي=بجواهر الحاجات عاظهر الحياه
ثقل الثمر والخيل ذيهوا محتني=له سر خافي يعلم المولى خفاه
ي ذنب ولواح المخابي تمتلي=ياالاجر له ينفعه في ساعة لقاه
ياقارعه نزلت وراء الاقدار شي=دع ماتشوفه لاقوي رافع سماه
ولا ترد عاقل ولا ترجم غبي=غض النظر لادخلت عنقوره وساه
شف اهلها ياباس فيهم معتري = كلين مايحفظ لسانه في لحاه
مقشم وزعنونه يتفل هاشمي=وديار غلابه لها داعي وجاه
بقلب سمي لاعبد بكمه لا صبي=ياالخامعه كلن يخذ منكم نباه

[سالم علي الجرو]

اقتباس : المشاركة الأصلية كتبت بواسطة الواقعي [ مشاهدة المشاركة ]

رقم - 7 شف وش يسوي الخيل فالمطي الطري=كُثر الثمر لي فيه من ثُقله حناه تمره هوى به تحت لجل ان يلتفي=ويناله الجيعان لا امتدت يداه صوره تذكّر صاحب الطبع القسي=بن لانحناء محمود حتى فالصلاه

لم أجد غير الأبيات التالية لشاعر خليجي:

حي الرجال اللي لهم فعل بالطيب=أهل الكرم والطيب وأهل الشهامة
مثل الصقور معكفات المخاليـب=دايم تعلى فـوق روس العدامـة
في قربهم تبرى الجروح المعاطيب=وفي شورهم ما تغتشيك الندامـة