مساجلات الزامــــل الشعبي

[طالب النعماني]

مرحيب مرحيب

[البغدادي]

لتخاف يلعطاس فوق الناس رب =والحي مصيره لازما لرضه يعود
ان كان قدشرق وانه قدغرب =ماعذر بايلقاء عمامه والجدود
وواهل العمايم حظهم لي هو لي ظرب =من واسع المدات ماهو بالنقود


سمحو لي اول محاوله في الشعر ومنكم نستفيد

[جمال العطاس]

كلام ياالبغدادي صح لسانك . وصدقت عاد فوق الناس رب سبحانه !!

إذا كانت هذه بداياتك يالبغدادي أجزم بأنك شاعر . لأن الشعر ماهو ترتيب ألفاظ فقط بلا مدلول . وأبياتك الثلاثة إستهليتها بحكمة معروفة في الشطر الأول والثاني . ولايفعل ذلك إلاّ شاعر !!
ياليتك شفت بداياتنا ( باتشبع من الضحك ). ولا باتصل عُشر بداياتك والله .

الله يجنّبنا عذابه والغضب=بحق طه سيدَنا ساكن زَرود
لكننا مابا لهم هذا التعب=وهم يقولوا من يخالفهم حقود
بعض العرب ياصاحبي ماله سهب=تسامحه لكن في طبعه جَحود
ماخاب مؤمن عند مولاه إحتسَب=يرضيه رب العرش خلاّق الوجود
هم حاسبين ان السقيفة ذي خشب =من دونهم باتعتكن وألاّ تنود
عمدانها أهل الفضائل والأدب=وعاد صاحبها بذل فيها الجهود

للجميع التحية !!

[خالد بن مهنا]

يامرحبا بالقول لي مصبوب صب=يطلق قيود الي تقيّد بالقيود
مافيه داعي للملامه والعتب=بالله ياذري النماره والاسود
حلو مشاكلكم ومن راسه غلب=عينه تشوف الغيث من حدراء يقود
والناس ماواحد معه مكيال حب=والطايره مازودوها بالوقود
بين السما والارض ياساحب سحب=يابوي ياحسف الدراهم والنقود
ماشي امل بالشان يومن بولهب=والشوك يبقى شوك مايرجع ورود
مثل النبي صالح تعب معكم تعب=وانتوه صكك ماتصدقونه ياثمود
رحتوا طمعتوا في المناصب والرتب=لما اصبحت عظمانكم مثل الصهود
الليل ياطالب شف الوقت انقلب=ولعادها بين الحظارم والزيود
والهاشمي كل مارشن في عود نب=عود الدخون الزين ماهو اي عود

[معبد]

ذا بحر تتلاطم مواجه ياعــــرب = لكن ببحر فى بحور الشعر جود
باكالف الامواج فى وسط الغبب = امواج تــــتلاطم تزوع بالكبــود
والكنش والمرشون لشتد الغظب = بضرب على كل من تعداعل حدود
مانورد الا عاكرع صافى شرب = لي من مناشيها تنزله الرعود

[مجمل]

يامرحبا بالقول من شاعر كتب = ابيات فنيه تأثر فالوجود
قولك بغيه قال شاعر من مصب =خرفي عسل جنوة صرر ذي بالحيود
شاعر اضن عالكتف عندك كم رتب = ذا شعر ماضنك مجند فالجنود

[معبد]

مرحيب بك ياراس عالى منتصب = هذى شهاده منك ياخير الشهود
ابيات توزن فى ميازين الــذهب = من سيّد الشعار يوفى بالــعهود
سلت على خاطر بنادم مغــترب = صبحه وليله ماتهنى بالرقــــود
والحضرمى دايم حياته فى تعب = مايعرف الراحه مكبل بالقيود

[سبع الليل]

يامرحبا بابيات مطليه ذهب= من عند شاعر باترفد عالسنود
يوكل من التفاح وحبوب العنب=ويقسم الزايد لحراس الحدود
ماجاب لي خشبه ولا دغشت كرب=بت جاب لي بترول من صحراء ثمود
الله يعينك عالمقالب والعقب=ياالي قريت الفاتحه وعمى وهود

[مجمل]

الحضرمي شاطر وعمره مانهب = لالفله قرشين لرضه بايعود
في ذا البلد كل شخص ملقيله سهب =الله يعز ديره حكمها بن سعود
بعض العرب في لرض فالعيشه حنب =ماشي فلك من بعد ماجونا الزيود
كل ماطلعنا حسر جينا في مطب =كنا نكافح فالتصدي والصمود
فرجت وقلنا راح ماوقت النشب =جات الطواهش هي ويا غربان سود

[معبد]

اخوانى الاعزاء سبع الليل ومجمل شكرا لكم على تشجيعكم وبارك الله فيكم اخوه اعتز فيكم
وبنسبه للرساله اخى مجمل بكل اسف لم اتمكن من قراءتها واعتقد ان السبب لانى مشترك جديد
لايحق لى استخدام الرسائل الخاصه الابعد خمسين مشاركه ....تحياتى .. وياليت تبدوا بفصل جديد
تقبلوا خالص تحياتى ...اخوكم معبد