اقتباس :
المشاركة الأصلية كتبت بواسطة يمامه
[ مشاهدة المشاركة ]
|
السما مغدره والجـو شيلـوب بـارد =
والمطر منهمر والرعـد زوّع جبالـه =
دفّني دفّني من بـرد والذهـن شـارد =
ياعمر بن عوض رمز الوفا والبساله=
برق رفّاف والمنشي على الراس جامد =
خارعه والغوارب دحن ياطـم حالـه =
جاشت الارض وانجاشت وماجت تكابد=
تخمة السيـل ياحيّـه وحيّـا زلالـه =
لازب الطين بعد القحط والزرع واجـد =
والزهر نابته والمشر حـوّف جوالـه =
منّة الله من لدنه لـه القلـب عابـد =
أحمده وأشكره بالجود عـزّة جلالـه =
والبشر كلهم مابيـن راكـع وساجـد =
راجي المغفره في الخير يسبح خيالـه =
والذي أزّه الشيطـان كابـر وجاحـد =
واعتنى للفتن والشر مطلـق عقالـه =
صدره الجمر ذي مرشون بين المراكد =
والمحيّا يحاكي لـون قاعـة دلالـه =
ياعسى الكيد يفجر قلب من كان كايـد=
لاجهنم يرد مرفـوض حتـى سوالـه =
والمحبين في الجنّه لهم خيـر راغـد =
زين لعمال والايمـان فيـه الجمالـه =
كلمة الصدق ختم القول والله شاهـد =
عاليمامه تحب الصدق تعشق مقالـه =
|
يمامة غيمة مطرها غلا وعشق للصدق والمحبة لاهله , يمامة حلا 0000 والحلا كل شي ينتمي منها وفيها , ماخذه كل الحلا بطيبتها
لش تحية وكل المشاعر الصادقة من الخفوق اللي يعشق الكلمة , والطيب فيك كنّه عود فاح نده ع السقيفة 0 مطر مطر , شكرا ياليعربية0