11-11-2012, 01:04 PM
|
#191 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 11/11/2012م ( بعنوان )
من جعدها سلموت بو سعفه عقد متزقلات=تنعش بتاج الملك عاالمسرح امام الغاويات الطبل في المسرح يحن هنوه لكن ياالمروسات=تفرح لهن من راسها ( فلفل ) كبر عاالحاسدات عازينة المولى بديع الخلق رب الكائنات=حساد غايتهم تعارضها السنن والواجبات تدني ولا ترفع سلوكيات شينه مكرهات=للركب والسعفه ( ثقل ) للصحب والعشره صفات من قامها وحفظ مراتبها ظفر باالطيبات=دعها لهم تحفه اّثر مونس سطور مخلدات يستنشقون الورد ذي فيها روائح نافحات = ويقرؤون الرعد واّيات الكتاب البينات يانزلت الرحمه عليهم والسكينه والثبات=يا شاطحة لاعمال خلتهم غثاء للذكريات 
من جعدها سلموت بو سعفه عقد متزقلات=تنعش بتاج الملك عاالمسرح امام الغاويات
الطبل في المسرح يحن هنوه لكن ياالمروسات=تفرح لهن من راسها ( فلفل ) كبر عاالحاسدات عازينة المولى بديع الخلق رب الكائنات=حساد غايتهم تعارضها السنن والواجبات تدني ولا ترفع سلوكيات شينه مكرهات=للركب والسعفه ( ثقل ) للصحب والعشره صفات من قامها وحفظ مراتبها ظفر باالطيبات=والصيت والشهره وزين الفعل خلد ذكريات ( الجود هذا ) والفساله ذيك هي والسيئات=( والعشرقه هذه ) وطناز العشارق في النبات له غيث يتهطل وله مروس فروعه ناترات=ذا ( رابيا يعلوا جفاء يذهب ) مكارم عاليات وذاك يمكث في تخوم الارض فيه المنفعات=ضربت لنا الامثال نزلت في خطوط مسجلات ليل السقيفه باالكواكب والنجوم الزاهرات=زاهي ولا با ينطفي نور الوجوه المسفرات فوقه درك ورجال وحراسه حروف مسطرات =فيها الرياضه والادب فيها مناهج واجدات وحنا لحب الخير مانهمر مكاوي حاميات = تعلا السقيفه واهلها علو الجبال الشامخات ولا شكيمه تنكسر فيها دروع محصنات= ومن ختار الهينه لسنا من اهل الهينات والنصح والتذكير رحمه ينطعم سكر نبات=والقلب رحمه والضماير طيبه هي والنيات ماجيت ليكم ناكس الطربوش ياالباكربشات=مدنف ونتطلب رضاء تغلب رواسي نايفات بل جيت من نهر النبي نسقي الحلوق الضاميات=نشرب وود الطيف والصاحب موارد هانيات والركب والعشره ثقيله عند محمود الصفات=من باع عشرة عام في ساعه ضوته اللايمات النصح حالي وان تكرهون العسل والحاليات=حبالكم برقابكم مثل المسد متمكنات والحوض ذي منه شربتوا في السنين الماضيات=عفتوه ياخلوا العقاعق باالطرب متسليات لاغنت الوحده على الرده وصلن الثانيات=وخططوا صيلع ونسره باالزلل والمخطيات ياطست باحاوه ومقدح باجبع والقاصرات=ياالغيل والغيال والشرقي حسر متغلقات ( لا الدين يرضى به ولا السنه ) امور محرمات=ولا كذا طبع القبائل والشروع الوافيات تمر (اللثب ياالعار ) يامهدي لدرب الصائبات= والعقل تاج الادمي عند المصايب والشتات نخاطب الجاهل بلين القول هو والمحسنات=دعها لهم تحفه اّثر مونس سطور مخلدات يستنشقون الورد ذي فيها روائح نافحات =ويقرؤون الرعد واّيات الكتاب البينات يانزلت الرحمه عليهم والسكينه والثبات =يا شاطحة لاعمال خلتهم غثاء للذكريات |
||
|
التعديل الأخير تم بواسطة حسن محمد سالم باقديم ; 11-12-2012 الساعة 09:34 AM |
|||
|
|
11-12-2012, 09:15 AM
|
#192 |
|
حال نشيط
|
يامن خزاينك لاتغلق ولا تختلي = عبدك بغا الخير وبغا العافيه والسكون
وبغا صلاح العمل والشان في كل شي= يامن اذا قلت كن كل شي باامرك يكون وكل شي باامرك وتقديرك لنا ينقضي=ياقاضي الحاجه اجله همنا والحزون نسئلك بااسمائك الحسنى وباالاسم ذي =موسى فلق بحر به وتفجرت له عيون وتعمر الكون به اخره والاولي=حتى جرت به في الغبه وساع الخنون الملك لك والثناء والحمد يامعتلي=حمداً جزيلاً يفوق حساب ذي يحسبون ثم صلاة الله وسلم على الهاشمي=عد الحجر والشجر والقطر هو والمزون من غيث صباب له راعد وبارق قوي=شرب الهناء فيه من حيث الضماء يشربون عاحيث ماالحال يتحفظ حديث النبي=يد الكرم باتناله حيث ماهو يكون ذي عاهدوا الله باالاخلاص في كل شي=انعم عليهم وامنهم كما المؤمنون بافكك قيود ملويه ولا باشكي=القيل والقال مافاد الذي يشتكون باقول يانفس طيبي في الزمن واصبري=كل من صبر نال يابخت الذي يصبرون دنيا الندم كدرت عاكل خاطر سلي=قل للسليين حسفه يوم تتكدرون ويوم مانظر لكم وادي ومرعى مري=المشط ذي فيه ينفع عود جاوي دخون هذا الذي شق عليه في الزمان الغثي= ولا الطرب ذي معي منه تغيب الذهون ومعي هويه وهاجس للمعاني قوي=يخرج اللؤل من تحت الغبب والدفون فاحت معي يوم عاد الدندنه تهتوي=واهل الغناء والدرافه يرغبون الفنون واليوم قلة وقل الصفوا ذيهوا معي=ظهرت صفف ثانيه شعار مايهتوون عسى برحمه من العين الرحيمه تجي=يصلح بها الحال والعوجان يتسمحون قال السمح رزقي ميسر ودربي بتي=لا فيه شخره ولا غبره حفت كل نون والختم صلوا على طه الحبيب النبي=عد المخيله وعد سبالها والمزون |
|
|
|
11-12-2012, 09:51 PM
|
#193 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 12/11/2012م
ذي قال لي شفيت عاالعقبه تعديت السنود=
واليوم داخل شبو متربع وشهدوا لك شهود= يعيش وتعيش الضماير ياالاسد ابن الاسود= مافي الضماير بيع وشراء عن غريسين الجدود= التبر في معدنه والجاويد باالجوده تجود= والصدق صدقه من صدق يكرمه خلاق الوجود= يالله عساني كون متربع على زين العمود= للعدل والانصاف ذيهوا يرضي الحق الودود= وعلى التراحم ذي يصون الركب ويعز الوفود= والطبع واللهجات جم مالي بلهجات الزيود= لهجتي من لهجتك والجهمي مزقل في العدود= صب المطر من رحمة المولى يقشعرن الجلود= سهم الضعاف المؤمنين الليل والامه رقود= والحاس والحساس من يرعاه رحماته تذود= جور الضماء يغصبك ترحل لاهماليل الرعود= عقده تساورني كما ميساور الغصب الشدود= مكسور خاطر والدمع جرح دفافي والخدود= نزاع مابين الكرى والعين ماذوق الوهود= وميول للخلوه على خاطري وفوادي تسود= حبيتها حب السباعه للمغاره والاسود= خلوة بكاء لا شد وغاها عاعظامي والجسود= طهرت وصبغت الوضوء فيها وطولت السجود= قال النبي يااتي زمن كله فتن وسنين سود= يهرب بدينه المرؤ منها لا شناخير الحيود= ظهر البسيطه جرح من فعل النصارى واليهود= ومن الربيع اليعربي والقتل والنهج الدود= |
||
|
التعديل الأخير تم بواسطة حسن محمد سالم باقديم ; 11-13-2012 الساعة 06:53 AM |
|||
|
|
|
11-15-2012, 08:54 PM
|
#194 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 15/11/2012م ( بعنوان )
تصيح القبوله من ظلم جم وذلال ومهونه=اهانوها الخلف بعد السلف والاصل يدنونه صبر ياقلب كابد قدر كم من وعل بقرونه=وفاء لااهل الوفاء والموت قد يقصرك من دونه
مناهل تطرب الانسان من وحناه وشطونه=وتبقى خالده من خلد الحكمه يذكرونه
شعاع الشمس لايمكن عباد الله يحجبونه=ولايمكن نزيل النوب والحلبوب من كونه وللثابوب جنوه والزبد له ريش بغصونه=وللمقهى مئة فاشل وكذابين يضوونه وله ارباب باالحق واتباع الهدي يااتونه=عمارة كون وشرايع لمحق الهزل مسنونه لكل منبر زمر وارباب يرعونه ويحمونه=وقرقار الرشب مذهه على ذيهم يمزونه وباالمضاغ عاالكربوس مذهه بهذل اسنونه=مكاره من تبلته المكاره يسقل افنونه يمز حمي ويمضغ عود في المقهى يروحونه=وله بنه تسمر راس ذيهم مايحبونه وقرقار الرشب له ناس في المقهى يحكمونه=ومزازين تسمع للرشب من بعد حانونه كما المدروف يتقطب الى قصبته مدهونه=ولا قام المواثر واجتهد بخصال مزيونه وله وعليه خذ واعطى السوى والحق قانونه=غدوا خلف الستاير رشق والصادق يرجمونه اذله ضعف لاحقاً ولا صدقاً يرومونه=خساره فاذحه عاالاسم حسفه ذي يحملونه تصيح القبوله من ظلم جم وذلال ومهونه=اهانوها الخلف بعد السلف والاصل يدنونه صبر ياقلب كابد قدر كم من وعل بقرونه=وفاء لااهل الوفاء والموت قد يقصرك من دونه |
||
|
التعديل الأخير تم بواسطة حسن محمد سالم باقديم ; 11-15-2012 الساعة 11:40 PM |
|||
|
|
|
11-16-2012, 04:21 PM
|
#195 | ||
|
المشرف العام
 
|
لله درّك كلام وافي وشافي !! وأؤكد لك هنا ولكل محبي هذا الصرح الشامخ بإن سقيفتنا العامره ستظل وعلى الدوام بإذن الله عامره ونيّره بنجومها ومبدعيها !! جمعه مباركه ياعميد !! |
||
|
|
|
11-20-2012, 07:05 PM
|
#196 |
|
حال نشيط
|
هذه الابيات ل حسن محمد باقديم حررت بتاريخ 19/11/2012م
من المسؤول غزه تحترق قولوا من المسؤول = سؤالي لااّمة الاسلام بنشدها وبسئلها
اجيبوا عاسؤال السائل القائل بصدق القول = اجابه في صراحه تغني السائل وقائلها منازل بااهلها في الارض دم يسفك جرائم هول=من المسؤول وسرائيل من للقتل يئهلها صياح الارمله والبنت يوحش والبري مقتول=وليدة سته اشهر من هو المسؤول قاتلها مجازر داميه غزه تعاني شعبها معزول=اجيبو من فرق غزه عن العالم وعازلها اجيبي يااّمة الاسلام وين البذر والمحصول=ربيعش يعربي او عند غزه مايحصلها وترك اخوانكم للقتل موقف يعتبر مخذول=واّمه ماتناصر جارها الله يخذلها ضعاف الحول والقوه سجين المعبر المقفول=يعاني والمعابر ساع نفتحها ونقفلها لغزه مخرجا من كل ظالم في وطاء ونزول=دماء ودمار ومجازر تروع في منازلها قطاع الصامده دامي جرايم بثها منقول = مباشر عاالهواء ووسائل الاعلام تنقلها فيين الفيس بوك اليعربي والهاتف المحمول=ضمائر صامته باالعار والائم نحملها رمس ثوراتها وربيعها عصفاً صبح مأكول = لها ركلة حطب في جيدها والنار تؤكلها عروبتنا جريحه والمحيط اليعربي مخذول=واّمه ماتناصر جارها الله يخذلها |
|
|
|
11-22-2012, 06:58 PM
|
#197 |
|
حال نشيط
|
هذه الابيات ل حسن محمد باقديم 22/11/2012م ( بعنوان )
راس السنق تكسير شي مفزع يقشعر باالجلود=حرج الاضاحي ذنب والداحس لعب بجلودها عودك وطربوشك معا باقيس ضياف الوفود=والكوس في تابوت ناجه من هزيز اوفودها وصناعة الكافر في الغابات لعبة باالاسود=كم من مغاره محزنه عانمارها واسودها
بين الزيانه والشيانه فرق جم ماله حدود=والله يهدي ناس زلت نهجها وحدودها
قرص البغيه يرتغب والشخص ذي هرجه يقود=يبلغ مقاصيده واّمه من وراه يقودها ياقائد الشرطه وجيش الباديه ماني حسود=ومولى الكزابه ماسلم من ( غل لها وحسودها الظاهر اني بترك الشوله وبحطب كل عود=برجع على الموقد وفاسي مانصل من عودها بشرب من القربه وكاسات النصارى واليهود=يالله لها نفاخ يمحق صنعها ويهودها وصناعة الكافر في الغابات لعبة باالاسود=كم من مغاره محزنه عانمارها واسودها من جورها شي من ثمي يسقط وشي فوق الكبود=مثل الحزز في البطن يوجعني تحوش كبودها ربي يمحص قبل يوم الجمع خلاق الوجود=مامعي طرب من هذه الدنيا ومن ماجودها هذه طريق الجنه الخضراء وذه نار الوقود=الله يسلمنا لظى نيرانها ووقودها لاشفت مغروم الدسم واللحم رويته اللحود=وقلت له تجني ثمرها لاضويت لحودها والوعد والكلمه ثقل عند ذي يصدقون الوعود=عهني صبح منفوش مانقدر صدق بوعودها تبراه من لبيك ردة صوت في شنف الحيود=بفحم على السبره وبقبس من صروف حيودها حبحبي قر ياحال مرخه ريت كل ماضي يعود= من تمرها ذي ماتفطر صيم ماباعودها راس السنق تكسير شي مفزع يقشعر باالجلود=حرج الاضاحي ذنب والداحس لعب بجلودها عودك وطربوشك معا باقيس ضياف الوفود=والكوس في تابوت ناجه من هزيز اوفودها ربي يمحص قبل يوم الجمع خلاق الوجود=مامعي طرب من هذه الدنيا ومن ماجودها |
|
التعديل الأخير تم بواسطة الجويد حسن باقديم ; 11-22-2012 الساعة 08:45 PM |
|
|
|
|
11-25-2012, 12:16 PM
|
#198 | ||
|
شاعر السقيفه
|
أخي وعزيزي وستاذي : الجويد حسن باقديم المحترم اولاً ارجو من سيادتك العفو عن التاخير في الرد بخصوص مدحك لي وإضافة قصائدي إلى صفحت استاذنا وعمدت الشعر الحضرمي الاصيل والدك حسن باقديم ثانياً اخي العزيز إنمانا قطره في بحركم الغزير ،÷ وتلميذ في الصفوف الاولى من مدارسكم العريقه ان صح التعبير ولله لااملك خلاف الشكر الجزيل وعظيم الامتنان لك على هذا الاطراء الجميل وعلى اسظافتك للقصائدي التي بحد ذاتها لاتمثل شي البسيط عند قصائد استاذنا الغالي حسن باقديم ولا اخفيك انهو لمن دواعي سروري ان اكون في متصفح الاستاذ حسن باقديم وهذا بحد ذاته شهاده لي اعتز فيها وافتخر بوجود اسطري البسيطه بين اسطر العميد التي طلما حلمت ان اجاريه ولو ببيت شعر وهاهيا تحققت أمنيتي والحمد لله وهذا بفضل ربي ثم بفضلك اخي العزيز : الجويد حسن باقديم وفي الختام اسمحلي على الإطاله والسموحه على التأخير في الرد وسبب المشاغل يالغالي وشكراً لك وللاستاذ حسن باقديم |
||
|
|
|
11-26-2012, 01:00 PM
|
#199 |
|
عميد شعراء سقيفة الشبامي
|
الشكر والعرفان للاستاذ الصحفي رياض باشراحيل وعلى مرور الكبار وهذا عهدنا بهم معا العلم لم ادري بوفاة شاعرنا الكبير يسلم بن علي باسعيد الا هذا الوقت من هذه الصفحه ولقد ارتجلت تلك الابيات مباشره رحم الله الشاعر الكبير يسلم بن علي باسعيد واسكنه فسيح جناته هذه القصيده ل حسن محمد باقديم
من مات نبكي عاوداعه ياعماقين احزني = وحنا مثيلش محزنين
وسعاد كاسيها الحزن مثلش وارض المفلحي=والبنط هو والساكنين الحزن خيم عاالثقافه والمنابر من بطي=وعلى الادب والناقدين وان قلت لا ياعين لاتبكين سالت دمعتي=لاذكرتهم في كل حين بكتني الفرقه فراق المفلحي والهاشمي=ماهو في الخاطر هوين راحت قناديلي علي الاثنين والثالث طفي=غدراء على الحد الزبين ( وادي ثره ) محزن على شاعره يسلم بن علي=والصبر زاد الصابرين الفن والشعر انخدش خدشات جم ماهي شوي=بعد الثلاثه الراحلين والمسك غلق لا ربع باقي ولا نصفه بقي=ياحزنكم ياالتاليين |
|
التعديل الأخير تم بواسطة حسن محمد سالم باقديم ; 11-26-2012 الساعة 06:25 PM |
|
|
|
|
12-16-2012, 08:23 PM
|
#200 | ||
|
حال نشيط
|
قصيده ل حسن محمد باقديم مهداه للخليفي الهلالي حررت بتاريخ 16/12/2012 بعنوان
ذكرتني ياالخليفي باالوضم والقدح = والصرم ( والقرص والمجمر ) وروس الصبار مغلأ البداوه ومغلا بابها لانفتح=خصالها طيبه تلحق بطول العمار مافي الحضاره نسم خاطر ولا شي مرح=كل من عرفها خرج حنقان ظهر النهار عفت المدينه وشوقي للبداوه طفح=مثل المواج القويه في غزير البحار ودي صبح في مراعيهم برجلي رزح=لابغيت ( زيزو ) ولا صالون في اكس اّر
اتسمعوا قول من شاعر كلامه ذلح = مثل العتوم القويه يوم تجري سبار
ياالمعدن الزين في الميزان قدرك رجح=يشهد به الله ذيهوا منطلع باالسرار حقك ولك سر يسري في الحصون انطرح=وديار زينه لها صيت العلأ في الديار جاني كلامك وانا في بحر طامي سبح=مانام في الليل لادرت الفكر والفكار عيني على الخاطر المكسور يوم انجرح=والعين لاخرى على الموطن وغلي السعار مابه سخاء للتعب هذا ولا للجلح = يكفيه كل ماوقع له بهذله يادمار فروا عياله وراحوا في الجزيره سوح=واتجروا داخل الغربه وصبحوا تجار حد في كروزر صبح يمشي وحد في شبح=من غير ذي هم بجاوه طولوا في السفار وبلادهم صوتها حنان حتى انجدح = ولعاد يخرج من الحلقوم يدوي سبار والناس قدهم من أهموم المشاكل ضبح=ذي كان حاله مدي مااليوم بسباس حار لعاد يقبل سلآ خاطر ولا يحب مزح=يدحق وهو لا يفكر في العشاء والخصار ذكرتني ياالخليفي باالوضم والقدح = والصرم ( والقرص والمجمر ) وروس الصبار عفت المدينه وشوقي للبداوه طفح=مثل المواج القويه في غزير البحار ودي صبح في مراعيهم برجلي رزح=لابغيت ( زيزو ) ولا صالون في اكس اّر مغلأ البداوه ومغلا بابها لانفتح=خصالها طيبه تلحق بطول العمار مافي الحضاره نسم خاطر ولا شي مرح=كل من عرفها خرج حنقان ظهر النهار ذي صوبها في الجسد مابعد تباخر وصح=لاقد ذكرته زعل نومي وعلأ وطار وذي من الله وقعه عاالخواطر فرح=ولا اعتراضات عاحكم القضاء والقدار حظك الى نام نم عنده ولا قد سرح = شمر سواعدك وسرح وانتبه للمثار |
||
|
التعديل الأخير تم بواسطة الجويد حسن باقديم ; 12-16-2012 الساعة 09:19 PM |
|||
|
|
 |
| مواقع النشر (المفضلة) |
|
|
|
|
العرض العادي
