مجـــــــــــلس: عميد شعراء حضرموت,المقدم الشاعرحسن باقديم للشعر الشعبي؛؛؛؛؛

[حسن محمد سالم باقديم]

اقتباس : المشاركة الأصلية كتبت بواسطة الخليفي الهلالي [ مشاهدة المشاركة ]

طاب وقتك يالمقدم الجويد يا أبن المقدم وهات ذي في كورك بالسمر والدنيا لخلاقها يالجيد يابن الجيد الليله شفها جمعة وعيد؛؛؛؛؛

السهر ماهو محمول يابوجمال ومنهي عنه النوم اول الليل نعمه وصحه

[الخليفي الهلالي]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

السهر ماهو محمول يابوجمال ومنهي عنه النوم اول الليل نعمه وصحه

صدقت يالمقدم حسن باقديم

ولكني شاهدت مداخلة المقدم الجويد بن حسن بعد العاشره والنصف مساء وقلت بالتسمّر ما قلت بالسهر

حياكم الله وسامحوني على التقصير؛؛؛؛؛

[حسن محمد سالم باقديم]

المعذره عندي الوعاء مشعوق = والحال والخاطر منكد

لي عوده معك ومع الضيوف الكرام

[الخليفي الهلالي]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

المعذره عندي الوعاء مشعوق = والحال والخاطر منكد لي عوده معك ومع الضيوف الكرام

في أنتظارعودتك يالمقدم والعفو لاشي فتر من طرفنا؛؛؛؛؛

[بن احمد]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

المعذره عندي الوعاء مشعوق = والحال والخاطر منكد لي عوده معك ومع الضيوف الكرام

وانا يعذبني كثير الشوق=ودي بمقيل او بمقعد
يابو محمد يارفيع الذوق=خل كل من حدّر وصّعد
ارفع يدينك للذي هو فوق=بيحل لك لمر المعقّد
لله حقوق وللعباد احقوق=من ساير المسعود يسعد

[حسن محمد سالم باقديم]

اقتباس : المشاركة الأصلية كتبت بواسطة بن احمد [ مشاهدة المشاركة ]

وانا يعذبني كثير الشوق=ودي بمقيل او بمقعد يابو محمد يارفيع الذوق=خل كل من حدّر وصّعد ارفع يدينك للذي هو فوق=بيحل لك لمر المعقّد لله حقوق وللعباد احقوق=من ساير المسعود يسعد

صباح الخير وايامكم جميعها خير الشيخ اوعض وتذكير وابيات في غاية الجمال والروعه

المعذره عندي الوعاء مشعوق = والقلب والخاطر منكد
يلحمه ربك خالق المخلوق = ولحام خلقه ليس مقصد

[حسن محمد سالم باقديم]

ياذا المغني حماك الله من كل شر =
من صوتك الزين حبيت السمر والسهر=
ولا السهر من فعاله قد عيوني بشر=
مانام بعض الليالي عبر الليل جر =
وسنين ترصف على السالي كدر ياكدر=
حتى حلاها في الحلقوم والاثم قر=
ولعاد شي زين نظفر به عبر ماعبر=
وعبرت اسنين زينه سرت الحال سر=
مااليوم كل شي تبدل والكلام احتزر=
والطير ذي كان يرتع عاغصون الشجر=
هلت عليه المناطب مد ريشه وفر =
من بعدها قال مولى العقل هو والبصر=
لو بالحق لول ولا تبر صافي حمر=
معاد خارج من العاشق صور بي صور=
عاشق عمي لا معه فكره ولا معه بصر=
نافخ رياشه ومتحكوي وعشقه عور =
ريته مفتح وبايظهر من البحر بر =
ياطير حوم على الاودي ووادي عمر=
وعلى النفانيف ذي ربت وعول النتر=
والحصن ذي كن راسي من سبال المطر=
وان جوك ذي قاربوا الزهره وسطح القمر=
ذي رزقهم والمعيشه من فتن ياضرر=
ماشي بخراط عرقه طين ولا مدر=

[حسن محمد سالم باقديم]

وين الخليفي وين الواقعي وين الضيوف الكرام

[حسن محمد سالم باقديم]

شيبه ولا بذن لحد في زير= اذن على راس المناره
ماباسعف للوم والتقصر = بمسي على دكمه وقاره
وادي خرد عندي كما كشمير= والهند منوى والصداره
لا قضيت حاجه عاالقدم باسير = مزكوم من ريح السجاره

[الخليفي الهلالي]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

شيبه ولا بذن لحد في زير= اذن على راس المناره ماباسعف للوم والتقصر = بمسي على دكمه وقاره وادي خرد عندي كما كشمير= والهند منوى والصداره لا قضيت حاجه عاالقدم باسير = مزكوم من ريح السجاره

الميّت معد يسمع القروح يالمقدم بارك الله فيك؛؛؛؛؛