ماليوم قال شاعر بازر الحبل زر**وباشتت بك يالنسيم من الدنيا شتات

[حسن النعماني]

بدعيك يالله يارب البشر=يالواحد القهار ياخالق السبع المتعليات
انت مالك القضاء هو والقدر=وتعلم بالامور الظاهرة والخافيات
والفي صلاتي عالمختار سيد البشر=وآله وصحبه فالعصور الماضيات
يالمعتني شل خطي مثل لمح البصر=وبلغة لاعند الخوه فالمملكه والاماارت
بلغه لاعند اهل المعاني والفكر=لاعند ذي يحلو الشدايد المعضلات
لا عند بو فيصل ذي يحصل وقت العسر=وبوراضي دائم شروعه وافيات
قلهم بغينا خبر في ذي قد صدر=من كلام الناس شوني ماضلي وباات
وحلان في وحلان من ذاك الخبر=ذي قد صدر من عند خبيثين النيات
شرعي وفي قال شاعر ماقصر=بالوفاء والطيب شروعي وافيات
يالحاسد الشاني وصلت لاحد الخطر=وتعديت حدودك ذي مبينه بالبيانات
كنت احسبك وعدك كما عشره نفر=وكنت مسجلك في اول القائمات
ماليوم قال شاعر بازر الحبل زر=وباشتت بك يالنسيم من الدنيا شتات
كم وكم قد نصحتك وقلت لك خل القور=ولكن ماحسبت للاخرة والاولات
باجيبك لنت في المملكه او في قطر=باجيبك يالنسيم لنت بدجله والفرات
وباجيبك لنت ساكن على سطح القمر=باجيبك قبل ماتشرق عالحيود النايفات
درس وضعك ياصاحبي وفكر وافتكر=شف لسانك باتهوي بك فالهاويات
هذه عبره وانت يالنسيم اعتبر=قبل مانحاصرك من كل الجهااات