مساجلات الزامــــل الشعبي

[خالد بن قاسم]

العفو منكم ماشفت الفصل الجديد

[ابو صقر..]

قل بو صقر يالجاويد ماليوم حله=كل واحد عرف صاحبه والفي طليبه
لا تقولون هذا الدرب بالله من له=بانجيبه رضا ولا يجي بالغصيبه

[طالب النعماني]

مرحبا قول من شاعر وصل قبل حله=يبدع اقوال للشاعر زينه رهيبه
يالمحبين من حصل رفيقه يشله=لايخليه تلقفه الطيور الغريبه

[خالد بن قاسم]

قال بداع يامنهو رجوله تشله=يقطع المرحله من شرقها للمغيبه
بايدحق على لقدام لاعند خله=هكذا للمحب مسموح يلقا حبيبه

[طالب النعماني]

قل لخالد كلامك زين ماشفت مثله= من من الناس في ذا الوقت يقدر يجيبه
ريتني إلا سعيفك كون في كل رحله=رب يارب حقق لي التماني قريبه

[بازراره]

من بدا شان له في حين بتسير رجله=عالبعيده بيوصل لاعزم والقريبه
والمفاتيح بيدي قال زبن المقله=داهل الجود ساكن في حصون الجريبه

[خالد بن قاسم]

ياصحاب الكلام الزين ماحد يمله=من معه موهبه بتكون حضه نصيبه
لادخل سعف كمن جيد ماحد يزله=كلهم بايحبونه شبيبه وشيبه

[الجوهي*]

ذاك في ذمة المولى وقلبه يدلّه=من معه قلب صافي صدق مافيه ريبة
والذي هو مكفن داخل القلب غلّه=مامعه عيش في الدنيا حياته كئيبة

[بازراره]

قل لخالد وطالب لي سناتين هله=تابع اخباركم لبغى لقود الكتيبه
جاهدو جاهدو كلن بيرجع محله=والعتيبي بيرجع لاصحاري عتيبه

[خالد بن قاسم]

ريتني سعف بن نعمان ياخير رحله=من دعاء صوت عا الثاني قبل يستجيبه
خلنا لتفق تحت الحيود المظله=حيث حب العنب لادال يرجع زبيبه