مجـــــــــــلس: عميد شعراء حضرموت,المقدم الشاعرحسن باقديم للشعر الشعبي؛؛؛؛؛

[حسن محمد سالم باقديم]

وهزينا شبابيك النوادي ( فوز ) يتقاطر=
وسجلنا بطوله فائقه بصماتنا تشهد لها الاعيان=

[حسن محمد سالم باقديم]

ومن قسم الرياضه والشباب الكتبن الماهر=
يوانسني في المجلس محمد نور عاش الكبتن الفنان=

نعتذر من الكبتن لي عوده معك ومعا نادي الاتحاد
العميد ودعني اكمل البدع والموضوع ليكون الهدف واحد
في صلب موضوع واحد

[حسن محمد سالم باقديم]

ميول القلب عندي زاد جم للغائب الحاضر=
سعوفي ولفهم يمسي ينازعني نزاع الريح للاغصان=
محبتهم بنت في وسط قلبي والحشاء دائر =
محبه ماكنه ماتمتحي لما يداهمني قضاء الرحمن=

[حسن محمد سالم باقديم]

خرج ذا فصل زاد الولف جم في القلب والخاطر=وليفي غاب والمجلس مغدر من غيابك ياقمر شعبان
يساورني القلق والشطن بين الحين والاخر=مليك الجسم عا ولفه في المجلس يحن والبدر مبعد بان
كما غيث الربيع الهجس يتقطع معا الشاعر =وهذا سالف الدنيا فرح ولا طفش ياالواقعي واحزان
ميول القلب عندي زاد جم للغائب الحاضر=سعوفي ولفهم يمسي ينازعني نزاع الريح للاغصان
علي غابوا وخلوني ضحية ولفهم ساهر= يهاجمني غزير الشوق والالفه عنيه تتعب الانسان
محبتهم بنت في وسط قلبي والحشاء دائر =محبه ماكنه ماتمتحي لما يداهمني قضاء الرحمن
بصحبة خير ذا تاجر وهذا باالبقش تاجر=وانا عاالاوله ثابت ثبوت الشمخ الاوتاد في الوديان

[حسن محمد سالم باقديم]

لاياقمر شعبان اعط النفس عاكل ماتمنت=ولاتخليني مسمسر في الحراره والوقيد
لاجيت لاعند الحدد قالوا شفارك ماستنت =وخلوا الجزار يلعب باالحناجر والوريد

[ملك اليمن]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

لاياقمر شعبان اعط النفس عاكل ماتمنت=ولاتخليني مسمسر في الحراره والوقيد لاجيت لاعند الحدد قالوا شفارك ماستنت =وخلوا الجزار يلعب باالحناجر والوريد

ذكرني يا بو الجويد فصلك أعلاه .

بقول لعمك الجويد رحمة الله عليه .

في سمره حضرها خوك حمد والمغني با رعيده

قال عمك الجويد قول شبيه بفصلك أعلاه قال فيه :-

( ما تحصل خير من إنسان دائم يطلب الشر = حاط يده عالحناجر والوريد )

[حسن محمد سالم باقديم]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

ذكرني يا بو الجويد فصلك أعلاه . بقول لعمك الجويد رحمة الله عليه . في سمره حضرها خوك حمد والمغني با رعيده قال عمك الجويد قول شبيه بفصلك أعلاه قال فيه :- ( ما تحصل خير من إنسان دائم يطلب الشر = حاط يده عالحناجر والوريد )

حياك الله يابوحسن وللتصحيح المدرف احمد بارعيده ورحمة الله على العم الجويد باسالم باقديم شاعر لايشق له غبار غابوا الرجال وللعلم في سبع ذي الحجه نهار باتصبح السبع باغتوني وانا في المكلا بوفاة العم عمر بن سالم باقديم ربنا يغفر له ويرحمه وسريت نص الليل من المكلا وحضرنا الواجب وتحركت الى المكلا وحين وصلت المكلا يوم الجمعه العيد باغتونا بوفاة صهرنا احمد عبود بابراهم وتحركت نص الليل من المكلا الى رحاب ربنا يغفر لهم ويرحمهم ولعاد حد من الاولين الشيبان ذي مجالسهم مدارس ومنافع انا من الاشخاص ذي يحب مجالس الشيبان انقرضوا والمجالس عليها الطاويه والتراب الحمدله والشكر له وخلفوا خلف صفه جديده تنصلوا من عوايد وذبور اهلهم خلها في الغموش معاد شي يعجب


وهذه ابيات لي من ضمن قصيدة طويله

يافقدكم ياهل الخبه عاباعشن والكوب لاحمر=
وعلى المحابي والرشب والوصف وظلال الجدار=

وهذه القصيده رثاء في العم عمر باسالم سويتها ورثاء لااحمد عبود بانكتبه ان شاء الله

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

هذه القصيده مرثاه في المرحوم العم عمر بن سالم عمر باقديم رحمه الله واسكنه فسيح جناته حررت بتاريخ 7ذي الحجه 23/10/2012م في سبع ذي الحجه وصلني علم من دوعن حزين= من ( شبو ) سنحي من مغارات الاسود الكاسرين= صبح به العاني عليه قبل خت يوشع تبين= بوفاة بن سالم عمر نعم الرجل بوسالمين= باغتني المرسول بغته باالخبر في طين حين= وانا من البغتات مسقوم المعايش من سنين= ( بغتات تتواتر ) علي من مالك البحث الزبين= خلت عظامي مثل عود الراك وركيك العظين= بكيت واشتقيت عافقد الجمال الموشرين= وحمدت واسترجحت له باالحمد رب العالمين= ذا امر من رب السماء محتوم عاالناس اجمعين= بكيت فوق القبر ودعيت المهيمن والمعين= يجعل ثرى قبره من الريحان والفسحه يزين= روضه من الجنه وداعاً سعف ركب الصالحين= على ثرى بشرون رحمات المهيمن والمتين= عاالسابقين الاهل وحنا عااثرهم لاحقين= راحوا علي الشيبان كل ساعه تجر موزع حصين = ذيهم (مجالسهم )مدارس نافعه ومدرسين = خذته دروسي منهم ودرست عن كم من فطين= موزعي غادر من حصوني والمجالس خاليين= تنعى على الراحل وتسخط عاالبقيه والبنين= راح السلف واّتا خلف بطال ومساره مشين= لاعقل راسخ فيه لا حكمه ولا خلقاً حسين= قنفور ولسانه ذلب فيها تشيب باالجنين= عاالعاقل الحاذق لسانه مذلبه ياغافلين= تبعوا هوى الانفس ولهو العصر والنهج المحين = ومن عوايد اهلهم وذبورهم متنصلين= بكيت وتنحبت عامثواي والكنز الثمين= ياصنصله ياشعب شتنه ياالمحاقي والصفين= وين المجالس والمحابي والحروز الاولين= اّنسي طهم والمشبك المصموم يعبر باالرصين= والحمد له والشكر ملبوس العباد الشاكرين= من مقبرة بشرون رديت النظر عاالنايفين= وعلى ديار رحاب وديار الخبه والقاطنين= والناس بطن المقبره ماهم بحالي داريين= ياالحيد يادكمة شبربر والقصور العاليين= مالي اراء قتمه وقتره عامحيلش والعرين= وسواد جاثم عاسيالش والشعاب المفرعين= مالي اراء منش الصفاء منزوع واهلش ضاميين= قالت خلوا مني الاكابر والرجال الخيرين= من بعدهم بدلني المولى بعالم ثانيين= افعالهم قد زادت السقله نكد ومخازيين= البغض فيهم والكراهيه خوه متقاطعين= والجار ماله عطف عاجاره ولا هم سادين= صبحت مساجدهم رياضه بئس فعل الساكنين= والحسد قاطن بينهم والبغض والحقد الدفين= زرعت عداوه بين اخوه واقرباء متناسبين= وتكاشموا باالشين ذي لا عقل يرضى به ودين= هذا جوابك عاخطابك مختصر للسائلين= قالت ازيدك قلت يكفيني صوابي غامضين= قالت اراء فيك البكاء والدمع زايد والانين= ورحيم تنهج باالبكاء مابين امه قاسيين= يجهل مقامك منهم كلين لاتبقى حزين= تسودهم قتره اذا اتيتهم رحمه ولين= قلته كفى يارب سلم ياامان الخايفين= ولا معي غير الدعاء للاهل كل ساعه وحين= درب التراحم والتسامح من صفات المؤمنين= الله يهديهم ويجمعهم على الحق واليقين= من غض على نفسه رضخ راس الحناش السامين= كرهه بفرحه عند نزع الروح قل للصابرين= باتلحقوها حين ماتضوون لاحفره وطين= والختم صلوا عاالنبي طه امام المرسلين= عدد حنين النوب ذي ملقي في جبوحه حنين =

[حسن محمد سالم باقديم]

ياهاجسي لاتقصر في دعوم الرجال =
حد منهم يحتسب فيده وحد راس مال=
وكل حجه لها قفياه ولها قبال =
ربك خلق للبنادم شمس ولقاء ظلال=
والناس يبغونك الا في محل دوب حال=
ولا بغوا بدوا طول الوقت بين الجبال=

[حسن محمد سالم باقديم]

كرامة سعيد الحضرمي رحمه الله وشاعر لايشق له غبار متمكن اعرفه حق المعرفه وكل شاعر او مهني او شاطر الخ .. الشوايك من الفاشلين تصادمه ولهذا قديم في سمره كانوا ينضرسون منه وليله سروا للسمر في زواج باحكيم وكان باسماعيل وغيره يقول باسماعيل رحمه الله عطونا الحضرمي لاتخلوه يتكلم في السمر وسمعه العم كرامه وفي بداية السمر يقول باسماعيل وهو صبي من حجر


باسماعيل

بعطيك جنبيه ولا كنك طعن = انك قبيلي مكن الطعنه
وان طعنك الا لعفسه لاطعنت بيقولون مطعون=

جواب كرامه الحضرمي

منته كفاء للطعن بت خل الفتن=ياذي تباني ثور الفتنه
من الذي غراك ياسالم ذهن بيني وبينك بايفتنون=
سالم في الميزان حط اربع وزن = واربع وزن تعدل بهن وزنه
من راس شاعر لاتكلم في السمر مايخرج الا هرج موزون=
من اختلاف الوقت في تالي زمن = بدوا العوامر جاتهم زمنه
حتى المنايح عفن مافيهن لبن يرعين داخل شعب مزمون=

[حسن محمد سالم باقديم]

ابشروا ياالضيوف الكرام والمشاهدين بن سامركم شي مننا وشي من التراث وماحصل من بداية المجلس وتأسيسه فهو طشوش ابشروا بنسامر الجاويد
كل من عليها فان تسمروا عاالتراحم وخلدوا للاجيال وانا باشل بدي معكم اخوكم الصغير وحد باالشيط وحد باالشمليط عسى حسن الخاتمه

كلن يشل بده وانا باشل بد =
في شانكم باخلي المجلس يقوش=

العفو من اي هفوه كتابيه