مجلس الدان الحضرمي

[سبع الليل]

يابخت والله من هو عالعداء منصور=ويابخت من خلاء العرب عالحق منصوره
رايته بيضاء عاليه في كل محل مشهور=ماينتسي ذكره ابد وافعاله المشهوره

[خرج ذا فصل والثاني]

اقتباس : المشاركة الأصلية كتبت بواسطة الواقعي [ مشاهدة المشاركة ]

ضيف الاجاويد يضيف مجلس ابوطارق ما يقفله الا الشديد القوي اسمحولي بهذ الفصل والتوفيق من عند الله ذا فصل ريت المحب من صاحبه مجبور= والناس مثلي من الخلان مجبوره عارفك يا الذيب للعشقه بنيت ا قصور=والقيت للزين وسط القلب مقصوره وانا بنيته لمضنوني ثنعشر دور=واعطيت للزين في فن الهوى دوره يا ريته الا معي والعود والمعمور=اوعدك با خلي الخربان معموره

اشعلت يالواقعي في مهجتي دافور=بالنار يضرم وكم يحرق بدافوره
الحب هوسجن كم صمصوم به مأسور=آساد وسط الشبك وقعت ومأسورة

[المستقل]

اقتباس : المشاركة الأصلية كتبت بواسطة الواقعي [ مشاهدة المشاركة ]

ضيف الاجاويد يضيف مجلس ابوطارق ما يقفله الا الشديد القوي اسمحولي بهذ الفصل والتوفيق من عند الله ذا فصل ريت المحب من صاحبه مجبور= والناس مثلي من الخلان مجبوره عارفك يا الذيب للعشقه بنيت ا قصور=والقيت للزين وسط القلب مقصوره وانا بنيته لمضنوني ثنعشر دور=واعطيت للزين في فن الهوى دوره يا ريته الا معي والعود والمعمور=اوعدك با خلي الخربان معموره

تعبير من حب يعطي للمحب ازهور=تعبيرواضح يبان الحب في زهوره
يهدية كل الجواهر كل ذي مندور=كل الدرر داخل الاسواق مندورة
الحب يعمي ويغوي يحتنب في الزور=ياما محب قد حنب الحب في زورة

[الواقعي]

اسمحولي نيابه عن اخي ابو طارق بهذا الفصل
متمنياً له العوده بالسلامه

ذا فصل يا ألشعّار وفّو العهد واوفو بالذمم=واتجنّبو لقوال لي هثمه معانيها ذمام
لازم يكون الحّزر قال الواقعي فوق العلم=في حضرموت الشعّر له رائه وله سبعه علام

[سبع الليل]

اقتباس : المشاركة الأصلية كتبت بواسطة الواقعي [ مشاهدة المشاركة ]

اسمحولي نيابه عن اخي ابو طارق بهذا الفصل متمنياً له العوده بالسلامه ذا فصل يا ألشعّار وفّو العهد واوفو بالذمم=واتجنّبو لقوال لي هثمه معانيها ذمام لازم يكون الحّزر قال الواقعي فوق العلم=في حضرموت الشعّر له رائه وله سبعه علام

الفين ياحيا بذي صاغ المعاني والكلم=الواقعي لا قد نوى بيجيب لك احسن كلام
وفيت ماقصرت ياراعي الجمائل والكرم=ماللاصيل الا الصاله والكرم طبع الكرام

[سبع الليل]

الحيد مستقوي ولا بتجيه شي زلت قدم=مادام نمشي في طريق الخير عانهج القدام
الا اندخل مخلوق بايفرز من التمر العجم=باقول يكفانا بلاء لتراك والناس العجام

[الواقعي]

اقتباس : المشاركة الأصلية كتبت بواسطة سبع الليل [ مشاهدة المشاركة ]

الحيد مستقوي ولا بتجيه شي زلت قدم=مادام نمشي في طريق الخير عانهج القدام الا اندخل مخلوق بايفرز من التمر العجم=باقول يكفانا بلاء لتراك والناس العجام

وفيت لا يا السبع يا ذيب الغداري والرهم=لي يقّنص الاّ ساعة القتمه وفا وقات الرهام
الحيد لي تذكره نص في شقّه القبلي انهدم=ؤالركن لي عاده مرفّد شف مصيره لنهدام
من بعد سيل المنخفض بشّان حد بقيو سلم=حتّى المقابر ما سلم كل من عمدها في سلام

[سبع الليل]

اقتباس : المشاركة الأصلية كتبت بواسطة الواقعي [ مشاهدة المشاركة ]

وفيت لا يا السبع يا ذيب الغداري والرهم=لي يقّنص الاّ ساعة القتمه وفا وقات الرهام الحيد لي تذكره نص في شقّه القبلي انهدم=ؤالركن لي عاده مرفّد شف مصيره لنهدام من بعد سيل المنخفض بشّان حد بقيو سلم=حتّى المقابر ما سلم كل من عمدها في سلام

ليام باتظهر وباتكشف لنا ميزات جم=والعاصيه شف ما لها الا الفدامه واللجام
اما شراف القوم باتبقى منابر في القمم=يشهد لهم تاريخ عالمعروف والجوده قيام

[سالم عاشور حسنون]

كله صبح مكشوف يا سبع الليـــــالي يا الفهم
ما عاد شي مستور وانته خيرة الناس الفهام

[سبع الليل]

اقتباس : المشاركة الأصلية كتبت بواسطة سالم عاشور حسنون [ مشاهدة المشاركة ]

كله صبح مكشوف يا سبع الليـــــالي يا الفهم ما عاد شي مستور وانته خيرة الناس الفهام

ماليوم ياسالم ضروبه من هنا لما قسم=قسمين للعامل ومولاء الدار له عشره قسام
لكنها وقعت قسومة غدر من تحت الظلم=ان شرقت البيضاء بحل والا نشبنا في ظلام