مساجلات الزامــــل الشعبي

[أحمد العمودي أبوفيصل]

شفني على هالصوت شفني ماخلف = باجيبها ماليوم صدف صافي ولول
مرحيب بن قطمان لي ضربه طفف = قد جابها مسحه على روس الوعول
لاجيت باتمسك لبن قطمان طرف = مايمتسك ضربه في غدراء الليول

[بدوي الجبل]

السسسسلآم عليــــكم ورحمــــــــــه الله وبركـــآتــــه.,

القآفيـــه يآآخوآن صراحـــه تكررت فيهآ آلكلمه آكثر من مره
ورايي إن نغير القافيه هذا راي معي قافيه جديده واذا تبونا
نستمر على القافيه السابقه رايكـم نستمر.........

هذي القافيه الجديــــــده:

سالف وعاده عندنا نحنا العــرب=في وقتها المحزور تجينا كل عــــــام
لي أصلها مـنٌ الدين وجذور النسب=مرت على الجاهل كما ضرب السـلام
يابخت من راجع حساباتــه كسب=رمضان يظفر به من صلى وصـــــــــام

[البكري]

اقتباس : المشاركة الأصلية كتبت بواسطة بدوي الجبل

السسسسلآم عليــــكم ورحمــــــــــه الله وبركـــآتــــه., القآفيـــه يآآخوآن صراحـــه تكررت فيهآ آلكلمه آكثر من مره ورايي إن نغير القافيه هذا راي معي قافيه جديده واذا تبونا نستمر على القافيه السابقه رايكـم نستمر......... هذي القافيه الجديــــــده: سالف وعاده عندنا نحنا العــرب=في وقتها المحزور تجينا كل عــــــام لي أصلها مـنٌ الدين وجذور النسب=مرت على الجاهل كما ضرب السـهام يابخت من راجع حساباتــه كسب=رمضان يظفر به من صلى وصــــــــام

من معه الرحمن حاله ماخرب = بايصلح الاوضاع في بصره وشام
هذا على الامه ياصاحب كتب = والنصر من عنده ويتحقق سلام
وسبابنا من اهل المعالي والرتب = العدو لقى في رقابهم خطام

[طالب النعماني]

شهر مبارك عليكم ياشباب
واشكركم على احيا هذا التراث الاصيل

[أحمد العمودي أبوفيصل]

مرحيب بالبدوي مائه والفين رحب = جاب القوافي كامله كلها تمام
ماهو كما البكري ليهو قد رسب = وألاكما الراعي لي عنده غنام
عدى علي طالب مالليله يخب = ماشاف بن قطمان قايمله مقام
ماليوم ياطالب ياساحب سحب = بعض العرب بنجنبه عنده جذام
من شان مايعدي خوانه بالجرب = ومن سعف ثاني بيقعله لجام
الشهر قد قرب علينا وأقترب = يابخت من قامه وقد صلى وصام

[بدوي الجبل]

شهر كريم علينآ وعليكم آن شاء الله.,

ونبغـــآ ردود يآآبو رآضي ونحتـآج الى آنتقآدآتكـــم وتصحيح الخطآء مطــلوب آيضآ
هذا ولكم خـآلص التقدير والأحترآم

[أحمد العمودي أبوفيصل]

باني معه موتر ولكنه خرب = لي شهر ماشفته ولارسلي سلام
دايم سأل عنك وهذا مايجب = لابد ماتظهر يابدر التمام
شوفك كمى البكري شوفك مرتعب = فزعان من عقرب وحنش سوداء وهام
لاتخاف ياباني ماشي قد خرب = قدامك الغازي ملقيله مقام

[بن قطمان]

مرحيب يالغازي ولك مما يجب=باردلك كيلو على وزن الجرام
واحنا عرب ياصاحبي وانتو عرب=ولعاد يفصلنا سوى فعل الحرام
شفنا نشبنا في نسانيس النشب=في ناس توكل لحمها هو والعظام
الحكم قد شلوه كله والرتب=الى متى تبعه وعاما بعد عام
اما اصتلب ولاتركني بصتلب=تاريخنا معروف في مغرب وشام
اما السبب لاحد يدور له سبب=ربي جمعنا فالسقيفه في شبام
يامن طلبكم وقفو رهن الطلب=والجود والمعروف فوق الالتزام
ولاتعجب مابقولي شي عجب=والنور يتجلى على جنح الظلام
والعهد لول يوم قد روح وهب=والناس مابين الامل والانهزام
والحب لاياصاحبي ياخير حب=زرع الحجل والطعم منه والطعام

[القنّاص]

جابوا حنش رقطا في وسط المسب = سمها يقتل حذر تغفل تنام
الحمل قد طرحوه على حاشي جرب = وجمال مست تهدر دواسر للمهام
الوقت عقلها ويومه قد قرب = راس الحنش تطلب ودوسه بالقدام

[أحمد العمودي أبوفيصل]

الحبل لي بيني وبينك مأنقطب = كلن هنا يسحب ونسحب بأنسجام
أما أنا ياخوي دايم مصطلب = الدقم ذا معروب من خير الدقام
منهاب طرق وعره وياكمن شنب = والحيد لي معروف بايصبح ركام
شفني ملقيلي على كتفي سلب = مانا كمى البكري قاتله الزكام