مساجلات الزامــــل الشعبي

[طالب النعماني]

بلقي ثنعشر دور عا حيد النشم=للهل الشجاعه ذي هممهم عاليه
نذبح ونقدح لاضووا عربان جم=وطي الشوامخ والجبال النايفه
داهل على الجودات من زام القدم=ملقي الخدم واربعمائه في الحاشيه
قدم لحومي جابره عند اللزم=مانا كما الكرزام ذي يده خليه خاليه
يكرم ضيوفه عامصانج هو اللخم=يهوين متمسك بعروه باليه
شف بن سميدع لاقد المهجر عزم=في سعف طارق ذي شروعه وافيه

[الكرزام]

عندين ياطالب كلامي ماافتهم=و اكرمت ضيفك بالردود الجافيه
ماجيت متهدّد وقلت اربع كلم=ذي جابنا الزامل ولحن القافيه
واحسب معي اخوان جم وعيال عم=بايرحبوا بي بالأيادي الدافيه
لكن حسافه ريت بايفيد الندم=الرد الاول كان ( لا ) النافيه
ماتعرف الكرزام يشبي في القمم=والشوك ندحقها ورجلي حافيه
والجود والمعروف عندي والكرم=مثل المنابع والعيون الصافيه
حتى شفاري دايماً تقطر بدم=واعرف اميّز ماظهر والخافيه
مادام ذا ردّك انا باقول تم=واضح كلامك والاجابه شافيه

[طالب النعماني]

حيابكم واثني تراحيببي بكم=ياهل المعزه والشروع الوافيه
شونا بنينا ساس من زام القدم=والغلب نايف عالجبال النايفه
والباب لك مفتوح حيابك قدم=في الضيق والشده ويوم العافيه
لاضاق بك وقتك على طالب زهم=خصمك بشغل الكنش انا باكافيه
مابعتذر في الحنجره بسقيه سم=شفني معك في الظاهره والخافيه
مابعتذر في الضيق لا لليلك ظلم=بالشرق الدنياء ولو هي طافيه

اخي الكرزام نرجوا ان لا تحمل في خاطرك مثقال ذره على بوراضي
وهذا حال القصيد لازم يكون البدع والجواب بهذه الصوره ارجوا ان تتتحمل زملائك في السقيفه
وتحياتي اخوك
ابوراضي

[طالب النعماني]

مطلوب احد يغيير الفصل
الفصل مدحوق ياشباب

[طالب النعماني]

وسعوا لي وسع=ياهل الصدور الوسيعه
مايضيق الوسع=والوقت ساعه بساعه
يوم طارق طمع =لكن مابالطيعه
مايفيد الطمع =ياشيخ خل الطماعه

[طارق بن حيدره]

حي منهو شرع =جاني بحكم الشريعه
كفتوا في الشرع =كلين يطوي شراااااعه
ذي بسيفع قطع =يبغى يفك القطيعه
بانلف القطع =ولعاد نبغى قطاااااعه

[طالب النعماني]

حددوا لي الوجع=بكوي القلوب الوجيعه
من كوى عالوجع=لابد تنسم وجاعه
بايعوني البيع=في مال مابالبيعه
والدلل والبيع=من شاف صاحبه باعه

[طارق بن حيدره]

(الهوى) كم صرع =يا خوي شفني صريعه
شي دوا للصرع =قلبي تعب من صرااااعه
قل لطالب شفع =خلك لقلبي شفيعه
خاف لاحد شفع =بايقبلون الشفااااعه
وين مرعي وقع =ما اشتاف يوم الوقيعه
طار ولا وقع =سماه تنشد وقااااعه
ليش مبعد ذرع =مانقبل اية ذريعه
قل لمرعي ذرع =ولا كسرنا ذرااااعه

[ذيب العرب]

الله الله عليكم ياطارق انت وابوراضي...كلام يالقروم والله كلام
بس نباكم تفتحون المجال لباقي الشعار......فالكل يبغا يشارك
وفصل يابوراضي .....ولا انت ياطارق.........

[طالب النعماني]

شكرا للاخ طارق على تواصله معنا وابداعه الجميل
واشكر الاخ ذئب العرب على اهتمامه ومتابعته للمساجلالت
واعلمك يااخ ذيب العرب بان المجال مفتوح للجميع وبامكانك ان تفصل انته او من عنده الاستطاعه