مجلس الدان الحضرمي

[عمر الذيب]

اقتباس : المشاركة الأصلية كتبت بواسطة أبونمر [ مشاهدة المشاركة ]

معد حدقوم لايالواقعي ذي ضربهم لاقع= برد وإن باتحر ماتنفعك حرتك لا يالحار ولانته من ظلم اول ولاالثالث ولا الرابع= مئات آلاف مظلومه لهم ماتلتفت انظار

تون بنت العرب يابو نمر في شهرها التاسع=تؤازر بالذي في بطنها والاب شه محتار
ولد والا بنيه با تجي والاخبر فاجع=بعودتها جنازه هامده من بعد ذا المشوار

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

نبا قنديل في عرشه ولكن نورها والع=بدل ما يسمر الضيفان عا شمعه بيد الجار انا باقولها من صدق لو قصدك شفاْ رادع=خلاف الكنش ما ينفع ولاغير الرصاص الحار

معد معنا محل للقندله انك تبا الواقع=محلتنا وعشتنا بدت تاكل عليها النار
ولا تمت كذا يالواقعي وامسيت انا تابع=وبن عمي يجرجرني معدشي علم بيجي سار
كفاني لا متى يالواقعي لما متى خاضع=بغضت الليل لي ما طاع يطلع لي عليه انهار
بنار الكنش بو سطرين والمرباه با نازع=معي با قي بواقي من رجال العز والمقدار

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

معد معنا محل للقندله انك تبا الواقع=محلتنا وعشتنا بدت تاكل عليها النار ولا تمت كذا يالواقعي وامسيت انا تابع=وبن عمي يجرجرني معدشي علم بيجي سار كفاني لا متى يالواقعي لما متى خاضع=بغضت الليل لي ما طاع يطلع لي عليه انهار بنار الكنش بو سطرين والمرباه با نازع=معي با قي بواقي من رجال العز والمقدار

ثُلث في المرحله عدت وشعب البير بيصارع=ومولى القطن والحمه كما مولى عتق وجعار
فرحنا يوم شفنا الرسم فوق الخط والطابع=وقلنا بايقع يالشعدليه صلبي السموار
وهاتي لي خبر سالم علي وعبود بانافع=توطوا عالحجل والا افسحوا في حصن بن دغار

[المستقل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

معد معنا محل للقندله انك تبا الواقع=محلتنا وعشتنا بدت تاكل عليها النار ولا تمت كذا يالواقعي وامسيت انا تابع=وبن عمي يجرجرني معدشي علم بيجي سار كفاني لا متى يالواقعي لما متى خاضع=بغضت الليل لي ما طاع يطلع لي عليه انهار بنار الكنش بو سطرين والمرباه با نازع=معي با قي بواقي من رجال العز والمقدار

وغير موترك يا صاح من سنجل الى سابع=وبا تخرج من الوحلة وبا تطلع من المزبار
وتعمد على نفسك وشف ما ينفعك نافع=ولا شي حك لك ظهرك سواها حقك الاظفار

[المستقل]

اقتباس : المشاركة الأصلية كتبت بواسطة سبع الليل [ مشاهدة المشاركة ]

ثُلث في المرحله عدت وشعب البير بيصارع=ومولى القطن والحمه كما مولى عتق وجعار فرحنا يوم شفنا الرسم فوق الخط والطابع=وقلنا بايقع يالشعدليه صلبي السموار وهاتي لي خبر سالم علي وعبود بانافع=توطوا عالحجل والا افسحوا في حصن بن دغار

ترى عاد العرب ياصاح الى الحفلة بتدافع= وتجهيز متواصل لعرس لعرس احمد على دينار
وعاد الشرح ما قدشي بدا والصوت يتساجع= وما شي اخر الحفله سواه المسرحي غوار

[سبع الليل]

اقتباس : المشاركة الأصلية كتبت بواسطة بن احمد [ مشاهدة المشاركة ]

لبنها لهلها يالواقعي ماهو لكل طامع=طمع فيها بغى المكسب عطاها سيفه البتار وراعيها يقاتل لجل يبقى ضوها والع=مبين اخوانها لي هم على اليمنه وعاليسار

كما الدلال في لسواق بيقامر وبيصاقع=قليل المعرفه يابن حمد ما يتقن الاشوار
بغاء الا شور عقله مايباء يناقش ولا يراجع=ومن طيشه وقع ماليوم لا خيره ولا تخيار

[سبع الليل]

اقتباس : المشاركة الأصلية كتبت بواسطة المستقل [ مشاهدة المشاركة ]

ترى عاد العرب ياصاح الى الحفلة بتدافع= وتجهيز متواصل لعرس لعرس احمد على دينار وعاد الشرح ما قدشي بدا والصوت يتساجع= وما شي اخر الحفله سواه المسرحي غوار

نبوها من عروس أبليس قالوا لي مست فاقع=فضيحه والفضائح مالبوها الا الحطب والنار
قليلة خير ماتملك زمام العقل والوازع=تبيّت في خلاء خالي مع دغشت سفل واشرار

[أبونمر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

تون بنت العرب يابو نمر في شهرها التاسع=تؤازر بالذي في بطنها والاب شه محتار ولد والا بنيه با تجي والاخبر فاجع=بعودتها جنازه هامده من بعد ذا المشوار

مصايب ياعمر عالناس طول الوقت تتابع=لأن القطع ماتسمّح لهم من قبل فيه شتار
ونا ناديت في ناديت ماحد للندى سامع= كلامي ذي نقوله عندهم كله لعب وهزار
وقبل الحمل مايظهر عرفنا انها فاقع =وقلنا لأهلها في بنتكم هذه بدت اسرار
وستروها بمن جا بيخطب في عفها طامع=ولايعرف خفاياها مطول في النسب والدار
وماذلحين بان الحمل قدها صيتها شايع= لأن ماحد لها من اهلها ذي يسترون العار

[الماسه*]

[QUOTE=عمر الذيب;451549]

	خطب في مسجد البقرين قال الذيب والجامع=وغفل في الجزيره عند بن قنه في الاخبار وبا يقولون ان الواقعي فينا هو الطامع=وبا يصدر كبير الكور ضدك شجب واستنكار

	عبر وقت الذي كانه صموت ودوب هو سامع= ويعمل في تفاني يحتسبه ألاجر للقهار وأخبار البلا تعطي وقايع خارج الواقع=وبعض احيان تظهر للحقيقه كنّها لنهار

[سبع الليل]

الحُب حُب القلب ماهو حُب لسن لاذع= ولا محبت مصلحه لا ياطويلين العمار
الا ان وقع محبوبنا لعّاب وملاطع=بانترك العشقه بخيره مانباء عشقت شقار