عبر عن شعورك ولو بكلمه

[اصيل]

يارقيق المشاعر وين راح الحنـــــــــــان
ليه ماشلت قلب طاح قدام عينـــــــــــــك

الزمن هو زامنك والمكان المكــــــــــــان
واخر الشعر كلمه تسالك عنك وينــــــــك

من تقهويت صوتك سؤلف الزعفــــــــران
عاد وشلون فنجالن تمده يمينــــــــــــــك

تذكر شلون كنا والغلا كيف كــــــــــــــان
يوم لاغبت عنك مااسمع الا ونينـــــــــك

اشعر بخوف مدري كنت احس بامـــــان
يكفي ان جيت يمك طار فيني حنينــــك

وشكثر كنت وافي واقرب الناس خـــان
بس اثق فيك حتى لو عيوني تدينــــــك

راحت اسنين من عمري وعمرك ثمـان
يوم شحت سنيني عوضتني سنينـــك

زان عمري بقربك يعني الوقـــــت زان
حتى جرد القصائد ربعت في يدينـــــك

طول عمري وانا لاوي اذراع الهــــوان
شفت يومك بعيني منهو يقدر يهينــك

مذكر اني نسيتك واذكرك من زمـــان
واذكر اني ضحيه بين قلبي وبينــــك

تدري وش جابني لك لاتقول الحنــان
جيت بشيل قلبن طاح قدام عينــــك

[اصيل]

اهديك عطر من هدايا بما ضيك
واليوم بدعيلك عسى المولى يهنيك

خليتني ما بين دمعي وهمي وانا راك
ياكــيف ابنساك وانسى طـــواريــك!

[اصيل]

سألت ربي نسيانك ولا نسيتك

وسألت ربي العوض فيك وعطاني

[اصيل]

مــا كل من يضحك من الهم سالي


ولا كل من يبكي من الحب محروم


احد (ن) ضحك والقلب فيه اشتعالي

واحد (ن) بكا من حر ناس يبكون

[اصيل]

تبي تحس القلب وشلون ينعيك

تعال واسمع صرختي في زماني

تبي تشوف العين وشلون تبكيك

تعال اسأل دمعة شوقي وحناني

[اصيل]

خيرك لغيري والشقى والعنالي

والمشكله إني عارفً كل الأوضاع

ارمي بروحي في بحرك الزلالي

وتنسفني امواجك على يابس القاع

[اصيل]

هاض الخفوق وداعب الفكر نسناس.........والقلب شوقه للحبايب يجره
يبقى غلاك معلقن بين الانفاس.........غلاك يبقى في خفوقي مقره
وان صار في دنياك ضيقه وهوجاس........فانا معك في خير وقتك وشره

[اصيل]

بترك مسافة...للحزن في حياتي

.............................وأمشي المسافة صبر...ودموع...وجراح

وأقول للدنيا...خــــــذي ذكرياتي

...........................وأعطيني قلبٍ...من عنا الحب...مرتــــاح

[اصيل]

مهما تروح ايام وشهور وسنين
يبقا رصيدك بالحشا دوم عالي

لا ماتغيرنا على العهد باقين
باقين مهما بعدتنا الليالي

[اصيل]

بيني وبين القلـم ميثـاق
يهدّني..وأبني في صرحـه

ذي راحتي وإسألي العشاق
العاشـق كتابته مسحـه