مساجلات الزامــــل الشعبي

**ميزان العقول** · 02-28-2008, 06:22 PM

الشهر في وسط السماء باينجلي = غطى بنوره عالنجوم الزاهرين
لاهب علي بالغصب جاء بعده على =ماغير باصيح بصوت الغافلين
العيف لك قمسك واما الزين لي = باغل على قلبك وهو بين الريين
ماشي بيدك سيف خل الباطلي =خل الفواله ياولد خلك رزين

**خالد بن مهنا** · 02-28-2008, 07:11 PM

لا ياالحليله اعزمي واتوكلي=واسري بنا لمان حذيه والعنين
وعاك يالميزان مابايمتلي=مخروق وانته فيه تخلي من سنين

**خالد بن مهنا** · 02-28-2008, 07:34 PM

ذا فصل والثاني طفينا نارها=والنار شف ماحد يطفيها بنار
ارض اليمن منك بغيت اخبارها=من بعدها هت لي علومك والخبار

**طالب النعماني** · 02-28-2008, 08:30 PM

كلام والله ياشعار يصم الراس صم

**ميزان العقول** · 02-28-2008, 10:41 PM

وين الذيابة وينها وانمارها=ما شفتهم طلعوا بشاشات المنار
شايف ثعاله تختبي بوكارها=خلك معاهم شل لك فقرة وكار
واحنا لها لتجمعوا حضارها= بطعن بجنبيتي لمان الحضار
احنا رصيد القبولة واضمارها=ولنت لا مكسب ولنته شي ضمار
ليلت مسى قاصف بخصب امطارها = ما شفت لك شي بنج هبطت في المطار
ميزان يعزف لك على اوتارها=عا كل نغمة شد لك خمسة وتار
لا تمدحو ارض اليمن وابارها =ارض اليمن لا زلت فيها ابن بار

**خالد بن مهنا** · 02-28-2008, 11:15 PM

ماشي معاكم سر من اسرارها=مسوا قدمك الي وقف ولعاد سار
والقبوله انته ركبت احمارها=الخيل لي وانته ركب ظهر الحمار
من مختفي منا ومن في انهارها=غادي مثيل الشمس في ظهر النهار
لما متى باتستتر بستارها=ذلا المره لي تستتر خلف الستار

**ميزان العقول** · 02-28-2008, 11:31 PM

احنا عرفناها ولعرف عارها=ولعاد بتنازل مع ملكف وعار
خل قسمك القصرة جلس عاجارها=وانا علي واجب حفظ صاحب وجار

ملاحظة انسحب من هذه المساجلة قبل ان يطلب مني وتقديرا لك اخي بن مهنا وللمشرفين والقائيمن على هذا الصرح واترك لك المجال مع الغازي ولا داعي للمهاترات بيننا