قصيدة (صوت الشعب)

[المصنعه]

ابديت بالمولى وصلوا عالنبي=وامسيت انا والفكر في شلاء وحط
وقلت بالوحده ترى زندي قوي=لكن ماتصلح اذا فيها غلط
ياكم وكم فيها مباني تعتلي=لكن بلمحة عين مبناها سقط
رديت للثوره وانا كيسي خلي=وقلت ذا مخرج لكل واحد ورط
وصوتها عالي وتسمع له دوي=ماهي بشي مناء من اصحاب الشنط
لامامعك شنطه مسارك ينتهي=مابين سوق النار واصوات المحط
قلت الجنوب الحر ذي له ننتمي=به قد رفعت الراس دايم ماهبط
واصبحت في فرحه بذاء الراي القدي=لكنني فزعان يحجملي سبط
جاء الخوف من عودة زماني لولي=ومسارنا يحتد ويصبح في شطط
رديت في حيره ولاباتنقضي =حاجه لكل انسان ماعنده زلط
لاذه ولا لخرى ولاهذه تجي=الراس راس النسر والجنحان بط
كل الثلاثه منهم ماحد شلي=ياريت واحد فوق راسي ماحقط
يالله ذي منك نجاة المبتلي=من قبل لفات الكفن هو الحنط
يسر لنا في الامر شي به نستوي=للعيف هو والزين في الوقت اختلط
دايم ومشربنا نزوحه بالدلي=ولاتبداء حبنا هو والحنط
مثلت صوت الشعب بالشرع الوفي=دايم وهو تعبان كل ساعه نمط
صلوا على الهادي بنوره نهتدي=اعداد ماسبل بغيثه في قنط

[الغوربي]

اقتباس : المشاركة الأصلية كتبت بواسطة المصنعه [ مشاهدة المشاركة ]

يالله ذي منك نجاة المبتلي=من قبل لفات الكفن هو الحنط يسر لنا في الامر شي به نستوي=للعيف هو والزين في الوقت اختلط دايم ومشربنا نزوحه بالدلي=ولاتبداء حبنا هو والحنط مثلت صوت الشعب بالشرع الوفي=دايم وهو تعبان كل ساعه نمط صلوا على الهادي بنوره نهتدي=اعداد ماسبل بغيثه في قنط

اللهم صلي على محمد
قول يصم الراس اخي المصنعة صح لسانك
وعسى ربنا يصلح الحال

[ابو عدنان النهدي]

صح لسانك يالغوربى هذه القصيده صوره حقيقيه للوضع الراهن لقد ابدعت في الوصف للوضع المزري الذي ابتليت به بلادناء وهي الغلطه الكبرى التي سيلعنها التاريخ وسيذكره شعبنا باحرف من ليل دامس لاترا فيها الشمس