بدع وجواب بين بلعور والواثق بالله اليوم الاحد

**الواثق بالله** · 03-27-2011, 09:33 PM


	اخواني في سقيفة الشبامي اليكم هذا البدع والجواب بيني وبين الاخ بدر بلعور اليوم الاحد تاريخ 22-4-1432هجريه بدع الواثق بالله انته تدور لي وانا دور لك=وكلنا نحقط حقيط النوره ولعاد توصلني ونا ماوصلك=لمى تقوم الناقه المعقوره بلعور انته تدرف تابعوني يالصكك=بلقي لكم حفله مع التسيوره لما يتم القصد تبلغ مطلبك=رديت للصكه وتعمد كوره الواثق بالله لجلك ومن شانك انا ناصحتك=على بصيره تسحب الفاتوره اباك ترجع قبل ماجي ردك=وبانردك مثل ذي مقطوره الواثق بالله افضلنا وانته كذا افضلك=وخلنا بانختصر في الدوره ماهو على كيفك ولاهزو بامرك=واللا دخلنا البقعه المحظوره بلعور مولى الطمع من سمح دايم يهلك=والقايد الكابتن يخوض ابحوره للعيف عماله ولاشي كدلك=واكل العسل يبعد على دنقوره الواثق بالله الله كفانا يالمصيبه شرك=من بعد مايادك مست مكسوره يوم الطمع زايد ومعمي قلبك=والغيل مايرويك والماصوره بلعور انته بغيت اللي برجلك جرك=ولاتبى اعلي منيع اقصوره يالعبد لايالعبد سيدك حرك=ماهو سواء منك تخالف شوره الواثق بالله ابليس والجني عساه ايشلك=يالله عساها تنقلع ذا الصوره ماحد يبى لونك ولالبى وجهك=وصورتك عند العرب منكوره بلعور ذاكر من اول مانسينا فعلك=كلن كلامه تم في حنجوره حصلتني خير ولانا مثلك=طالت لسن اجعل لها مبتوره الواثق بالله انا بحدي وانت عامد حدك=شفنا بغينا خط بالتبشوره ولاعاد تقربني ولابى قربك=واعلن بها في الصفحه المنشوره بلعور غيرت دلك ماتغير دلك=وخلها مابيننا مستوره وقل لذي يتبعك لك من عقلك=ماشي محجن لاذريت البوره الواثق بالله محال دربي بايوافق دربك=من بعد ماقد باحت المحجوره لفيت مالي وانت مانع مالك=واليوم قدها كلها محشوره بلعور دورت مسوى الجوع جا ءمن حدك=جمعت اموال العرب في حوره والقيت لك ذيا وذيا لهلك=وقلت قد كلها لهيب الثوره الواثق بالله حسان شل الموس بايحسن لك=وبايسبر بالشرص والخوره وانته نقع من قبل ماينقع لك=واللا لحالكم عدها مجروره بلعور يوم الطمع ساقك وغطا عقلك=وقلت ذا ساحر قراء لي سوره شليت حملي عاد فوقه حملك=مابحسبه من هو يجر بضفوره الواثق بالله انته تبى القبله وناسي نفسك=وشيرتك فوق الركب مبتوره من سمح ذا طبعك وهذا شغلك=قصدك في الغله وفي التصروره