ريتنا طير فوق العارّه والحوَم باطير (اهداء لأهل الديس الشرقيه )

[بن الطيب الشبامي]

هذه الاغنيه اهديها الى اخواني الاعضاء من سكان الديس الشرقيه (آل وادي عمر ) كم اهديها ايضااليكم اخواني منسوبي السقيفه الرائعه عذب النغم والفن
اغنيه روعه حلوه جميله خفيفه اداء من الجوهره رائع .حق زفين . بس وينهم لي يزفنون يقومون ينفظون ثيابهم
المداره مرشوشه والباقي عليكم.

قدر الله علي احب الذي مايحبوني= لي رموني وانا طارح لهم في صبي نوني
مايخافون من عيبه في حقوقي وتقصير=ريتنا طير فوق العاره والحوم باطير
يوم بزّي طلع من طاقته زين صابوني=ماتأثر بشي من لي له الناس صابوني
قابل الناس بالطيبه وادفع الشر بالخير=ريتنا طير فوق العاره والحوم باطير
يأهل وادي عمر بعد اللقاء ليش تجفوني=وانتم اللي نراكم كحل مايحفي جفوني
ليش طولتو الغيبه بعد قصر المشاوير=ريتنا طير فوق العاره والحوم باطير
انتم اللي عطيتوني حشا لاتغيروني=وين عهد الموده ذاك لي به عمرتوني
عهد مازلت حادي به سير به حيث ماسير=ريتنا طير فوق العاره والحوم باطير
واذكر اهله تخيلهم بخاطري وعيوني= وان تحدوني العذال فيهم واعيوني
بدلح القول باجيبه صدق والسر في بير=ريتنا طير فوق العاره والحوم باطير
الرجيده سقوني الدر فيها وربوني=ماتناسيت واعرف سدّة الدار والبوني
كل دخله بترحيبه والزمل والتناصير=ريتنا طير فوق العاره والحوم باطير