الديوان الملكي لشعراء الشِعر الشعبي .

[بن قطمان]

الاوله والثانية قدّام سر للعاشرة=بنات اوى كلهن يتجاورن لاجل الصداق
والله يجملنا على فك القفول الماكرة=والصيعري وال بن سحاق اليوم شف قدهم علاق

[سبع الليل]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

ذا فصل دام المخشني صاحي وعينه ساهره=باحط فصلي خافنا حصّل على العلم اتفاق ياعم محمد كم تحّملنا الحمول الجايره=ونته تقول النا قبل والحمل ماظني يطاق الله ينصف يالحمومي في العجوز البايره=وكبارناوماطيين الروس واصحاب النفاق لي طعنوا الناقه بحد النصل وسط الخاصره=من بعد مادمروا مراعيها في اشمال العراق

يانجمنا اسرائيل وصلت لا حدود القاهره=واسبابه التخريب واصحاب المكايد والشقاق
لو شي تكاتف واندماجييه ووحده طاهره=كان العرب ناموا على امريكا وعالروس الرفاق
لكنها الا شعوب ماسيبي ولاني قادره=وفي مابيننا والبين نتسابق على كسب السباق

[بوشاكر]

اقتباس : المشاركة الأصلية كتبت بواسطة سبع الليل [ مشاهدة المشاركة ]

يانجمنا اسرائيل وصلت لا حدود القاهره=واسبابه التخريب واصحاب المكايد والشقاق لو شي تكاتف واندماجييه ووحده طاهره=كان العرب ناموا على امريكا وعالروس الرفاق لكنها الا شعوب ماسيبي ولاني قادره=وفي مابيننا والبين نتسابق على كسب السباق

وعلى تجاوز هذه الحلات عدها قادره =امة محمد خير فيها عادها فيها وفاق
عاد الحميه في المخوه باقيه ومصاهره=ورجال حل الحل فيها بايرقعو ن الشعاق
هذا الخبر موثوق لك ياصاحبي ومصادره=ماهي خفيه ظاهره وان زاد فيك الأشتياق
للمعرفه والعلم لاتلقي قور ومكابره=ابحث ودور واعتمد في المشي عاقدمك ,وساق

[حبيب الناس]

ما شاء الله الشعر هنا ونحن ماندري العنوان ابعدنا ماندري ايش ذا الديوان ياللخساره!!!
ترقبونا بينكم قريبا

[طربق بن صرفق]

اقتباس : المشاركة الأصلية كتبت بواسطة صرفق بن طربق [ مشاهدة المشاركة ]

السلام عليكم ورحمة الله وبركاته تحياتي لجلالة الملك المعظم والوزراء وكافة الحاشيه والشعب

وعليكم السلام ورحمة الله وبركاته
غير تواجد الملك في الديوان ليس
للديوان طعم

[حسن محمد سالم باقديم]

اقتباس : المشاركة الأصلية كتبت بواسطة الطير المعلي [ مشاهدة المشاركة ]

عين النجر عالعلب والعش المعلق بالفند=فوقه فنيت العمر وبنيته بمجهود السنين عشي ومأواي الذي بانيه ولقيت الوتد=والسقف حقه من عضام الليف هو والياسمين وشقيت في مبناه نا والريح ضلي في هدد=لما بنيته فيه حطيت العيال الخاسرين ماخلوا الحاله عيال ابليس ولقوالي حسد = ماخلوا الحاله تتم عاخير لاياغافلين ذي يحسدون الطير عاعشه وعا اكل الزبد= قطعوا ركان العلب وعطوها الفؤوس الحادين

حيا بطيب القول من شاعر لنا عده عدد=وانا فرح لا سمعت حنات القروش الفليين
مد الجنح والريش ياالطير المعلي عا الرتد=والقور ذي تشرف على ارضك وسنحك والعرين
سر عاالبتيه وان قبضت الفقر باتجيك الرقد= ورقده قفاء رقده وشف فوق القصور العاليين
وان عينهم عاالعلب والعش المعلق باالعمد = لا تشل هم فوقك قوي بايرد كيد الكايدين
ومن الحسد واهله توسل باالمثاني والصمد = وان شفتهم هلل وكبر عا عيون الحاسدين
في قبضة الحبل القوي وطريق سيدنا حمد =تسلم وتنعم والرفاهيه في الحصن الحصين

عفوا لم اشوف قصيدتك الا هذه اللحظه..

[الطير المعلي]

خلك معي شاهد بجد لاتقول لي ماباشهد=باقدم الدعوه على النجار ماهو عالطبين
ذي جاب منشاره وقد العلب بالمنشار قد=وحنا ضحية قدة المنشار ولعد داريين
الوضع خوفنا وخلا البيض في العش افتسد=وصغاري الخسر عشاء ثعبان شفهم ضاويين
عد شئ نقذ من فاعلين الخير نا ماشوف حد=سدي يفرحني ولكن خاف عد حد بايبين
بايرحم الجهال من برد الشتا ءلاقد برد=لابيت يكنشهم من البردان باتوامقلوطين
اما المعيشه سابره والرزق من عند الصمد=للطير والأنسان والحيتان والنمل الدفين

[نجم سهيل]

اقتباس : المشاركة الأصلية كتبت بواسطة سبع الليل [ مشاهدة المشاركة ]

يانجمنا اسرائيل وصلت لا حدود القاهره=واسبابه التخريب واصحاب المكايد والشقاق لو شي تكاتف واندماجييه ووحده طاهره=كان العرب ناموا على امريكا وعالروس الرفاق لكنها الا شعوب ماسيبي ولاني قادره=وفي مابيننا والبين نتسابق على كسب السباق

يامرحبا بالقول لي مثل السحابه ماطره=قد جاء مطرها والعرب يالسبع شفها في اشتياق
انته تشخص والدوا محتاج طب ودكاتره=وين الذي بايداوي المعلول لا جاه الشهاق
وصل الدواء حتى وجد محتاج حث ومثابره=واحنا هنا معندنا الا الهنجمه لي بالبراطم والشداق
راحوا عباد الله بعد الخافيه والظاهره=هذاك لي قاطع صله واخر في الابوين عاق

[نجم سهيل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

مرحيب بك يا النجم لك أقوال زينه باهره=لسمعتها تعدل مزاجي للسمر والذهن راق البايره ملقت لها صُحبه بنيّه عاهره=وثنتينهن ضحكن على الصّعران هم والبن سحاق

يالمخشني توهتني في الوارده والصادره=خلطت لي سم في عسل جردان وحليب النياق
من سبة الثنتين اعيتنا الجروح النافره=ولعاد صدنا طب نافع للبرص هو والبهاق

[حسن محمد سالم باقديم]

اقتباس : المشاركة الأصلية كتبت بواسطة الطير المعلي [ مشاهدة المشاركة ]

خلك معي شاهد بجد لاتقول لي ماباشهد=باقدم الدعوه على النجار ماهو عالطبين ذي جاب منشاره وقد العلب بالمنشار قد=وحنا ضحية قدة المنشار ولعد داريين الوضع خوفنا وخلا البيض في العش افتسد=وصغاري الخسر عشاء ثعبان شفهم ضاويين عد شئ نقذ من فاعلين الخير نا ماشوف حد=سدي يفرحني ولكن خاف عد حد بايبين بايرحم الجهال من برد الشتا ءلاقد برد=لابيت يكنشهم من البردان باتوامقلوطين اما المعيشه سابره والرزق من عند الصمد=للطير والأنسان والحيتان والنمل الدفين

بشهد على ام الحطب في جيدها حبل المسد=تبعه وسمعه عاكتاب الله والحق المبين
ماشفت شي حتى شهد بين النجر هم والحدد=يامقدم الدعوه طرح دعوتك باالحق واليقين
من لجل نسمعها ونفهم محتواها ذي ورد=بين الحكم والمندعيه كل مخفي بايبين
وخلاف هذا كم عبر عاالراس في دنيا النكد=عند التجارب واهلها تنسى طبيبك والبرين
كل من غواه ابليس والشيطان في وقت الشدد=لعاد تسهن منفعه منه ولا مسلك حسين
والموت عاالهلكه صقط وابليس لاادم ماسجد=واعلا دني اهله الزمن واخفى النجوم الزاهرين