بسم الله

[بد الحاكم]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/45.gif" border="none,2,gray" type=0 line=200% align=center use=sp char="" num="0,black"]
فصل بانوخذ وبانعطي=السلاء مابيننا مسموح
وينكم ياصحاب ردوا عاالمنبي
لي ثلاث ايام باصيح على هذا وذاك
من سار قل له ذهن تبطي=الباب لي مابيننا مفتوح
تدخل وتخرج فيه تمشي وتحبي
مابايفيدك يارفيقي بوزيد لي غراك
احذر في الزلات تخطي=قد لي سنه والقلب مجروح
والسرلي في الجوف باخليه مخفي
ولازلت بادور وباخبخب قفاك
ماهو سواء ترمي بخطي=عنوه لكم يااهل السلاء بابوح
ياماسقيته منعسل ولحوم مظبي
بنصحك من سرحك ولعاد ضواك

[/poet]

[سبع الليل]

انستنا وارحبت يابد الحاكم ونشكرك على الابيات الجميله وننظر منك الكثير وبادره طيبه
لك جزيل الشكر والتقدير

[محمد بن سلم]

تسلم اخوي على القصيده الرائعه ...

ومنتظرين مشاركاتك الرائعه ...

وحياك الله والسقيفه سقيفتك ...

[الشبامي]

هلا ببد الحاكم
السقيفه منوره بكم
وبأنتظار المزيد من مشاركاتكم
ارحب بكم مره اخرى وعلى الرحب والسعه

[بد الحاكم]

شكرا لكم على هذا الرحيب وان دل ذلك على شي فانما يدل على حسن تعاونكم واستقبالكم لكل عضو يشترك في هذه السقيفه العملاقه ذات المعلومات المفيده والانجازات البنائهوكل زوارها وللعالم اجمع واكرر شكري وتقديري بصوره خاصه للمشرف ولكل من يبذل جهدا في هذه الاعجوبه العظيمه

[سبع الليل]

[poet font="Simplified Arabic,4,black,normal,normal" bkcolor="" bkimage="http://www.alshibami.net/saqifa//backgrounds/47.gif" border="solid,2,black" type=3 line=200% align=center use=sp char="" num="0,black"]
يقول سبع الليل يامسهل طلوعك ياالجبل=لاقلت الحيله علي بطلعش ياروس الجبال
بطلع وانا ريض وباريض كلامي والمثل=حكمه معي باقولها لاهل المعاني والمثال
مااليوم قد جييتك من الصفراء مسرع في عجل=كله على شانك فسحنا في البزوره والعيال
عندي قضيه مالها تفسير في عقلي وحل=ياريت حد بيحلها وباينقلب كمين حال
ان جييت بتخبر على الدوله عقاله مااعتقل=يمشى بغتره فوق راسه ماقصر غير العقال
يصري مع نفسه يفكر في عياله والسقل=بيت يخطط في الهواء من عاالمشاعب والسقال
مااليوم ياصاحبي لاتحمل على ظهرك ثقل=الناس تتقادر وتتساعد على حمل الثقال
الشهر مقبل كل شي جاهز طرح عاالوكل=انتبه مااليوم كل دوله ملاء مصراء وكال
واليوم بانوكل وبانشرب من الصافي عسل=الغيث مقبل والمطر والسيل في المسيال سال
ياسامعين الصوت شو بن الدوله قد صابه خلل=الظاهر ان العقل قد سبر يخلله الخيال
ايش باتسوي لانقلد باب المجوره والامل ترجع على العاده قفاء المذكور تيحش باالميال
يهوين ياالبحار يوم الريح تعصر باالدقل= لاهبت العلياء تحذف باالمراكب ةالدقال
والعفو ياالبد سبع الليل ماقصده زعل=ذالا سلاء مابيننا ماهو حنق والا زعال
يالله عسى ربي يلم الشمل ويزين المحل=داحل شبام العاليه كل من سكن يوكل حلال
والختم صلوا عد ماكوكب بزغ نوره وهل=وعد مادارت كواكب عاالمناشي والهلال

[/poet] ;bounc ;pimp ;sleepp ;wavey ;wavey ;sma ;frut ;priv ;monk

[ابو الحافه]

[poet font="Arabic Transparent,4,black,normal,normal" bkcolor="" bkimage="http://www.alshibami.net/saqifa//backgrounds/33.gif" border="solid,2,indigo" type=0 line=350% align=left use=sp char="" num="0,darkred"]


المثل بيقول كل من شاور ماقتل=الهنجمه قالوا لنا نص القتال
انت سمع مني ولاتلقي شي هبل=قع سبع ولاتقع من الناس الهبال
ان كان بنت الدوله ظهر فيها الحبل=وابنه غرم ماعزه الا باالحبال
هذه وشايه كاذبه مانته تاكد لي سال=وهت لي حقيقه باينه قبل مادمعي سبال
ان كان دولتنا مغفل بانبدل به بدل=شف ذي دول مثله ظهر فيها البدال
وبوزعبل المسكين كل ماشاف في ضله تفل=ياخس فضيحه يوم شل اللحم من وسط التفال




[/poet]

اعلان الى جميع الاخوان بان اخيكم بد الحاكم غير اسمه الى ابو البحافه ونرجو من المشرف اعتماد ذلك والغى اشتراك بد الحاكم من المنتدى ولكم جزيل الشكر وهذه القصيده اول مشاركه بالاسم الجديد وهي رد على اخينا سبع الليل وشكرا ;flam ;lov2