ياعلي حمّل حمولك قبل ماتلقى جزاك=شف عيال الديك صرخوا والدجاجه كاك كاك
انت لي داري وعالم من من اخوانك شناك=لا ترد اللوم عالثوره ولا سلم الحراك
بوحسن لي هو رشخ صدره وزرك والتقاك=وانت من عجلتك ماحطيت يدك في عشاك
شرفوا قدرك بكلمة جبر ترفع مستواك=صدقوا النيه ولكن الشرف ماهو دواك
مادواك الا البصيله والحنط لي هو دواك=ماسمعت الناس قالوا ياعلي ماحد بغاك
ماتشوف الوضع يتدهور والامه في هلاك=ضاعت الفرصه وضيعت الوساطه من غباك
وانكشف سرك والاعيبك وزرتبك شواك=ماسمعت الشور والمعنى وشورك في هواك
لي في الواجب مقّصر والذي حولك كماك=كلهم دغشت سرق مامنهم واحد فداك
ظرفوا لك وعمروا لك وتاليتها من قفاك= كسروا البوري ونذّوا بالسقاره والجراك
لوتباء شربه هنيه منهم ماحد سقاك=او تباء لقمه تسد ريقك وتصلب من قواك
ماسقوك الا المسمم والخمي يقطب حشاك=يارفيقي لا تعشم في عرب هزله ركاك
اذكر الله واستخر ربك وكثّر في دعاك=ينصلح حالك ويكفينا الشواغل والعراك[/poem
]
صح لسانك ياشاعرنا سبع الليل قصيده رائعه فيها النصح والتحذير والوعيد والمواساه
لك مني التحيه والتقدير
التعديل الأخير تم بواسطة سبع الليل ; 10-22-2011 الساعة 07:20 AM