قصيدة بعنوان / هذا لمن ماعرف عمره ***** كذاب بطرده لا جحره

[بوطارق]

بوطارق ايقول يالكذاب=ما عندنا شي لبوك احساب
هذا لمن ما عرف عمرة=كذا ب بطردة لا جحرة
وين الذي يعرفون القول=عندي نصيحة لذي مهبول
يلقي بنفسة كذا الحشرة=كذاب بطردة لا جحرة
من ما طرح عالوثن خرسة=فالحال باعرفة نفسة
كل من وقف لي حجر عثرة=كذاب بطردة لا جحرة
لا يا علي يا طويل الذيل=ماليوم زاد الطفح عالكيل
وقعت نفسك في الحفرة=كذاب بطردة لا جحرة
خلاص مكشوف لي امرك=بالكذب ما بينفعك مكرك
لا نك تربيت عالقصرة=كذاب بطردة لا جحرة
و ان ما عرف نفسة الضانة=ما عذر ما لقطع السانة
جزارله يفتق الشفرة=كذاب بطردة لا جحرة
خايس ولا يعرف الطيبة=من تحت لرض لازم انجيبة
والقية برميل للكشرة=كذاب بطردة لا جحرة
بسقية بالسم ذي فالكاس=وان ما شرب بشبعة رفاس
مهتوف حاطت به القدرة=كذاب بطردة لا جحرة
كل من تجاوز عن احدودة=بالحبل بخطمة باقودة
حيوان ذاء بانهي امرة=كذاب بطردة لا جحرة
والعفو مطلوب يالاخوان=فالقول لو كان شي نقصان
هذا لكم موجز النشرة=كذاب بطردة لا جحرة
وان حد يبامني التفصيل=با جيب له بينة و دليل
وشهود حتى يبا عشرة=كذاب بطردة لا جحرة
وين الجعيدي وبو راضي=واثني كلامي لكم وافي
كل جيد محسوب له قدرة=كذاب بطردة لا جحرة
الجيد يبقى مكانةجيد=والفسل ذي ما طلع في ليد
ما يكفي الناس من شرة=كذاب بطردة لا جحرة
لازم لبا حل يالاخوان=وتراقبوا شوكة الميزان
فالوزن ما بغيت شي كسرة=كذاب بطردة لا جحرة
لا تعذروني اذا زليت=قولو على حدك اتعديت
كل من عدل ما يضيع اجرة=كذاب بطردة لا جحرة
الحق كل من زعل منه =ينطح براسه في الفنه
ومن الشبامي لبا نضره =كذاب بطرده لا جحره

والعفواذا شي اخطا فالكتابه

[النسيم الهادئ]

شكرا على مجهودك يابو طارق
ولكن اسمح لي اقول لك ان كثير من الربوط غير متساويه
وبعض الابيات اطول من الاخرى ( هذاه وجهة نظري تقبلها بروح رياضيه)

للمعلوميه ( القصيده تم تعديلهاوالرد مني عليها قبل التعديل)

[طالب النعماني]

اذا انته مستعجل
سبق وان اتهمت بوطارق في اقتباس قصيده ونحن نطلب منك البينه او الشهود
نرجوا عدم التاخير او التهرب من الرد

[بوطارق]

اقتباس : المشاركة الأصلية كتبت بواسطة النسيم الهادئ

شكرا على مجهودك يابو طارق ولكن اسمح لي اقول لك ان كثير من الربوط غير متساويه وبعض الابيات اطول من الاخرى ( هذاه وجهة نظري تقبلها بروح رياضيه) للمعلوميه ( القصيده تم تعديلهاوالرد مني عليها قبل التعديل)

النسيم الهادي / القصيده هذه هديه مني لك وانا
ماحبيت العنوان يكون بسمك ولاكن جاء الوقت المناسب
لأهديك هذه القصيده وارجو تقبلها بروح رياضيه وانا اعتقد انها من اقوالي لاكن مادري يمكن حد قالها لك لان القصيده الاولى قلت انك عارف قائلها ولا خبرت نحنا به يمكنك نسيت الحلان والزوار لازم يعرفون الحقيقه والمعذره من جميع الاخوان

[ابورائد النعماني]

هذا لمن عرف عمره***كذاب بطرد لاجحره


ابداع رايع جدا اخي ابوطارق
ونطلب من النسيم الرد عليها
مع خالص تحياتي

[بوطارق]

شكراً للشاعر القدير طالب با تيس على مروره الكريم
ومطلبنا واحد لنسيم الهادي
ايضاح قائل القصيده الاولى لكي نتعرف على قائلها واذا عيده يبا توضيح مني فانا مستعد
القصيده مبعد ختمناها وبالكملها على شان تطلع اطول قصيده فالمتدى واقدم اعتذاري
لجميع الشعرا ولكمم مني جزيل الشكر ابو طاررررررق

[بوطارق]

تسلم اخي فهمي شكرا لك

[فارس الميدان]

كلام كلام يابو طارق ولو كان شي في القصيده يستحق النقد لوضحته لك وللحلان
ولكن اعتقد انها كامله والكامل وجه الله
تقبل تحياتي

[الريح العاصف]

السلام علكم ورحمة الله وبركاتة

والله قصيدة جميلة يا بوطارق وبين هذي الابيات معاني كثيرة لكل (من ما عـرف عمـرة) وهو عارف نفسة

(يلقي بنفسة كـذا الحشـرة ) ودمتم في حفظ الباري .

[طالب النعماني]

للان في انتظار رد النسيم الهادي
والا السكوت علامة الاعتذار