مجـــــــــــلس: عميد شعراء حضرموت,المقدم الشاعرحسن باقديم للشعر الشعبي؛؛؛؛؛

[حسن محمد سالم باقديم]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

صباح الخير وعوده إلى سقيفة الابداع والتميز بعد غياب طويل وضروف خاصه

يامرحبابك ياالمبدع والابداع حقكم ولكم ياالخوه
نحنوا اخوان ويشرفنا مرورك

مرحبابك كمل شهرك ثلاثين ليله = والتحم شعب يبعث مع مجافي حويره
والمطر من كريم الوجه هو والمخيله=والمخوه تصون القافله والقطيره

[احمدباعجره المشجري]

مراحب عميد الشعر والقلوب عند بعض والابداع حقك ولك

[احمدباعجره المشجري]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

يامرحبابك ياالمبدع والابداع حقكم ولكم ياالخوه نحنوا اخوان ويشرفنا مرورك مرحبابك كمل شهرك ثلاثين ليله = والتحم شعب يبعث مع مجافي حويره والمطر من كريم الوجه هو والمخيله=والمخوه تصون القافله والقطيره

يالله اليل يالهاجس زهم عالحليله =جيبها من شرف شمسان وحيود صيره
لجل من له محل في المجتمع والقبيله=بن محمد حسن سيرته ياخير سيره

[الخليفي الهلالي]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

يالله اليل يالهاجس زهم عالحليله =جيبها من شرف شمسان وحيود صيره لجل من له محل في المجتمع والقبيله=بن محمد حسن سيرته ياخير سيره

عداك العيب يالمشجري شاعر فحل والنعم بك وبالمشاجر كلها


أخوك الخليفي؛؛؛؛؛

[حسن محمد سالم باقديم]

اقتباس : المشاركة الأصلية كتبت بواسطة احمدباعجره المشجري [ مشاهدة المشاركة ]

يالله اليل يالهاجس زهم عالحليله =جيبها من شرف شمسان وحيود صيره لجل من له محل في المجتمع والقبيله=بن محمد حسن سيرته ياخير سيره

ياحمد لي شهر منك ومده طويله=من معانيك يامولى الفكر والبصيره
والمخوه في الميزان كفه ثقيله=ورث شيبان وتفك الحوال العسيره
فخري الا بكم يااهل الغروس الاصيله=والدرك والمعاني والهجوس الجديره
من مقد حول لا يبعث فروعي جزيله=سنح وكنان ومغاره وهمه كبيره
قلت للخصم والتاجر ونفط المسيله=راس مالي وكنزي في الخوه والعشيره
ذا ضماري وكنزي واعترافك فضيله=وان تنكرت ماتحجب شموس الهجيره
زحي منقول لا راحت علي غنطليله=صبحوني كما الجند الحبيشي هبيره
من يقول البقش غايه وهي لاوسيله=من طمسه الهوى فيها تخمج غديره

[حسن محمد سالم باقديم]

اقتباس : المشاركة الأصلية كتبت بواسطة الخليفي الهلالي [ مشاهدة المشاركة ]

عداك العيب يالمشجري شاعر فحل والنعم بك وبالمشاجر كلها أخوك الخليفي؛؛؛؛؛

وانت مثله عداك العيب مافيك حيله=ماتعكر معاييني حصاة الطميره
من عداكم عدى عيني بسبر الفتيله=ذا ضميري وشف كلين يعرف ضميره

الطميره ... الانسان الابله المخبل

[حسن محمد سالم باقديم]

انستنا وارحبت قل للمشجري = رحب من الخاطر وطيب النيه
لاطابت النيات ماشي يعتكي = في كل شده باتقع فكيه

[حسن محمد سالم باقديم]

يامن خزينك ملانه باالعطايا تجود=غثنا من الخير والرحمات في كل حين
عبدك قرع باب فضلك ياالرحيم الودود=رافع يدين الطلب يامكرم الطالبين
نطلبك غبشه ومغرب والخلائق رقود=وساعة يقول النداء ياارحم الرحمين
نقول يارب رحمنا واعطنا في الجسود=صحه وتقوى ومضغه طيبه ماتخين
تصلح عمال المحدر مننا والصعود=وبها يتم الحصاد الزين دنيا ودين
زين العمل ذي يورد عاالقوافل ورود=عاحوض مولى الشفاعه سيد المرسلين
ذي حن له الجذع والكفره رمدهم رمود=ولعاد خلى لهم مصباه ترشن رشين
ياباسط الريش والجنحه فردها فرود=بعطيك مكتوب للحد المنيع الزبين
صبح بضه حيث ماسوس وحل بوعمود=بوعبدرحمن ذي جوده ملا كل صين
شرق وغرب على الوديان وعلى الريود=وعلى اليمن كلها من حيس لما العنين
ان خبت الناس عالف الذهب والنقود=ولا على الؤل ذي له قيم غالي ثمين
مايعتبر كنز كنز الادمي والفيود=معاملة طيبه واخلاق عليا ودين
ذي باتصون القوافل في الوطى والسنود=من اّخر ازمان ذي فيه الدواسر دحين
ان جيت بتسوق حنبه وان خطمته تقود=حنبه كما مثلها بتصيح ياغافلين
محد تسمع صياحك والخلايق شدود=من جول لا جول صبحوا شدود ومحملين
رجعت يارجل شلي في الزمان النكود=ذي صادم الناس صبحوا فيه متناشبين
كلين عاصب قشوشه والسقاء باالزنود=يايروح العصر ياسرح معا السارحين
من حيث ماتشط بعينك ماتحصل برود=ولاتحصل نسم خاطر ورحمه ولين
عدى زمان التراحم وانقضت له عقود=وسنين فيها السلا ياخيرها من سنين
فيها السليين لقوا نقش في كل عود=والصفوا راضي على اهله وهم راضيين
واليوم وين الرضاء في وقتنا والهجود=ولا السكون التحق ونبيت امسكنين
عسى برحمه من العين الرحيمه وجود=يصلح بها الشان والنيات معنا تزين
زين العمل ذي يحادي عاالودود الولود=ذي انجبت كم وكم من جيد عاقل رزين
ذي يحسب القارعه والمسأله في اللحود=وفي غواط الحفر من تحت تربه وطين

لا الولايات باترحم ولا الروس يرحم=
والفرنسي من السابق علومه رديه=

[الجويد حسن باقديم]

صبحكم الله باالخير

[الخليفي الهلالي]

اقتباس : المشاركة الأصلية كتبت بواسطة الجويد حسن باقديم [ مشاهدة المشاركة ]

صبحكم الله باالخير

وصبحك الله يالمقدم الجويد بالرضا والنعيم