حبيب القلب ظالم ربنا يهديه
يشاغلني بهمساته وسحره
يشيد في المحبه ساس قصره
وفجأه يغيب لايسأل ولا جيه
حبيب القلب ظالم ربنا يهديه
يخليني افكر الف فكره
وأضرب في حساباتي بعشره
يعذّبني..يتوهني بملاويه
حبيب القلب ظالم ربنا يهديه
وهو يملك لهذا القلب وامره
يقلّب فيه باليمنى ويسره
على جمر الغضى دايم يشوّيه
حبيب القلب ظالم ربنا يهديه
انا حبه وهو عارف ويدره
وعاهدني على كتمان سره
وانا دايم على عهدي اوفّيه
حبيب القلب ظالم ربنا يهديه
وكنت الكِنْ في برده وحره
سقيته الحلو واسقاني بمره
وناره في الحشا وش بايطفّيه
حبيب القلب ظالم ربنا يهديه
وياخوفي يألّمني بغدره
ويتركني امام الناس عبره
ونزوه من قصصه ومن حكاويه
حبيب القلب ظالم ربنا يهديه
وكل ماقول انا باتركه مره
احس القلب تشعل فيه جمره
ويعصيني ومقدر قول مابيه
حبيب القلب ظالم ربنا يهديه
ولكن رغم صده لي وهجره
وكل اسباب تعذيبي وقهره
فقلبي في الهوى مازال يغليه
حبيب القلب ظالم ربنا يهديه
صُبُر ياقلب زيّد فيك صبره
واعطي الأمل من ضاع عمره
متى داعيه نادى قوم لبيه
حبيب القلب ظالم ربنا يهديه
الماسه*