مساجلات الزامــــل الشعبي

[المدمر]

جمعه مباركه علينا وعليكم

[سبع الليل]

ذاخرج فصل في سوق الغنم بانراجل=يا الدلل حاني القرنين لا ترخصونه
ماعترف سوق باحنين من سوق باجل=عالي السعر والقيمه بطى في دنونه

[حلمي التوي]

جمعه مباركة علينا وعليك وجمعنا واياك على الطاعة

[سبع الليل]

المصور يصور والمخايل يخايل=من تعشى بكزمه بيتوا يحسدونه
لا قياسي نباها المشيخه للقبايل=مانباء خلق بياعت الورق ينضغونه

[سبع الليل]

اقتباس : المشاركة الأصلية كتبت بواسطة سبع الليل [ مشاهدة المشاركة ]

المصور يصور والمخايل يخايل=من تعشى بكزمه بيتوا يحسدونه لا قياسي نباها المشيخه للقبايل=مانباء خلق بياعت الورق ينضغونه

المصور يصور والمخايل يخايل=من تعشى بكزمه بيتوا يحسدونه
لا قياسي نباها المشيخه للقبايل=مانباء خلق بياعت ورق يمضخونه

[عمر الذيب]

ذي السنه سبع قال الذيب سوا الهوايل=يوم سبتوه على كيفه ولا تنصحونه
حط عربسات عا الشاشه واوربي ونايل=قال با شوف حسني يوم دحرج عيونه

[سبع الليل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ذي السنه سبع قال الذيب سوا الهوايل=يوم سبتوه على كيفه ولا تنصحونه حط عربسات عا الشاشه واوربي ونايل=قال با شوف حسني يوم دحرج عيونه

قلتها ياعمر ياذيب خير الخصايل=فيك مابالسن وانت اسد يوصفونه
ماالاوربي في الشاشه كما طيف مايل=من عرب سات باشاهد خبر ينشرونه
ريت صنعاء اليمن تغلق بواب المقايل=مانباء القات له ليله تسري غصونه
هت اخبار بوفيصل يحل المسايل=العمودي احمد والنعم ربي يصونه

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

ذي السنه سبع قال الذيب سوا الهوايل=يوم سبتوه على كيفه ولا تنصحونه حط عربسات عا الشاشه واوربي ونايل=قال با شوف حسني يوم دحرج عيونه

خلّه إيشوف حسني والخمم والرذايل=ذي رضوا بالمذلّه والخناء والمهونه
بلّغ الذيب قل له: كل شي شفه زايل=باقي الله معا الجودات يا ذيب غونه
دوب شوفك عليّه يا عمر منت سايل=ما كلينا عشاكم ذي بطى تطبخونه

محمد بن سعيــد بن مخــاشــن

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

المصور يصور والمخايل يخايل=من تعشى بكزمه بيتوا يحسدونه لا قياسي نباها المشيخه للقبايل=مانباء خلق بياعت ورق يمضخونه

ما يقع لك قياسك ... وإنت للهم شايل=راح عولق وجاء لك بلحلوق(ي) و كونه
ما سمعت المقاله ذيك يا سبع صايل؟=يحسدون العمى عبْياض ذي في عيونه

العمــــــــى = الأعمــــى
كــــــــــونه = ألمه ( الكون هو الألم في لهجة من اللهجات الحضرمية ومن هنا جاء العويل المشهور: يا كوني كوناه ).

محمد بن سعيــد بن مخــاشــن

[عمر الذيب]

اقتباس : المشاركة الأصلية كتبت بواسطة المخشني [ مشاهدة المشاركة ]

خلّه إيشوف حسني والخمم والرذايل=ذي رضوا بالمذلّه والخناء والمهونه بلّغ الذيب قل له: كل شي شفه زايل=باقي الله معا الجودات يا ذيب غونه دوب شوفك عليّه يا عمر منت سايل=ما كلينا عشاكم ذي بطى تطبخونه محمد بن سعيــد بن مخــاشــن

الف حيا وسهلا با لخيول الاصايل=من قداء العرض والفرسان لي يسكنونه
كل عشانا خلافك واختلاف الفنايل=عا المشجع معد يعرف فريقه ولونه
كيف سوي معد شي حل غير التحايل=من تحايل نجح ومن صدق يشنقونه
والعزوبي الى قرب قريب العوايل=قبل مي كلمونه بالعصاء يجلدونه

عمر الذيب