مساجلات الزامــــل الشعبي

[أحمد العمودي أبوفيصل]

مرحيب بن قطمان شل الحمل شل = وأمسى متغطي في الريده بشال
لي جا يتهجم علينا في المحل = وأنا وسط أرضي وريض بألحلال
يمكن فقد عقله وقد جاه الخلل = باحطله شوني وسط عينه خلال
بسألك يالبكري عن أخبار الدلل = قالوا تقهويهم ملقيلك دلال
لاجيت بتكلم البكري سعل = تعبان له مده من كثر السعال
بعض العرب ياناس قد صابه شلل = صابه شلل مسموم في حاله ومال
وأن حد من الشعار قد جاه الملل = من سمح دحقنا شناطيب الجبال

[أبونمر]

اقتباس : المشاركة الأصلية كتبت بواسطة البكري

اسمحوا لي بالفصل الجديد ياهل الزوامل عاد شي فكه وحل = والا بغيتو الضرب في الميت حلال مالعين تبكي عالزوامل والمقل = وين الحكم منكم وين زين المقال قالواالعسل يفسد اذا خالطه خل = ومن يريد الابن يسال عالخوال وين الحديد اللي يفل الحد فل = لا قد لحقته باقهر شاجع وفال

يالبكري الحكمه مع عيال الدول =تظهر وتتجدد متى ما لوقت دال
وتفيدهم حل الشائد والقبل =وبها يمدون القواسم والقبال
وانته على نيتك ود فرضك وصل=وقبض على حبل الموده والوصال
والنيه الزينه يصدقها عمل =وعسى بحسن الخاتمه وحسن العمال

[بن قطمان]

ذا فصل والثاني تكلم ياقلم=زيح الحواجز كلها قبل الحدود
يامرحبا بالقول ذي مصموم صم=من بو نمر القول قد هز الحيود
القول للشعار ذلا للنسم=والناس ذي تقراء على الكلمه شهود
ياهل السقيفه كل شي قدله علم=وصاحب المجهود يرضى بالجهود

[أحمد العمودي أبوفيصل]

بن قطمان الفصل حقك توه جديد
لاحد يلخبط

[أحمد العمودي أبوفيصل]

الفصل جديد عاد ماحد قصد عليه هذا فصلكم نرجو الرجوع عالقافي الاول
وأذا مالتزمتوا كلن بيفصلف على كيفه رد يابن قطمان الذي كنا عليه والامامعك شي كلام قل جلا

[أبونمر]

اقتباس : المشاركة الأصلية كتبت بواسطة بن قطمان

ذا فصل والثاني تكلم ياقلم=زيح الحواجز كلها قبل الحدود يامرحبا بالقول ذي مصموم صم=من بو نمر القول قد هز الحيود القول للشعار ذلا للنسم=والناس ذي تقراء على الكلمه شهود ياهل السقيفه كل شي قدله علم=وصاحب المجهود يرضى بالجهود

كلمه من العاقل محل اربع كلم =والجيد لازم في مكانه بايجود
ما دامكم عندي بكم فرحان جم = وفرحي طلع دارجه وسط السنود
سلام من عندي لكم يأهل الحكم =يامخليين الوزن عا قيم العمود
كل من عرفكم يوم ماشاف الندم =تمشون عاعادت بوتكم والجدود

[أبونمر]

ماعليه ياشباب اسمحوا لي جوبت على بن قطمان انما لكم حرية الأختيار على الفصل الأول او الثاني تستمرون
اعتبروها حاله استثنائيه لأنني لم اشاهد ملاحظة الأخ العزيز الغازي الا بعد الأرسال والعفو منكمجميعا

[بدوي الجبل]

حيا الكلام الزين ذي هو يفتهـــــــم=وأهل الزيانه منهم زينه تعــــــود
تتوارثون الجيد ياعالي القمـــــــــم=ماظركم حد فسل من زام الجـدود
اليــوم ومن قبله مرفوع العلـــــــــم=عدّاك عيب الشهر ثلاثينــي وزود
نطلب سمــح إن كان تقصيري بكم=ولا حدث مني زلل دون القصـــود

[أحمد العمودي أبوفيصل]

جينالكم يأهل المبادي والهمم = الله يكفينا من شر الحسود
في سعفهم ألي يمصون العجم = والعاصي الليله بلقيله قيود
بونمر اليوم في الساحه نهم = ليهو صبح ينهم معه عشره بنود
مسكين مالبدوي روح منهزم = لي كان هنا يبربركما خمسه هنود
حتى بورئس يكزم عالكزم = قالوا طلع شارد خارج الحدود
ماحد سوى قطمان عاده مافهم = عاده مايسمع حنات الرعود
ياناس أنا شوني من لحم ودم = والناس في الساحه تحوش بألكبود

[بن قطمان]

ماحد سوى قطمان عاده مافهـم
عاده مايسمـع حنـات الرعـود
ياناس أنا شوني مـن لحـم ودم
والناس في الساحه تحوش بألكبود

وهذا ردي على الغازي

ياصاحبي حط القدم فوق القدم=والتاليه شف عاد راسك باينود
قطمان لاهمك ولبعد شل هم=والبرق خيلته وحنات الرعود
كلن على ليلاه يالصاحب رسم=واحذر من الغدره ومن هيمان سود
انا على وعدي وبقسم لك قسم=عندي كلام الصدق مخلف بالوعود
لطمه بلطمه والقبيلي للتطم=يحقد وياويلك من الشهم الحقود
من قرن معبر لاعبيده لادهم=كل القبايل تحتشد وقت الحشود
لكن باوصيك شف عادك سلم=خل الكرع يمشي مع كل البدود
ماباك تتوصل الى حد الندم=ولا الحطب بيدي وباحط الوقود